မြေတူးနေစဉ် ကမ်းပါးယံပြိုကျ၍ ၃ ဦးသေ၊ ၂ ဦးဒဏ်ရာရ
ပို့စ်တင်ချိန်
- 1/20/2014 10:45:00 AM
နေပြည်တော်၊ ဇန်န၀ါရီ ၁၉
၂၀၁၄ ခုနှစ်၊ ဇန်န၀ါရီလ ၁၈ ရက်နေ့ နေ့လည် ၁ နာရီ ၁၀ မိနစ်အချိန် နေပြည်တော်၊ ဥတ္တရသီရိမြို့နယ်၊ မောင်းရမ်းကျေးရွာအရှေ့ဘက်(၁)မိုင်ခန့်အကွာ V4 H6 လမ်းနှင့်ပေ(၃၀)ခန့်အကွာ၊ မြေကွက်အမှတ်(၁၈၈၂)ကျောက်အိုးတောင်ယာ အတွင်းရှိ မောင်းရမ်းကျေးရွာနေ ဦးသန်းအောင်(၄၈)နှစ်၏တောင်ယာကွင်း အတွင်း မြေပြိုကျ၍လူသေဆုံးမှုဖြစ်ပွားကြောင်း သတင်းအရ တောင်ညို နယ်မြေရဲစခန်းမှတပ်ဖွဲ့ဝင်များသည် သက်သေများနှင့်အတူသွားရောက်စစ်ဆေးခဲ့သည်။
စစ်ဆေးချက် အရ မြေတူးအလုပ်သမားဖြစ်သူ ဥတ္တရသီရိမြို့နယ်၊ ဇလောင်းမြောက်ရွာနေ ရဲစိုး(၂၀)နှစ်ပါ(၆)ဦး မြေတူးသယ်နေစဉ် အမြင့်(၁၈)ပေခန့်ရှိ မြေသားကမ်းပါးပြိုကျသဖြင့် ရဲစိုးပါ(၃)ဦးမှာ မြေသားပိ၍ အခင်းဖြစ်နေရာတွင်သေဆုံးခဲ့ပြီး မကြိုင်နှင့်ဇော်မင်းတို့(၂)ဦးမှာ ၀ဲခြေထောက်တွင် ဒဏ်ရာအနည်းငယ်စီ ရရှိခဲ့ကြောင်းတွေ့ရှိ ရသောကြောင့် တောင်ညိုနယ်မြေရဲစခန်း၊ သေမှုသေခင်းအမှတ်စဉ်(၂/၂၀၁၄) ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။
ရဲဇာနည်
