ဒေသခံတစ်ဦးပိုင် ဆိုင်ခန်းများ နိုင်ငံတော်လေလံအဖြစ် ထည့်သွင်းရောင်းချခံရပြီး ပြန်လည်ရရှိခြင်း မရှိသေး
ပို့စ်တင်ချိန်
- 1/26/2014 08:01:00 PM
ကျောက်မဲ၊ ဇန်န၀ါရီ ၂၆။
ရှမ်းပြည်နယ်မြောက်ပိုင်း၊ ကျောက်မဲမြို့၊ အမှတ်(၂)ရပ်ကွက်၊ သိရိမင်္ဂလာလမ်း၊ ကွင်းအမှတ်(၃၁)ဈေးရပ်ရှိ ဦးကျော်မြင့်နှင့် ဇနီးဒေါ်ခင်စန်းရီပိုင် မြေဂရံဦးပိုင် အမှတ်(၁၁၀-ခ)အဆောက်အဦးမှ ဆိုင်ခန်း(၄)ခန်းအား နိုင်ငံတော် လေလံအဖြစ် ၂၀၁၀ခုနှစ်၊ ဇန်န၀ါရီ၂၂ရက်ထုတ် မြန်မာ့အလင်းသတင်းစာတွင် ထုတ်ပြန်ကြေငြာခြင်း ခံရသည်မှာ မတရား လေလံစွဲခြင်း ခံရသည် ဟု၎င်းဂရံ အထူးကိုယ်စားလှယ် လက်ခံထားသူ ဦကျော်အောင်က ဆိုသည်။
ဖြစ်စဉ်မှာ အထက်ပါပိုင်ဆိုင်မှုသည် ၁၉၄၅ခုနှစ်၌ ကျောက်မဲမြို့နေ ဦးစိန်နှင့်ဇနီးဒေါ်ပုတို့မှ အဆိုပါနေရာအား မြေပိုင်ဆိုင်မှုမြေပေးမိန့်ဖြင့် စတင်နေထိုင်လာခဲ့ခြင်းဖြစ်သည်။ ၎င်းတို့၏သားနှစ်ဦးဖြစ်သော ဦးကျော်အောင်နှင့် ဦးကျော်မြင့်ညီအစ်ကိုနှစ်ဦးကိုဆောက်ထားသော ဆိုင်ခန်း(၁၂)ခန်းအနက် တစ်ဦးလျှင်(၆)ခန်းစီ အမွေခွဲဝေပေးခဲ့ကြောင်း၊ ယင်းနောက်မိဘများကွယ်သည့်နောက်ပိုင်း ၎င်းညီအစ်ကိုနှစ်ဦးမှာ မြေဂရံဦးပိုင် အမှတ်၁၁၀-က/ခခွဲ၍ နေထိုင် လာခဲ့ကြသည်။ မြန်မာ့ဆိုရှယ်လစ်လမ်းစဉ်ခေတ်၌ပင် ဦးကျော်မြင့်ပိုင် အဆိုပါအဆာက်အဦးမှ ဆိုင်ခန်း(၄)ခန်းအား မတရားပြည်သူပိုင် သိမ်းခံရ၍ ဦးကျော်မြင့်မှာ ကျောက်မဲမြို့ရှိသက်ဆိုင်ရာ အာဏာပိုင်ရုံးဌာနများသို့ တင်ပြတောင်းဆိုကာ ၎င်းဌာနများက စုံစမ်းစစ်ဆေးမှုများပြုလုပ်ပြီး အထောက်အထားခိုင်လုံသောကြောင့် ပြည်သူပိုင်သိမ်းမြေဂရံအား နဂိုမူလပိုင်ရှင်ဦးကျော်မြင့်သို့ ပြန်လည်လွှဲအပ်ခဲ့သည်ကိုလည်း ပြည်သူပိုင်သိမ်းလွှဲအပ်စာရွက်မှတ်တမ်းအရ သိရသည်။
၁၉၇၇ခုနှစ်ဇန်န၀ါရီ၁ရက်တွင် ကျောက်မဲမြို့သမ၀ါယမဦးစီးဌာနမှ သမဆေးခန်းဖွင့်ရန် အဆိုပါ ဦးကျော်မြင့်ပိုင် ဆိုင်ခန်း(၄)ခန်းအား တစ်လလျှင် သုံးရာကျပ်ဖြင့် ငှားရမ်းခဲ့ကြောင်း၊ ငှားရမ်းစာချုပ်သက်တမ်း ကုန်ဆုံးသည့် အချိန်ပိုင်ရှင် ဦးကျော်မြင့်က ဆက်မငှားလို၍ ဆိုင်ခန်းပြန်အပ်ရန် ပြောသော် အဆိုသမဌာနက အခန်းပြန်မအပ်ခြင်းကြောင့် နှစ်ဦးနှစ်ဖက် စကား အချေအတင်ဖြစ်ခဲ့ကြောင်း၊ ၎င်းသမဌာနက ဆိုင်ခန်းအား အခြားသူများကို တဆင့်ဆိုင် ငှားစားခဲ့ကြောင်း၊ ယင်းလုပ်ရပ်ကြောင့် ပိုင်ရှင်ဦးကျော်မြင့်က သက်ဆိုင်ရာမှ ပြန်လည်တောင်းဆိုခဲ့သော်လည်း တစ်စုံတရာ ထူးခြားမှုမရှိခဲ့ပေ ၊ဦးကျော်မြင့်မှာ စိတ်ဖိစီးမှုများရလာကာ မြေဂရံနာမည်ပေါက် သူ၏ဇနီး ဒေါ်ခင်စန်းရီအား မိမိပိုင် ဆိုင်ခန်းကိစ္စနှင့် ပတ်သက်၍ တာဝန်ယူခိုင်းခဲ့ရင်း ဦးကျော်မြင့်မှာကွန်လွန်သွားကြောင်း အစ်ကိုဖြစ်သူ ဦးကျော်အောင်၏ ပြောချက်အရ သိရသည်။
ယင်းအပြင်၂၀၁၀ခုနှစ်၊ဇန်န၀ါရီ ၂၂ရက်ထုတ် မြန်မာ့အလင်း သတင်းစာ၊ စာမျက်နှာ(၁၃)၌ ဦးကျော်မြင့်နှင့် ဒေါ်ခင်စန်းရီတို့ ပိုင်သည့် အထက်ပါဆိုင်ခန်း(၄)ခန်းအား နိုင်ငံပိုင်လေလံပစ္စည်းအဖြစ် ကြေငြာခြင်းခံရသည့်အတွက် အစ်ကိုဖြစ်သူ ဦးကျော်အောင်နှင့် ဒေါ်ခင်စန်းရီတို့မှာ မကျေနပ်၍ ကျောက်မဲမြို့နယ် အထွထွေအုပ်ချုပ်ရေးဌာနသို့ တိုင်ကြားတောင်းဆိုခဲ့သည်။ ၎င်းဌာနမှသက်ဆိုင်ရာ အခွန်ဦးစီးမှုး၊ မြေစာရင်းဦးစီးမှုးနှင့် ကျောက်မဲမြို့မှ သမဦးစီးမှုးများကို ခေါ်ယူစစ်ဆေးမှုများ ပြုလုပ်ရာ အမှန်တကယ်ဦးကျော်မြင့် မိသားစုပိုင်ဆိုင်ခန်းများဖြစ်ကြောင်း ၎င်းဌာမှထောက်ခံအတည်ပြုချက်စာရွက်မှတ်တမ်းအရ သိရသည်။
၎င်းလေလံနှင့်ပတ်သက်၍ ဦးအောင်ကျော်နှင့်ဒေါ်ခင်စန်းရီတို့က နေပြည်တော်၊ ပုဂ္ဂလိပိုင်ပြုလုပ်ရေး ကော်မရှင်ရုံးအမှတ်(၁)သို့ တိုက်ရိုက်တင်ပြတိုင်ကြားရာတွင် အဆိုပါလေလံဆိုင်ခန်းအား ရပ်ဆိုင်းစေပြီး(၁)နှစ်ကျော် စုံစမ်းစစ်ဆေးမှုများ ပြုလုပ်ခဲ့ကြောင်း၊ တကယ်တမ်းလေလံမှာ မတရားလုပ်ကြံမှုဖြစ်၍ သက်သေအထောက်အထား ခိုင်လုံစွာရှိရက်နှင့် နိုင်ငံတော်အစိုးရက အဆိုပါလေလံဆိုင်ခန်း(၄)ခန်းအား ရပ်ဆိုင်းသည်မှ ဖျက်သိမ်း/ရုတ်သိမ်းဆိုသည့် စကားသာပြောရမည်ဖြစ်ကြောင်း၊ ကျောက်မဲသမဌာနမှ သော့ခတ်သိမ်းယူထားသည်မှာလည်း အဆိုပါလေလံကိစ္စနှင့် မည်သို့ပတ်သက်နေကြောင်း အထူးကိုယ်စားလှယ်လွှဲအပ်ယူထား သူဦးကျော်အောင်က ပြောသည်။
ယင်း၂၀၁၀ခုနှစ်လေလံတွင် နိုင်ငံပိုင်စီးပွားရေး လုပ်ငန်းအခု(၁၁၀)ကို လေလံတင်ရောင်းချနေသည့် သတင်းဖြစ်သည်၊ ၎င်းလေလံတင်ပစ္စည်းအနက် အထက်ပါကျောက်မဲမြို့ရှိ ဆိုင်ခန်းမှလွဲ၍ ကျန်မြို့များမှ လေလံအောင်သူများကို ရောင်းခွင့် ပြုနေကြောင်း၊ လက်ရှိပိုင်ဆိုင်ထားသည့် အဆိုပါဆိုင်ခန်း(၄)ခန်း မြေဂရံသက်တမ်းမှာလည်း ၂၀၁၆ခုနှစ်အထိ နှစ်၂၀ဂရံ သက်တမ်းဖြစ်ကြောင်း စုံစမ်း သိရသည်။
အဆိုပါကိစ္စနှင့်ပတ်သက်၍ လက်ရှိဂရံလက်ဝယ်ပိုင်ဆိုင် သူဦးကျော်အောင်က“တကယ်တော့ကျုပ်တို့ မတရားခံရတာပါ၊ နည်းအမျိးမျိုးနဲ့ ကျုပ်တို့ကို ဒုက္ခပေးနေတာ၊ နိုင်ငံတော် ဂုဏ်သိက္ခာ ဘယ်လောက် ကြသွားနိုင်သလဲဆိုတာ ပြောစရာ ဖြစ်လာတော့မယ်၊ နိုင်ငံတော်လေလံထဲ ပါရအောင်ကျုပ်တို့က ဥပဒေနဲ့အညီ နေထိုင်နေတာပဲ၊ ဘာဖြစ်လို့ကျုပ်ဆိုင်ခန်းက လေလံဖြစ်ရတာလဲ၊ နားမလည်အောင်ပါပဲ၊ ကျုပ်ကမကျေနပ်ဘူး ဥပဒေအတိုင်း ဆက်လုပ်မယ”ဟု ၎င်းကပြောသည်။
ယင်းအပြင်ဦးကျော်အောင်၏ဇနီး ဒေါ်စန်းစန်းမြင့်ကလည်း “ကျွန်မ အသက်၆၅နှစ်ရှိပြီ ဘယ်သူ့ကိုမှ မတရားတာ မလုပ်ဘူး၊ ကျွန်မ ယောက်ကျားရဲ့ ညီအတွက် ကျွန်မတို့မှာ တာဝန်ရှိတယ်၊ တရားဥပဒေ စိုးမိုးရေးဟုတ်မဟုတ် ကျွန်မတို့က စောင့်ကြည့်ရမှာပဲ၊ မှန်တယ်ဆိုရင်ဘယ်သူ့ကိုမှ မကြောက်တတ်ဘူး ၊ဒီကိစ္စကို ဆက်လုပ်သွားမှာပါ”ဟု အထက်ပါဒေါ်စန်းစန်းမြင့်က ဆိုသည်။
အထက်ပါဆိုင်ခန်းနှင့်ပတ်သက်၍ ကျောက်မဲမြို့နယ် သမ၀ါယမဦးစီးဌာနအရာရှိ ဒေါ်ခင်တင့်အား ဆိုင်ခန်းသော့ခတ် သိမ်းထားခြင်း သိလို၍မေးရာ“ကျွန်မကပြောင်းလာတာ မကြာသေးဘူး၊ ခေတ်အဆက်ဆက်က ပြည်သူပိုင် အဆောက်အဦးဆိုပြီး သမမှာစာရင်းသွင်းထားလို့ ကျမတို့ဌာနက သိမ်းထားရတာပါ၊ ဒီလိုလုပ်ရတာကလည်း ခေတ်အဆက်ဆက်က အရင်သမဌာန လုပ်ခဲ့ခုလိုဖြစ်ရတာပါ၊ ဘာပြောရမှန်းကို မသိတော့ဘူး၊ ရုံးချုပ်မှာလည်း ဒီလိုပဲစာရင်းရှိနေပါတယ်၊ တကယ်လည်း ဦးကျော်မြင့်နဲ့ဇနီးပိုင်ဆိုင်ခန်းဆိုတာ အထောက်အထားရှိပါတယ်၊ အထက်ညွှန်ချုပ်အမိန့်ရရင်တော့ ကျွန်မတို့က ဆိုင်ခန်းသော့ပြန်ပေးဖို့ အသင့်ပါပဲ”ဟု ၎င်းအရာရှိကဆိုသည်။
မြေဂရံအထောက်အထားနှင့် ပတ်သက်၍ ကျောက်မဲမြို့နယ်မြေစာရင်း ဦးစီးအရာရှိ ဦးစိုင်းဝင်းမင်းကိုက “ဖြစ်စဉ်အရ ဆိုရင်တော့ လက်ရှိမြေဂရံကပဲ တရားဝင်ပါတယ်၊ ဒီလိုဂရံဖြစ်ဖို့ဆိုတာ ကျွန်နော်တို့ရုံးက မြေရာဇ၀င်တွေကို သေချာ စစ်ဆေးပြီး အထက်အစိုးရရုံးအဆင့်ဆင့်ကို တင်ပြီးမှ ဂရံဆိုတာထွက်ပေါ်လာတာပါ၊ လေလံလုပ်ရင်လေလံစွဲသူနဲ့ အစွဲခံရသူတွေက ကျွန်တော်တို့ရုံးကို အသိပေးပြီးမှ လုပ်လို့ရပါတယ်၊ လုပ်ချင်လုပ်လို့မရဘူး”ဟု အဆိုပါရုံးအရာရှိက ရှင်းပြထားသည်။
လက်ရှိအနေအထားအရ အဆိုပါကျောက်မဲမြို့၊ ဈေးတောင်ဘက်ရှိ် ယင်းဆိုင်ခန်းရှေ့ မျက်နှာစာတွင် ထီဆိုင်၊အကြော်ဆိုင်များဖြင့် စည်ကားလျက်ရှိကာ သမဌာနမှဝန်ထမ်းတစ်ဦး၏ ခွင့်ပြုချက်ဖြင့် ရောင်းနေကြသည်ဟုလည်း ဈေးသည်အမျိုးသီးတစ်ဦးက ပြောသည်။
၎င်းသိမ်းဆည်းခံရသော ဆိုင်ခန်းကပ်လျက်ရှိ သင်္ကန်းပရိက္ခရာ ဆိုင်ရှင်ဦးကျော်ဇံဆိုသူက“၁၉၈၈ထဲက ကျွန်တော် ဈေးရောင်းနေတာပါ၊ ကျွန်တော်က ကျောက်မဲသားပါ၊ အသက်၆၀ကျော်နေပြီ လေမတရားတာကို မကြိုက်ဘူး၊ ဦးကျော်မြင့်ဆိုတာ ကျွန်တော့်သူငယ်ချင်းလိုပဲ ဒီကိစ္စကောင်းကောင်းသိတယ်၊ ဦးးကျော်မြင့်မိဘတွေ အမွေပေးခဲ့တာ အမှန်ပဲ”ဟု ဦးကျော်ဇံကဆိုသည်။
ယင်းကြောင့်အဆိုပါကျောက်မဲမြို့၊ ဈေးတောင်ဘက်ရှိ သမဌာနသိမ်းထားသော ဆိုင်ခန်း(၄)ခန်းမှာ မတရားသိမ်းထဆည်းခံရခြင်းသာဖြစ်ကြောင်း ကျောက်မဲမြို့၊ ရပ်မိ၊ ရပ်ဖများနှင့် ဆိုင်အနီးဝန်းကျင် ဒေသခံများက သုံးသပ်ပြောဆိုကြသည်။
ထွန်းထွန်း၊စိုးမင်းနိုင်။
The Myanma Age
