ဆက်သွယ်ရေး လေလံအောင်ထားတဲ့ ကုမ္ပဏီနှစ်ခုကို လိုင်စင်ထုတ်ပေး

ပို့စ်တင်ချိန် - 1/30/2014 06:10:00 PM

မြန်မာနိုင်ငံမှာ ဆက်သွယ်ရေး လုပ်ငန်းလုပ်ခွင့် လေလံ အောင် မြင်ထားတဲ့ နော်ဝေနိုင်ငံက တယ်လီနော ကုမ္ပဏီနဲ့ ကာတာနိုင်ငံက အူရီဒူး ကုမ္ပဏီတို့ကို သက်ဆိုင်ရာက ဒီနေ့ လိုင်စင်ထုတ်ပေး တော့မယ်လို့  သိရပါတယ်။

အူရီဒူးကုမ္ပဏီ အတွက်လိုင်စင်ကို ဒီနေ့ ကြာသပတေးနေ့မှာ နေပြည်တော်မှာ ထုတ်ပေးမှာဖြစ်တယ်လို့  မြန်မာအစိုးရ အကြီးတန်း အရာရှိတစ်ဦးက ပြောဆိုကြောင်းနဲ့  တယ်လီနော ကုမ္ပဏီ အတွက်လိုင်စင်ကိုတော့ ဖေဖေါ်ဝါရီလ ၃ ရက်နေ့မှာ ထုတ်ပေးမှာဖြစ်တယ်လို့  နောက်ထပ်အရာရှိကြီးတစ်ဦးက ပြောဆိုကြောင်း ရိုက်တာသတင်းတပုဒ်မှာ ဖေါ်ပြထားပါတယ်။

ပြန်ကြားရေးဝန်ကြီးဌာန ဒုတိယဝန်ကြီး ဦးရဲထွဋ်ကတော့ ဒီနေ့ ဇန်နဝါရီလ ၃၀ ရက်နေ့ မနက် ၉ နာရီခွဲမှာ နေပြည်တော်က ဆက်သွယ်ရေးနဲ့ သတင်းအချက်အလက် နည်းပညာဝန်ကြီးဌာနမှာ နိုင်ငံတကာ ကုမ္ပဏီနှစ်ခုကို ဆက်သွယ်ရေးလိုင်စင် ထုတ်ပေးတဲ့ အခမ်းအနားရှိမှာ ဖြစ်တဲ့အတွက် သတင်းယူလိုလျှင် သတင်းစာ၊ ဂျာနယ်တိုက် တစ်တိုက်ကိုတစ်ဦးကျ တက်ရောက်နိုင်တယ်လို့ သူ့ ရဲ့ဖေ့ဘွတ် စာမျက်နှာမှာ အသိပေးရေးသားထားပါတယ်။

RFA Burmese