လွှတ်တော်ကိုယ်စားလှယ်များ အားလုံးကို အစိုးရမှ မြေကွက်ပေး

ပို့စ်တင်ချိန် - 1/25/2014 08:36:00 AM

ရန်ကုန်၊ ဇန်န၀ါရီ ၂၂

ပဲခူးတိုင်းဒေသကြီး အစိုးရ ၀န်ကြီးချုပ် ဦးဉာဏ်ဝင်းက ပဲခူးတိုင်းဒေသကြီး အတွင်း လွှတ်တော် ကိုယ်စားလှယ်များ အားလုံးသို့ မြေကွက်များ ချထားပေးခဲ့ကြောင်း အစိုးရအဖွဲ့နှင့် နီးစပ်သူများထံမှ သတင်းရရှိသည်။

ပဲခူးတိုင်းဒေသကြီး ပြည်ခိုင်ဖြိုးပါတီ အလုပ်အမှုဆောင် တစ်ဦးက ပြောကြားရာတွင် လွှတ်တော် ကိုယ်စားလှယ်များ မြေကွက်(ပေ ၆၀ x ပေ ၈၀)တစ်ကွက်စီ၊ ကာလ ပေါက်ဈေး ၁၈ သိန်း တန်ဖိုးဖြစ်ပြီး ကေတုမတီမြို့သစ် (တောင်ငူ) ခွပ်သစ်ကုန်းတွင် ဖြစ်ကြောင်း ပြောကြားခဲ့သည်။ လွှတ်တော် ကိုယ်စားလှယ်များကို အစိုးရက မြေကွက်ပေးသည့် ကိစ္စနှင့် စပ်လျဉ်း၍ လက်ပံတန်းမှ လွှတ်တော်အမတ် တစ်ဦးဖြစ်သူ ဒေါ်အေးအေးခိုင်(ကြံ့ခိုင်ရေးပါတီ)ကို ဖုန်းဖြင့်ဆက်သွယ် မေးမြန်းခဲ့ရာ ““ပညာရေးကောလိပ် နားမှာရတာ၊ စာရွက်ရတာ တစ်နှစ်လောက် ရှိပြီ။ ပေါက်ဈေးရလျှင် ရောင်းမည်။ ဈေးစောင့်နေတာ၊ သူများပေးတဲ့ဈေးပေါ့။ ကြားဖြတ် ရွေးကောက်ပွဲပြီးပြီးချင်း ပေးတာ။ (ပေ ၆၀ x ပေ ၈၀) လောက်တော့ ရှိမယ်။ တောင်ငူ ပညာရေးကောလိပ်ဆောက်မယ့် နေရာနားမှာ””ဟု ပြောကြားသည်။

တိုင်းအစိုးရမှ လွှတ်တော် ကိုယ်စားလှယ်များကို မြေကွက်များ ချပေး၍ တိုင်းအစိုးရအဖွဲ့၊ ၀န်ကြီး ကိုယ်ရေးအရာရှိ တစ်ဦးကလည်း ““ပဲခူးမှာတော့ မဟုတ်၊ တောင်ငူမှာပါ၊ အပြင်လူ လျှောက်လို့မရပါ၊ ဌာနဆိုင်ရာ အကြီးအကဲတွေ၊ လွှတ်တော် ကိုယ်စားလှယ်တွေရပြီး လွှတ်တော်ကိုယ် စားလှယ်တွေ ပြန်ရောင်းကြတယ်။ သိန်း ၂၀ ၀န်းကျင်လောက်တော့ ပေါက်တယ်။ အပြင်လူ မပေးပါ။ လွှတ်တော်အမတ်တွေ ပဲရတယ်””ဟု ပြောသည်။

အချို့သော မြေနေရာများတွင် တိုင်းဒေသကြီး လွှတ်တော်ဥက္ကဋ္ဌမှ လွှတ်တော် ကိုယ်စားလှယ်များအတွင်း မြေ ၅ ဧကခန့် ရကြောင်း၊ မြေလွတ်များကို ဖော်ထုတ်ပြီးမှ ပေးခြင်းဖြစ်ကြောင်း အစိုးရအဖွဲ့ဝင် တစ်ဦးက မြန်မာသံတော်ဆင့်သို့ ပြောသည်။

အစိုးရအဖွဲ့၏ အုပ်ချုပ်ရေး လုပ်ငန်းများတွင် ပြည်သူများအတွက် ထိန်းညှိပေးရန် လွှတ်တော်များ ပေါ်ပေါက်လာခြင်းကို အများသဘောကျသော်လည်း အစိုးရ သက်တမ်း ပြီးဆုံးခါနီး အချိန်အထိ လွှတ် တော်များနှင့် အစိုးရများအကြား အပြန်အလှန် အချေအတင် ထိန်းညှိရေး ကိစ္စများ ပြောဆိုခြင်း မပြုကြသည့် လွှတ်တော်များအပေါ် အများပြည်သူက အားမလိုအားမရ ဖြစ်နေကြချိန်တွင် ယခုကဲ့သို့ အစိုးရအပေါ် ပြည်သူဘက်မှ ဝေဖန်ထောက်ပြရန် တာဝန်ရှိသည့် လွှတ်တော် ကိုယ်စားလှယ်များကို အစိုးရက မြေကွက်များ လူစေ့တက်စေ့ ချထားပေးခြင်းသည် ပြည်သူများအတွင်း သံသယဖြစ်ဖွယ်ရာ ဖြစ်လာနိုင်ကြောင်း ပဲခူး တိုင်းဒေသကြီးအတွင်း ၀ါရင့်ကြံ့ခိုင်ရေး အတွင်းရေးမှူး တာဝန်ယူခဲ့သူ တစ်ဦးက မြန်မာသံတော်ဆင့်သို့ သုံးသပ် ပြောကြားသည်။

၂၀၁၂တွင် ဧရာဝတီင်္တိုင်းဒေသကြီး လွှတ်တော်ဥက္ကဋ္ဌ ဦးဆန်းဆင့်က တိုင်းဒေသကြီး အစိုးရကို ပြင်းပြင်းထန်ထန် ဝေဖန်ထောက်ပြခဲ့ပြီး တိုင်းဒေသကြီးအစိုးရ တာဝန်ရှိသူကို အရေးယူနိုင်ရန် နိုင်ငံတော် သမ္မတ ဦးသိန်းစိန်သို့ လွှတ်တော်ဥက္ကဋ္ဌအနေဖြင့် သ၀ဏ်လွှာ ပေးပို့ တင်ပြခဲ့သော်လည်း သမ္မတက တိုင်းဒေသကြီး အစိုးရကို တစ်စုံတစ်ရာ အရေးယူ ဆောင်ရွက်ရန် တုန့်ပြန်ခြင်းမရှိဘဲ တိုင်းဒေသကြီး လွှတ်တော်ဥက္ကဋ္ဌ ဦးဆန်းဆင့်ကို ပြည်ထောင်စုဝန်ကြီးအဖြစ် ဗဟိုအစိုးရသို့ ပြောင်းရွှေ့ခဲ့သည်။

ဤသို့ဖြင့် ၁၉၈၈ နောက်ပိုင်း တပ်မတော် အစိုးရမှသည် အရပ်သား အစိုးရသစ် ပြောင်းလဲခဲ့ချိန်၌ တပ်မတော်အငြိမ်းစား အစိုးရအကြီးအကဲများ အချင်းချင်း အပြန်အလှန် ဖေးမလျက် ပြည်သူလူထုများ အပေါ်တွင်မူ ဥပဒေပုဒ်မကြီးများဖြင့် တပ်၍ ဆက်ဆံအုပ်ချုပ် နေကြခြင်းမျိုး ရှိနေသရွေ့ မြန်မာနိုင်ငံ၏ ပြည်သူများအတွက် ရင်လေးဖွယ်ရာ ဖြစ်ကြောင်း၊ အစိုးရနှင့် ၀န်ထမ်းများသည် ပြည်သူ့ကျွန်အဖြစ် မခံယူဘဲ ပြည်သူများကို ထိန်းကျောင်းပဲ့ပြင်ရမည့် သူများအဖြစ် ခံယူနေခြင်းမှာ လွန်စွာ မှားယွင်းပြီး ယခင်အစိုးရခေတ်မှ ယနေ့တိုင် ဖိနှိပ်ခံခဲ့ကြရသော ပြည်သူများ၏ ဘ၀ကို နားလည် စာနာသင့်ကြပြီ ဖြစ်ကြောင်း ၂၀၁၀တွင် အငြိမ်းစားယူခဲ့သည့် တပ်မတော် အကြီးအကဲ တစ်ဦးက မြန်မာသံတော်ဆင့်သို့ ပြောကြားသည်။

ဗဟိုအစိုးရ၊ ပြည်နယ်/တိုင်းဒေသကြီး အစိုးရများ၊ ပြည်သူ့လွှတ်တော်၊ အမျိုးသား လွှတ်တော်၊ တိုင်းဒေသကြီး လွှတ်တော်၊ ပြည်နယ်လွှတ်တော်၊ အကြီးအကဲများနှင့် ဥက္ကဋ္ဌများ အားလုံးနီးပါးသည် ယခင် စစ်အစိုးရ လက်ထက်၌ လုပ်ဖော်ကိုင်ဖက် တပ်မတော် အရာရှိကြီး အငြိမ်းစားများ ဖြစ်ကြပြီး တစ်ဦးစနှစ်ဦးစသာ အရပ်သား ပြည်ခိုင်ဖြိုး အတွင်းရေးမှူး အချို့ဖြစ်ကြသည်။

Myanmar Thandawsint Newspaper