ကိုယ်ဝန် ရှိနေမှန်း မသိဘဲ ကလေးမွေးခဲ့တဲ့ ခရစ်ယာန်သီလရှင်

ပို့စ်တင်ချိန် - 1/24/2014 12:00:00 AM

အီတလီလူမျိုးခရစ်ယာန် သီလ ရှင်တစ်ဦးသည် ကိုယ်ဝန် ရှိနေကြောင်း အမှန်တကယ်မသိခဲ့ဘဲ သားယောက်ျား လေးတစ်ဦး မွေးဖွားခဲ့ကြောင်း သိရ သည်။

အသက် ၃၁ နှစ် အရွယ်ရှိ အဆိုပါ သီလရှင်သည် ယခုသီတင်းပတ် အစောပိုင်း အတွင်းဆိုးဆိုးရွားရွား အစာအိမ် ဝေဒနာ ခံစားရသည်ဟု ဆိုကာ ဆေးရုံ တက်ခဲ့ခြင်းဖြစ် သည်။

”ကျွန်မမှာ ကိုယ်ဝန် ရှိနေမှန်း မသိခဲ့ဘူး။ အစာအိမ်နာနေတယ်လို့ ခံစားနေရတာပါ”ဟု ၄င်းက အီတလီ သတင်းဌာန ANSA ကိုပြောကြားသည်။

၎င်းသည် သားဖြစ်သူအား ဖရန် စစ်ဟု အမည်ပေးထားပြီး လက်ရှိပုပ် ရဟန်းမင်း ဘုန်းတော်ကြီး စိန့်ဖရန်စစ် သည် နိုင်ငံအဝှမ်း ကျော်ကြားသူ တစ်ဦး ဖြစ်သောကြောင့် ထိုအမည်မှာ အီတလီ နိုင်ငံ၌ ရေပန်းစား လှသည်။

အဆိုပါ သီလရှင် ကလေးမွေးသော သတင်းသည် Rieti မြို့လေးအား တအံ့တသြ ဖြစ်စေခဲ့ပြီး စေတနာရှင် များက ကလေးနှင့် မိခင် အတွက် ပိုက်ဆံနှင့် အဝတ် အထည် များ ပေးအပ်လှူဒါန်း ကြသည်။

၎င်းမြို့လေး၏ မြို့တော်ဝန်က မိခင်နှင့် ကလေးအား လွတ်လပ်စွာနေ ထိုင်ခွင့်ပေးရန် မြို့သူမြို့သား များအား တိုက်တွန်း ထားပြီး ၄င်း၏ မိတ်ဆွေ သီလရှင်များက ယင်း သတင်းကြောင့် အံ့အား သင့်လျက်ရှိသည်။

TW

Ref : Daily Mail
Popular Myanmar News Journal