ဗဟိုအာဖရိက သမ္မတနိုင်ငံ ကြားဖြတ်သမ္မတကို ရာထူးစွန့်လွှတ်ရန် ဖိအားပေး

ပို့စ်တင်ချိန် - 1/10/2014 08:45:00 PM

ဗဟိုအာဖရိက သမ္မတနိုင်ငံရဲ့ ကြားဖြတ်သမ္မတ မိုက်ကယ်ဂျိုတိုဒီးယားကို ရာထူး စွန့်လွှတ်ဖို့ ဒေသတွင်းခေါင်းဆောင်တွေရဲ့ ထိပ်သီးဆွေးနွေးပွဲက ဖိအားပေးနေပါတယ်။

ပြီးခဲ့တဲ့နှစ် ဒီဇင်ဘာလဆန်းပိုင်းက စတင်ခဲ့တဲ့ ဘာသာရေး အဓိကရုဏ်းအတွင်း လူ ၁ ထောင်ကျော် သေဆုံးခဲ့တဲ့ကိစ္စနဲ့ ပတ်သက်လို့ သမ္မတရဲ့ အရည်အသွေးအပေါ် ဒေသတွင်း ခေါင်းဆောင်တွေက မေးခွန်းထုတ်နေကြတာ ဖြစ်ပါတယ်။

African Central 3သမ္မတနဲ့ နီးစပ်တဲ့ သတင်းအရင်းအမြစ်တရပ်ရဲ့အဆိုအရ ချဒ်သမ္မတခေါင်းဆောင်တဲ့ ဒေသတွင်း ခေါင်းဆောင်တွေဟာ သမ္မတ ဂျိုတိုဒီးယားအပေါ် ဆက်ပြီး စိတ်မရှည်ချင်တော့ဘူးလို့ ဆိုပါတယ်။

ထိပ်သီးဆွေးနွေးပွဲအစမှာပဲ ချဒ်သမ္မတ အိုင်ဒရစ်ဒီဘိုင်းက ပြဿနာကို ပြေလည်ဖို့ ဗဟိုအာဖရိကနိုင်ငံထဲက ခေါင်းဆောင်တွေ အချင်းချင်း ပူးပေါင်းကြဖို့ တိုက်တွန်းလိုက်ပါတယ်။

ဇန်န၀ါရီ ၉ ရက်နေ့မှာပဲ ဗဟိုအာဖရိကနိုင်ငံကနေ အသွင်ကူးပြောင်းရေးကာလမှာ ခေါင်းဆောင်တွေကို ချဒ်နိုင်ငံဆီကို ခေါ်လာဖို့ လေယာဉ် ၁ စင်းကို ချဒ်နိုင်ငံက စေလွှတ်ခဲ့ပါတယ်။

နိုင်ငံရေးမှာ အရေးပါတဲ့ပုဂ္ဂိုလ်တွေနဲ့ ဗဟိုအာဖရိကသမ္မတနိုင်ငံက အရေးပါတဲ့ နိုင်ငံရေးသမားတွေ အားလုံးနဲ့ ဒေသတွင်း ခေါင်းဆောင်တွေ ဆွေးနွေးနိုင်ဖို့ စီစဉ်တာ ဖြစ်ပါတယ်။

မြေပြင်မှာတော့ ပြင်သစ်တပ်တွေနဲ့ အာဖရိကနိုင်ငံတွေက စေလွှတ်ထားတဲ့ တပ်တွေဟာ စီလီကာ မွတ်စလင်သူပုန်တွေနဲ့ ခရစ်ယာန် လက်နက်ကိုင်တွေကြားက ဘတပြန် ကျားတပြန် တိုက်ခိုက်မှုတွေကို ထိန်းသိမ်းနိုင်ဖို့ အခက်ကြုံနေရတုန်းပါပဲ။

ပဋိပက္ခကြောင့် ထွက်ပြေးရသူဦးရေကလည်း ၁ သန်းရှိသွားပြီး ဖြစ်သလို အစိုးရနဲ့ သူပုန်အကြား ညှိနှိုင်းဖို့ ကြားဝင် ဆောင်ရွက်နေတဲ့ ကွန်ဂိုသမ္မတက စီစဉ်တဲ့ အစည်းအဝေးတရပ်လည်း လာမဲ့ ဇန်န၀ါရီ ၁၁ ရက်နေ့မှာ ပြုလုပ်ဖို့ ရှိပါတယ်။

ဘွန်ဂီမြို့တော်မှာ ပြုလုပ်မယ့် အစည်းအဝေးကနေ အသွင်ကူးပြာင်းရေးကိစ္စကို ဆွေးနွေးဖို့ ရည်ရွယ်ထားပါတယ်။

လက်ရှိသမ္မတ မိုက်ကယ် ဂျိုတိုဒီးယားက ဒေသတွင်း အာဖရိကခေါင်းဆောင်တွေရဲ့ အဆိုပြုချက်နဲ့ ကြားဖြတ်သမ္မတကို ခန့်အပ်ထားပါတယ်။

ဒါပေမယ့် ကြားဖြတ်သမ္မတကလည်း သွေးထွက်သံယိုမှုတွေကို အဆုံးသတ်နိုင်ဖို့ အစွမ်းအစ ကင်းမဲ့နေတာကြောင့် ၁၉၉၄ ခုနှစ်မှာ ဖြစ်ပွားခဲ့တဲ့ ရ၀မ်ဒါ လူမျိုးတုန်း သတ်ဖြတ်မှု ပုံစံမျိုး ဖြစ်မှာကို စိုးရိမ်နေကြပါတယ်။
DVB Burmese