နေရောင်ခြည်သည် သွေးပေါင်ချိန်၊ နှလုံးရောဂါနှင့် လေသင်တုန်း ရောဂါ ဖြစ်ပွား မှုကို လျော့ကျ စေနိုင်

ပို့စ်တင်ချိန် - 1/26/2014 03:13:00 PM

နေရောင်ခြည်နှင့်ထိတွေ့ခြင်းသည် သွေးပေါင်ချိန်ကို လျော့ကျ စေနိုင်ပြီး နှလုံး ရောဂါနှင့် လေသင်တုန်း ရောဂါ ဖြစ်ပွားမှုကို လျှော့ချ ပေးနိုင်ကြောင်း လေ့လာမှု တစ်ခုအရ သိရသည်။

နေရောင်ခြည်သည် သွေးပေါင်ချိန်ကို လျှော့ချ ပေးနိုင်သည့် သွေးနှင့် အရေပြား အတွင်းရှိ နိုက်ထရစ် အောက်ဆိုက်နှင့် သေးငယ်သော မော်လီကျူး ပမာဏကို ပြောင်းလဲ စေနိုင်ကြောင်း အီဒင်ဘာ့ဂ်နှင့် ဆောက်သမ်တန် တက္ကသိုလ် များမှ ပညာရှင်များ ပြုလုပ်သော သုတေသန တစ်ခုအရ သိရသည်။ အရေပြား အတွင်းရှိ နိုက်ထရစ် အောက်ဆိုက်သည် သွေးပေါင်ချိန် ထိန်းညှိရာတွင် အရေးပါသော အခန်းကဏ္ဍ တစ်ရပ် အနေဖြင့် ပါဝင်ပြီး နေရောင်နှင့် ထိတွေ့သော အခါ နိုက်ထရစ် အောက်ဆိုက် ပမာဏ အနည်းငယ်သည် အရေပြားမှ သွေးလည်ပတ်ခြင်းသို့ ပြောင်းလဲ သွားပြီး သွေးခုန်နှုန်း ကို လျော့ကျစေကာ နှလုံး ရော ဂါနှင့် လေသင်တုန်း ရောဂါ ဖြစ်ပွားမှု ကိုလည်း လျော့ကျစေကြောင်း ဆောက် သမ်တန် တက္ကသိုလ်ရှိ ဆေးပညာနှင့် ဇီဝဗေဒ လေ့လာရေး ဌာနမှ ပါမောက္ခ မာထင် ဖီးလစ်ခ်ျက ပြောကြားခဲ့သည်။

သို့ရာတွင် အရေပြား ကင်ဆာ ရောဂါကို ကာကွယ်ရန် နေရောင် ထိတွေ့မှုကို အကန့်အသတ် ဖြင့်သာ ခံယူသင့်ကြောင်း၊ ယခင် သုတေသန ပြုချက်များတွင် ဖော်ပြ ထားသော်လည်း နှလုံး သွေးကြောနှင့် ဆက်စပ်နေသော အခြေအနေ တိုးမြှင့် လာခြင်းဖြင့် နေရောင် ထိတွေ့မှု နည်းခြင်းသည် အကျိုး မရှိကြောင်း အီဒင်ဘာ့ဂ် တက္ကသိုလ်မှ ဒေါက်တာ ရစ်ချက်ဝယ်လာ ဦးဆောင်သော သုတေသန အဖွဲ့မှ အကြံပြုထားသည်။

နေရောင်ခြည် ထိတွေ့ခြင်းသည် သွေးကြောများကို ကျယ်စေပြီး သွေးပေါင်ချိန်ကို သိသိသာသာ လျော့ကျစေသည့် အပြင် သွေးလည်ပတ်မှု အတွင်းရှိ နိုက်ထရစ် အောက်ဆိုက် ပမာဏကို ဗီတာမင်ဒီ ပမာဏ ပြောင်းလဲမှု မရှိဘဲ အသွင် ပြောင်းစေနိုင်ကြောင်း သုတေသန ပြုချက် တွင် တွေ့ရသည်။

မြ၀တီ