လွတ်လပ်ရေး၏ အဓိပ္ပာယ်
ပို့စ်တင်ချိန်
- 1/04/2014 02:30:00 PM
====================
အယ်ဒီတာ့အာဘော်
====================
၂၀၁၄ ခုနှစ်၊ ဇန်နဝါရီလ ၄ရက်နေ့ သည် မြန်မာနိုင်ငံ၏ (၆၆)နှစ် မြောက် လွတ်လပ်ရေးနေ့ အခါသမယဖြစ်ပေသည်။ (၆၆)နှစ် သည် ယေဘုယျ အားဖြင့် တွက်စစ်ကြည့် မည်ဆိုပါက မျိုးဆက်နှစ် ဆက်စာနီးပါး ဖြစ်သည်။ မျိုးဆက်တစ်ဆက်ကို နှစ်သုံးဆယ်၊ သုံးဆယ့်ငါးနှစ် စသဖြင့် တွက်ကြသည် မဟုတ်ပါလား။
မြန်မာနိုင်ငံ၏ အတိတ်သမိုင်းကို ပြန်ကြည့် လိုက်လျှင် လွတ်လပ်ရေး ကို ပြည်မနှင့် တောင်တန်း မခွဲခြားဘဲ အရယူနိုင်ရေး ဗိုလ်ချုပ်အောင်ဆန်း၏ ကြီးမှူး ကြိုးပမ်းမှုဖြင့် တိုင်းရင်းသားများ ပါဝင်လာ စေရန် ပင်လုံစာချုပ်ကို ချုပ်ဆိုခဲ့ကြပြီး လွတ်လပ် ရေးကို အတူတကွ အရယူခဲ့ကြသည်ကို အားလုံး သိပြီး ဖြစ်ကြလေသည်။ ထိုသို့ လွတ်လပ်ရေးရပြီး သိပ်မကြာ ကွန်မြူနစ် များ တောခို၊ ကရင်လက်နက် ကိုင်အဖွဲ့များ တောခိုခဲ့ကြရာက စလျက် ပြည်တွင်း စစ်မီးကြီး တောက်လျှောက်လောင် ကျွမ်းလာခဲ့သည် မှာ ယနေ့ထက်ထိ ဖြစ်သည်။ ပြန်ကြည့်လျှင် အင်္ဂလိပ် လက်အောက်မှ လွတ်လပ်ရေးရပြီး ထိုရရှိလာခဲ့သည့် လွတ်လပ်ရေးနှင့် အတူပင် ပြည်တွင်း စစ်ကို မွေးဖွား ပေးခဲ့သည်ကို တွေ့နိုင်ပေရာ လွတ်လပ်ရေး၏ အနှစ်သာရနှင့်အဓိပ္ပာယ်ကိုပင် ယခုအချိန်အထိ မြန်မာပြည်သူများ တိတိပပ၊ ကောင်းကောင်းမွန်မွန် ခံစားခဲ့ကြရဖူးပြီဟု မဆိုနိုင်သေးချေ။
လွတ်လပ် ရေး၏ အနှစ်သာရနှင့်အဓိပ္ပာယ်အစား ကျည်ဆန် အခွံများနှင့် အတိဒုက္ခရောက်ရမှုများ၊ လူ့ဂုဏ်သိက္ခာ ကင်းမဲ့ခဲ့ရမှုများသာ မြန်မာပြည်သူ များ အတိအကျ ရရှိခံစားခဲ့ကြရသည်ကို တွေ့ရသည်။
လွတ်လပ်ရေးရပြီးနောက် တစ်မွန်းတည့်မျှ သာခံခဲ့သည့် ပါလီမန်ဒီမိုကရေ စီခေတ်၊ ညတာရှည် အိပ်မက်များခဲ့ရသည့် တစ်ပါတီအာဏာရှင်စနစ် နှင့် ထိမှတစ်ဖန် အကြောက်တရားက အရိပ်လိုထိုး ထားသည့် စစ်အာဏာ ရှင်ခေတ်ဆိုး ကာလရှည်ကြီး အောက်မှ ယနေ့မြန်မာနိုင်ငံသည် လွတ်မြောက် လာခဲ့သည့်တိုင် လွတ်လပ်မှုသည် အရိုးစွဲလာသည့် အကြောက် တရားနှင့် လိုသလိုအဓိပ္ပာယ်ဖွင့်ဆိုမှုခံ ခဲ့ရသည့် လွတ်လပ်ရေး၏ ပင်ကိုအနှစ်သာရသည် ပုံပျက်ပန်းပျက်ဖြစ်လျက်ပင် ရှိနေသေးသည်ကို တွေ့နိုင်ပေသည်။
ယနေ့မြန်မာနိုင်ငံတွင် လွတ်လပ်မှုကို မည်မျှ အထိ ခံစားခွင့်ရရှိနေပြီဆို သည်ကို မျက်မှောက် နိုင်ငံရေးအခင်းအကျင်းများထဲမှ နိုင်ငံရေးလွတ် လပ်မှု၊ စီးပွားရေးလွတ်လပ်မှု၊ ပညာရေးလွတ်လပ်မှု တို့ မည်မျှရရှိနေပြီလဲဟူသည့် အချက်များဖြင့် တိုင်း တာကြည့်လျှင် သိနိုင်ပေလိမ့်မည်။ ထိုနည်းတူ ပင်လုံ စာချုပ်မှ မြစ်ဖျားခံလာခဲ့သည့် တိုင်းရင်းသားများ အခွင့်အရေး မည်သည့်အတိုင်းအတာအထိ ရရှိ နေပြီလဲဟူသည့်အချက်များက သက်သေခံနေပေ လိမ့်မည်။
၂၀၁၃ခုနှစ်အထိ ထိုအချက်များကို ပြည့်ပြည့် ဝ၀ မမြင်တွေ့ခဲ့ရချေ။ အစိုးရကမူ ခွင့်ပြု ထားသည့် ဘောင်ထဲက အခွင့်အရေးထက် ပိုယူ ရန် မကြိုးစားပါနှင့်ဟုအဓိပ္ပာယ်ရသော စကားကို ဆိုထားပေရာ ၂၀၁၄ခုနှစ်တွင် နိုင်ငံရေးလွတ်လပ် ခွင့်ကို မည်သို့မည်ပုံ မြင်တွေ့နိုင်မည်လဲဆိုသည့် အချက်က မြန်မာ့နိုင်ငံရေးကို ဇာတ်ရှိန်တက်စေ မည့်အချက် ဖြစ်လာစေနိုင်မည်ဟု ယူဆရပါကြောင်း။
အယ်ဒီတာ
ဇန်နဝါရီ ၃၊ ၂၀၁၄
Yangon Media Group
