ကလေးလုပ်သားတွေအတွက် မိုဘိုင်းလ်စာသင်ခန်း လာပြီ၊ ကလေး ၁၂ဝကို သင်ကြားပေးနေ

ပို့စ်တင်ချိန် - 1/19/2014 05:13:00 PM

ကလေးတွေ စာသင်ခန်းဆီမလာနိုင်ရင် ကလေးတွေဆီ စာသင်ခန်းကသွားမယ်ဆိုတဲ့ဆောင်ပုဒ်နဲ့ My ME အဖွဲ့ဟာ ကလေးလုပ်သားတွေအတွက် မိုဘိုင်းလ်ပညာရေးတစ်ခုကို ဇန်နဝါရီ ၁၈ရက်နေ့ ထူထောင်တဲ့အကြောင်း မိတ်ဆက်လိုက်ပါတယ်။

ပညာမသင်နိုင်ဘဲ လုပ်ငန်းခွင်ဝင်နေရတဲ့ လက်ဖက်ရည်ဆိုင်တွေက ကျောင်းနေအရွယ်ကလေးတွေတွေကို မိုဘိုင်းလ်ရွှေ့လျားစာသင်ခန်းအဖြစ် ကလေး ၁၂ဝကို သင်ကြားပေးနေပြီး ရှေ့ပြေးအစီအစဉ် ၆လကုန်ဆုံးရင် ရေရှည်စီမံချက်ကို ရေးဆွဲသွားမယ်လို့ ဒေါ်ဆွေဇင်ထိုက်က ဆိုပါတယ်။

မြန်မာအစိုးရက သူတို့ရဲ့ မိုဘိုင်လ်းစာသင်ခန်း အစီအစဉ်ကို ကြိုဆိုအားပေးသလို လက်ဖက်ရည်ဆိုင် ပိုင်ရှင်တွေနဲ့ ညှိနှိုင်းပြီးလုပ်ကိုင်ရတာ အဆင်ပြေပြီး အကျိုးရှိတယ်လို့ ဆိုပါတယ်။ အခုလက်ရှိမှာတော့ Lucky Seven ဆိုင် ၂ဆိုင်က ကလေးတွေအတွက် လုပ်ပေးနေတယ်လို့ ဆိုပါတယ်။

ကလေးလုပ်သား ပပျောက်ဖို့ဆိုတာ အားလုံးပူးပေါင်းလုပ်ဆောင်ရမှာဖြစ်ပြီး နိုင်ငံတကာကလည်း ကလေးလုပ်သားသုံးစွဲမှုကို ပြစ်တင်ရှုတ်ချနေမှာမို့ ကိုယ်တတ်နိုင်တဲ့ဘက်ကနေ တာဝန်ယူသွားမယ်လို့ ဆိုပါတယ်။

မိုဘိုင်းလ်စာသင်ခန်းမှာတော့ Level 1,2,3,4 ဆိုပြီး ခွဲခြားထားပြီး စာသင်ခန်းကားကိုလည်း ၁စီးကနေ ၄စီးအထိ တိုးချဲ့သွားမှာဖြစ်တယ်လို့ ဆိုပါတယ်။ ဒီ My ME လုပ်ငန်းကို ပြီးခဲ့တဲ့ တစ်လကျော်မှာ စတင်လုပ်ဆောင်နေတာလို့ ဆိုပါတယ်။
Kamayut Media