အာဆီယံနိုင်ငံများအကြား ရင်းနှီးမြှပ်နှံမှုကိစ္စရပ်များ ဖြေလျှော့ရေး ဆွေးနွေး

ပို့စ်တင်ချိန် - 1/11/2014 08:45:00 PM

နေပြည်တော်၊ မဇ္ဈိမ။ ။ မြန်မာနိုင်ငံက အိမ်ရှင်အဖြစ် ဇန်န၀ါရီလ ၁၀ရက်နှင့် ၁၁ ရက်တွင် နှစ်ရက်တာ ကျင်းပနေသည့် ၆၂ ကြိမ်မြောက်
အာဆီယံရင်းနှီးမြှပ်နှံမှုဆိုင်ရာ လုပ်ငန်းညှိနှိုင်းမှု ကော်မတီ (ASEAN Committee on cooperation of Investment-ACCI) အစည်းအဝေးတွင်
အဖွဲ့ဝင်နိုင်ငံများကြား ရင်းနှီးမြှပ်နှံမှုဆိုင်ရာ ဖြေလျော့မှုများပေးရန် ဆွေးနွေးလျက်ရှိသည်ဟု ဆွေးနွေးပွဲတက်ရောက်သော အကြီးတန်းအရာရှိတစ်ဦးက ပြောသည်။

အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်ရေးဝန်ကြီးဌာန၊ ရင်းနှီးမြှပ်နှံမှုနှင့် ကုမ္ပဏီများ ညွန်ကြားမှုဦးစီးဌာနမှ ညွန်ကြားရေးမှူး ဒေါ်တင်အေးဟန်က "ဒီအစည်းအဝေးတွေဟာ ရင်းနှီးမြှပ်နှံမှု အတားအဆီးတွေကို ဖြေလျော့ပေးဖို့ လုပ်တာဖြစ်ပါတယ်" ဟု ပြည်တွင်းမီဒီယာအချို့ကို ဖြေကြားခဲ့သည်။

၂၀၁၅ ခုနှစ်တွင် အာဆီယံကွန်မြူနတီကို အကောင်အထည်ဖော်ရာတွင် အာဆီယံစီးပွားရေး အသိုက်အ၀န်း၊ အာဆီယံနိုင်ငံရေး၊ လုံခြုံရေး အသိုက်အ၀န်းနှင့် အာဆီယံ ယဉ်ကျေးမှုအသိုက်ဝန်းဟူ၍ အကောင်အထည်ဖော်ရာတွင် အာဆီယံစီးပွားရေး အသိုက်အ၀န်းကို အထောက်အကူပြုစေရန် ထိုအစည်းအဝေးကို ကျင်းပခြင်းဖြစ်သည်။

၂၀၁၅ အာဆီယံစီးပွားရေးအသိုက်အ၀န်းကို အကောင်အထည်ဖော်ရန် ၂၀၁၂ခုနှစ်၊ မတ်လတွင် အာဆီယံ ဘက်စုံရင်းနှီးမြှပ်နှံမှုဆိုင်ရာ စာချုပ်
အသက်ဝင်လာခဲ့ပြီး ယင်းစာချုပ်ပါ အချက်များကိုလည်း အကောင်အထည်ဖော်ရန် ရှိသည်ဟု ၎င်းက ပြောသည်။

အကောင်အထည်ဖော်ရာတွင် ရင်းနှီးမြှပ်နှံမှုတိုးမြှင့်ရေး၊ လုပ်ငန်းများလွယ်ကူစေရေး၊ ကာကွယ်ပေးရေးနှင့် ဖြေလျှော့ပေးရေးစသည့်လေးချက်ဟူ၍
လေးပိုင်းရှိသည်ဟု ၎င်းက ပြောသည်။

၎င်းက "၂၀၁၅ရဲ့ရည်မှန်းချက်က ရင်းနှီးမြှပ်နှံမှုတွေ လွတ်လပ်စွာစီးဝင်စေခြင်းပဲ ဖြစ်ပါတယ်" ဟု ပြောသည်။

မြန်မာနိုင်ငံအနေဖြင့် ရင်းနှီးမြှပ်နှံမှု ကာကွယ်သည့် အပိုင်းတွင် ရင်းနှီးမြှပ်နှံမှု လမ်းညွန်စာအုပ်များထုတ်ဝေခြင်း၊ ရင်းနှီးမြှပ်နှံမှုများ လွယ်ကူစေရန်
အဆင့်များလျှော့ချခြင်း၊ နိုင်ငံခြား ရင်းနှီးမြှပ်နှံမှုများကို နိုင်ငံပိုင်မသိမ်းရန် ကာကွယ်ပေးထားခြင်း၊ ဖြေလျှောမှုအပိုင်းတွင် ယခင်က နိုင်ငံခြား
ရင်းနှီးမြှပ်နှံမှုမပေးသည့် လုပ်ငန်း(ဥပမာ- ဝိုင်ထုတ်လုပ်ခြင်း)ကို ပေးခြင်း စသဖြင့် လုပ်ကိုင်နေသည်ဟု ၎င်းက ပြောသည်။

၎င်းက "ကျွန်မတို့က စဉ်းစားတဲ့အခါမှာ တစ်နိုင်ငံတည်းအတွက် မစဉ်းစားဘူး။ အာဆီယံတစ်ခုလုံးအတွက်စဉ်းစားပါတယ်" ဟု ပြောသည်။

အစည်းအဝေးကို ဇန်န၀ါရီလ ၁၁ရက်တွင် ဆက်လက်ကျင်းပမည်ဖြစ်သည်။ မြန်မာနိုင်ငံက အာဆီယံဥက္ကဌအဖြစ် တာဝန်ယူသည့် ၂၀၁၄ ခုနှစ်၏ ပထမဦးဆုံး အာဆီယံ ရင်းနှီးမြှပ်နှံမှုဆိုင်ရာ အစည်းအဝေးအဖြစ် ကျင်းပခြင်းဖြစ်ပြီး ၆၃ ကြိမ်မြောက်အစည်းအဝေးကို မေလတွင် ရှမ်းပြည်နယ်၊ တောင်ကြီးတွင် ကျင်းပမည်ဖြစ်ကာ ၆၄ ကြိမ်မြောက်အစည်းအဝေးကို နိုဝင်ဘာလတွင် မန္တလေးမြို့၌ ကျင်းပမည်ဖြစ်သည်။
Written by ၀င်းကိုကိုလတ်
Mizzima Burmese