စကားပြောစက်များ တရားမဝင် ကိုင်ဆောင်ပါက အရေးယူမည်

ပို့စ်တင်ချိန် - 1/02/2014 11:15:00 PM

စကားပြောစက် (Walkie-Talkie) များကို ခွင့်ပြုချက်မရှိဘဲ ကိုင်ဆောင်အသုံးပြုပါက အရေးယူခံရမည် ဖြစ်ကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနမှ တရားဝင် ထုတ်ပြန်လိုက်ကြောင်း သိရသည်။ ယခုအခါ တချို့ပုဂ္ဂိုလ်၊ ဌာန၊ အဖွဲ့အစည်းများသည် လိုင်စင်နှင့် ခွင့်ပြုချက်မရှိဘဲ ဆက်သွယ်ရေး ဝန်ဆောင်မှုများကို လုပ်ကိုင်ခြင်းနှင့် ကန့်သတ်စက်ပစ္စည်းများ ဖြစ်သော လမ်းလျှောက်စကားပြောစက် (Walkie-Talkie) များ၊ HF/VHF ရေဒီယိုလွှင့်စက်များ အသုံးပြုခြင်းများကို တွေ့ရှိလာရကြောင်း သိရသည်။ ယင်းသို့ တရားမဝင် ဝန်ဆောင်မှုများ ဆောင်ရွက်ခြင်း၊ ဆက်သွယ်ရေးပစ္စည်းများကို အသုံးပြုခြင်းများကြောင့် အဆိုပါစက်ပစ္စည်းများမှ ထုတ်လွှင့်သော ရေဒီယိုလှိုင်းနှုန်းများသည် တရားဝင်ခွင့်ပြုထားသော ဝန်ဆောင်မှု လုပ်ငန်းများ၏ စက်ပစ္စည်းများကို လာရောက် နှောင့်ယှက်သဖြင့် ဝန်ဆောင်မှု အရည်အသွေးကို ကျဆင်းစေပြီး တရားဝင်လိုင်စင်ဖြင့် ကိုင်ဆောင်သည့် ရေဒီယိုလှိုင်းနှုန်း သတ်မှတ်ပေးခံထားရသည့် ပုဂ္ဂိုလ်၊ ဌာန၊ အဖွဲ့အစည်းများ၏ ဆက်သွယ်ရေး စနစ်ကိုပါ အနှောင့်အယှက် ဖြစ်စေသဖြင့် အဆိုပါထုတ်ပြန်ချက်ကို ၂၀၁၄ ခုနှစ် ဇန်နဝါရီ ၁ ရက်က ယင်းကဲ့သို့ ထုတ်ပြန်လိုက်ခြင်းဖြစ်ကြောင်း သိရသည်။ အဆိုပါ ထုတ်ပြန်လိုက်မှုကြောင့် ယခုအခါ ပြည်တွင်းပြည်ပမှ ပုဂ္ဂိုလ်၊ ဌာန၊ အဖွဲ့အစည်းများ အနေဖြင့် ပြဋ္ဌာန်းပြီးဖြစ်သော ဆက်သွယ်ရေးဥပဒေနှင့်အညီ ဆက်သွယ်ရေး ဝန်ဆောင်မှုလုပ်ငန်းများ ဆောင်ရွက်လိုပါက တရားဝင်လိုင်စင် လျှောက်ထားရတော့မည် ဖြစ်ကြောင်း သိရသည်။ လိုင်စင်နှင့် ခွင့်ပြုချက်မရှိဘဲ ဆက်သွယ်ရေး ဝန်ဆောင်မှုများ လုပ်ကိုင်ခြင်း၊ လိုင်စင်ဖြင့်သာ ခွင့်ပြုထားသော ဆက်သွယ်ရေး စက်ပစ္စည်းများကို လိုင်စင်မရှိဘဲ ကိုင်ဆောင်အသုံးပြုခြင်း မပြုလုပ်ရန် အသိပေးထားကြောင်း သိရသည်။ တရားမဝင် ဝန်ဆောင်မှု လုပ်ကိုင်ခြင်းနှင့် ဆက်သွယ်ရေး စက်ပစ္စည်းများ ကိုင်ဆောင်အသုံးပြုခြင်းကို တွေ့ရှိပါက တည်ဆဲဥပဒေနှင့်အညီ အရေးယူသွားမည်ဖြစ်ကြောင်း သိရသည်ဟု ၂၀၁၄ ခုနှစ် ဇန်နဝါရီလ ၂ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။ "
khit lu nge