စုန်းမအိပ်မက် မက်သူနဲ့ စကားစမြည်

ပို့စ်တင်ချိန် - 1/07/2014 10:00:00 PM

နှင်းထွဋ်ဆွေရဲ့ စုန်းမအိပ်မက် စီးရီး မျက်နှာဖုံး

လတ်တလော ထွက်ရှိထားတဲ့ စုန်းမအိပ်မက် ဆိုတဲ့ တေးစီးရီးကို သီဆိုထားသူ နှင်းထွဋ်ဆွေဟာ ဟစ်ပ်ဟော့ပ် အဆိုတော် ကျော်ထွဋ်ဆွေရဲ့ အစ်မ ဖြစ်တယ်လို့ သိရပါတယ်။ သူ့ရဲ့ ပထမဆုံး တေးစီးရီးမှာ တေးရေး ရွှေဂျော်ဂျော်၊ ဖြိုးလေး၊ ကြည်သာ၊ N Zai၊ MC လွှမ်းပိုင်၊ ဆလိုင်း၊ ရဲရင့်၊ သိန်းလင်းစိုး၊ ရသ၊ သားကြီး၊ AKS ၊ ကျော်ထွဋ်ဆွေတို့ ရေးစပ်ထားတဲ့ တေးသီချင်း ၁၃ ပုဒ် ပါဝင်ပြီး ရသ၊ ရဲရင့် (One Way)၊ ကျော်ထွဋ်ဆွေ၊ N Zai ၊ Lil Z ၊ Jenny၊ နန္ဒီထွဋ်ဆွေတို့က Featuring သီဆိုပေးထား ပါတယ်။ Title သီချင်းဖြစ်တဲ့ စုန်းမအိပ်မက်ကတော့ တေးရေး ရွှေဂျော်ဂျော် ဖြစ်ပါတယ်။ အဲဒီ စီးရီးထဲက သီချင်း တချို့ကို ရှိုးပွဲတွေမှာ ဆိုနေတာ၊ ပရိသတ် လက်ခံနေတာတွေ တွေ့ရတဲ့အတွက် စုန်းမအိပ်မက်ရဲ့ အဆိုရှင် နှင်းထွဋ်ဆွေနဲ့ စကားစမြည် ပြောဆို ဖြစ်ခဲ့ပါတယ်။

မေး။     ။ နှင်းထွဋ်ဆွေရဲ့ အခုထွက်ထားတဲ့ စီးရီး အခွေအကြောင်း ပရိသတ်ကို ဟြေပေးပါဦး။

ဖြေ။     ။ နှင်းထွဋ်ရဲ့ ပထမဆုံးလုပ်တဲ့ တကိုယ်တော် စီးရီးလေးပါ။ စီးရီး နာမည်ကိုတော့ စုန်းမ အိပ်မက်လို့ ပေးထားပါတယ်။ နှင်းထွဋ်ရဲ့ အခွေ စုန်းမအိပ်မက်ထဲမှာ သီချင်းအားလုံး ၁၃ ပုဒ် ပါပါတယ်။ သီချင်းအားလုံး ကိုယ့်အကြိုက်တွေပဲ လုပ်ထား တာပါ။ STRING ၊ PRO နဲ့ D.R.E.A.M စတူဒီယိုတွေမှာ  သွင်းထားပါတယ်။

မေး။     ။ ဒီ စီးရီးလုပ်ခဲ့တုန်းက အမှတ်တရတွေ ရှိခဲ့လား။

ဖြေ။     ။ စီးရီး Title ဖြစ်တဲ့ စုန်းမ အိပ်မက်ကတော့ အမှတ်တရ အဖြစ်ဆုံးပါပဲ။ ခဏခဏ ပြန်သွင်းခဲ့ရပါတယ်။ အဲဒါကြောင့် အမှတ်တရ ဖြစ်ခဲ့တာပါ။ Key တွေ ချိန်ရတာလည်း ပါတာပေါ့လေ။ ကျန်တဲ့ သီချင်းတွေကလည်း အမှတ်တရ ရှိပါတယ်။

မေး။     ။ သီချင်း အမျိုးအစားတွေကရော ဘယ်လိုပုံစံမျိုးတွေ ပါလဲ။

ဖြေ။     ။ သီချင်းအမျိုးအစား တွေကတော့ Hip Hop, R&B, Pop နဲ့ Party Rock ပုံစံလေးတွေ ပါပါတယ်။

မေး။     ။ ဂီတကိုရော ဘယ်အရွယ် ကတည်းက ၀ါသနာပါခဲ့တာလဲ။

ဖြေ။     ။ နှင်းထွဋ်က ဂီတကို ငယ်ငယ်ကတည်းက ၀ါသနာပါခဲ့တာပါ။ ငယ်ငယ် ကတည်းက သီချင်း နားထောင်ရတာကို ကြိုက်ခဲ့တာပေါ့။ နောက် အရွယ်ရောက်လာတဲ့ အချိန်မှာ သီချင်းဆိုချင်စိတ်တွေ ဖြစ်လာတာပါ။

မေး။     ။ မောင်ဖြစ်တဲ့ အဆိုတော် ကျော်ထွဋ်ဆွေကို အားကျပြီး လုပ်ဖြစ်ခဲ့တာလား။

ဖြေ။     ။ နှင်းထွဋ်ရဲ့ မောင်ဖြစ်တဲ့ ကျော်ထွဋ်ဆွေ ကိုအားကျပြီး လုပ်ခဲ့တာလည်း မဟုတ်ပါဘူး။ သူ အောင်မြင်တိုင်းလည်း ကိုယ် အောင်မြင်ချင်မှ အောင်မြင်မှာပါ။ ဂီတကို တကယ် ၀ါသနာပါလို့ လုပ်ခဲ့တာပါ။

မေး။     ။ ဘာလို့ စီးရီးနာမည်ကို စုန်းမ အိပ်မက်လို့ ပေးခဲ့တာလဲ။

ဖြေ။     ။ ကိုယ့်ကာရိုက်တာ နဲ့လည်း ပိုလိုက်သလို ဖြစ်တယ်လို့ ခံစားရသလို၊ ခပ်ကြမ်းကြမ်း လေးလည်းဖြစ်လို့ စုန်းမ အိပ်မက် နာမည်ကိုစီးရီး Title အဖြစ် ပေးခဲ့တာပါ။ ကိုယ့်စိတ်ကူးနဲ့ကိုယ် ဓာတ်ပုံ ကာဗာတွေကအစ စီစဉ်ခဲ့တာပါ၊
ဒီဇိုင်နာ တွေကိုလည်း ဟြေပြ တိုင်ပင်ခဲ့တာပါ။ အားလုံးကလည်း အစစအရာရာ ကူညီ ပေးခဲ့ကြပါတယ်။

မေး။     ။ ပရိသတ် အားပေးမှုကို ဘယ်လောက်အထိ မျှော်မှန်းထားလဲ။

ဖြေ။     ။ ကိုယ့်သီချင်းတွေကို ကိုယ်ကတော့ အားပေးမှုကို အဆုံးအထိ လိုချင်တာပေါ့။ ဒါပေမယ့် အားပေးတာ မပေးတာက ပရိသတ်တွေရဲ့ ဆန္ဒပါ၊၊

မေး။     ။ အခုရော ပွဲတွေမှာ ဆိုနေတာတွေ့ရတယ်နော်။

ဖြေ။     ။ အခု ရှိုးပွဲအကြီးတွေတော့ မဆိုရသေးပါဘူး။ ကိုယ့်သီချင်းတွေကို Promotion လုပ်တဲ့အနေနဲ့ ပွဲတွေ တချို့တော့ ဆိုပေး ဖြစ်ပါတယ်။ ပိုက်ဆံမရသေးတဲ့ ပွဲတွေပေါ့နော်။

မေး။     ။ VCD ရော ထွက်ဖို့ စီစဉ်ထားသေးလား။

ဖြေ။     ။ VCD ကို နောက်လထဲမှာ ရိုက်ဖို့တော့ မှန်းထားပါတယ်။ တနှစ်လောက်တော့ ကြာမယ် ထင်ပါတယ်။ ကိုယ်ကတော့ အမြန်ဆုံး လုပ်ချင်တာပေါ့နော်၊၊

မေး။     ။ ပရိသတ်ရဲ့ အားပေးမှု ရှိမရှိကို ဘယ်လောက် သိရပြီလဲ။

ဖြေ။     ။ အခု အခွေထွက်ခဲ့တဲ့ တလလောက် အတွင်းမှာတော့ အကောင်းပဲ ကြားရပါတယ်။ မကြိုက်ဘူး ဟြေတဲ့ ပရိသတ်တော့ မတွေ့သေးပါဘူး။ ပရိသတ်ဆီကို သေချာရောက်မှပဲ အခြေအနေကို ပြန်သိရမှာပါ။

မေး။     ။ ဒီအခွေ ထွက်ဖို့ ဘယ်လိုတွေ ကြိုးပမ်းခဲ့ရလဲ။

ဖြေ။     ။ အစစ အရာရာပါပဲ။ One Way အဖွဲ့က ရဲရင့်က နှင်းထွဋ်ကို အကုန်လုံး အစစအရာရာ ကူညီပေးပါတယ်။ ကူညီပေးတဲ့သူ အားလုံးကိုလည်း ကျေးဇူးတင်ပါတယ်။

မေး။     ။ ပရိသတ်တွေကိုရော ဘာဟြေချင်လဲ။

ဖြေ။     ။ နှင်းထွဋ်ရဲ့ အခွေ စုန်းမအိပ်မက်ကို ပရိသတ်တွေ သေချာလေး နားထောင်ပြီး ဝေဖန်ပေးကြပါလို့ ဟြေချင်ပါတယ်။ နောက်ထပ် အခွေတွေ ထွက်နိုင်အောင်လည်း ကြိုးစားမှာပါလို့ ဟြေပါရစေ။
ဧရာဝတီ သတင်း