တောင်ဆူဒန် လူမျိုးရေးသတ်ဖြတ်မှု နှစ်ဖက်လုံးက ကျူးလွန်ဟု ကုလပြော
ပို့စ်တင်ချိန်
- 1/02/2014 09:45:00 PM
တောင်ဆူဒန်မှာ လူမျိုးရေးသတ်ဖြတ်မှုတွေကို ၂ ဖက်စလုံးက ကျူးလွန်နေကြတယ်လို့ ကုလသမဂ္ဂက ပြီးခဲ့တဲ့ ဇန်န၀ါရီ ၁ ရက်နေ့က ပြောကြားလိုက်ပါတယ်။
တောင်ဆူဒန်နိုင်ငံဆိုင်ရာ ကုလသမဂ္ဂရဲ့ အထူးကိုယ်စားလှယ် ဟေးဒီ ဂျွန်ဆင် (Hilde Johnson) က ပြီးခဲ့တဲ့ ၂ ပတ်အတွင်း တဖက်နဲ့ တဖက်သတ်ဖြတ်မှုတွေ၊ ရက်စက်မှုတွေနဲ့ လူအခွင့်အရေး ချိုးဖောက်မှုတွေကို ၂ ဖက်စလုံးက ကျူးလွန်နေကြတာကို တွေ့ရတယ်။
ဒီကျူးလွန်မှုတွေ ဆက်ဖြစ်နေမယ်ဆိုရင် ဒီ နိုင်ငံသစ်အတွက် အန္တရာယ်ကြီးပါတယ်လို့ ပြောကြားခဲ့ပါတယ်။
၂ ဖက်ကိုယ်စားလှယ်တွေဟာ နှစ်သစ် ငြိမ်းချမ်းရေးဆွေးနွေးပွဲအတွက် အီသီယိုပီးယားနိုင်ငံ အေဒစ် အဘာဘာ (Addis Ababa) မြို့ကို ဆိုက်ရောက်လာကြပါပြီ ဖြစ်ပါတယ်။
၂ ဖက်ကိုယ်စားလှယ်တွေ၊ အရှေ့အာဖရိက ဖွံ့ဖြိုးရေးနိုင်ငံများက ခေါင်းဆောင်တွေ၊ အိမ်နီးချင်းနိုင်ငံ ခေါင်းဆောင်တွေနဲ့ စုံစုံညီညီ တက်ရောက်ကြပါမယ်လို့ ဟေးဒီ ဂျွန်ဆင်က ဆက်လက် ပြောကြားခဲ့ပါတယ်။
အခု လောလောဆယ် ဒုက္ခသည်ပေါင်း ၆ သောင်း ၈ ထောင်ဟာ ကုလသမဂ္ဂရဲ့ စခန်းတွေမှာ လာရောက်ခိုလှုံနေကြပါတယ်။
ပြန်တဲ့သူနဲ့ အသစ်ရောက်လာတဲ့ ဒုက္ခသည်တွေကြောင့် အရေအတွက်က ပြောင်းလဲနေပြီး ဦးရေ ၇ သောင်း ၅ ထောင်အထိတောင် ဆောင်ရွက်ပေးရတဲ့အခြေအနေလည်း ရှိပါတယ်။
စခန်းတွေမှာ ခိုလှုံနေတဲ့ ဒုက္ခသည်တွေကိုပဲ အကာအကွယ်ပေးရတာတင် မကသေးပဲ အန္တရာယ်ရှိ နယ်မြေတွေက လူတွေကိုပါ အကာအကွယ်ပေးရပါတယ်လို့ ပြောကြားခဲ့ပါတယ်။
လက်ရှိ သမ္မတ ဆယ်လ်ဗာ ကီယာ (Salva Kiir)နဲ့ ပြိုင်ဘက် ဒုတိယသမ္မတ မာချာ (Machar) တို့ရဲ့ ယှဉ်ပြိုင်မှုကနေ လူမျိုးရေးတိုက်ပွဲအသွင် ပြောင်းခဲ့ပြီး လူပေါင်း ၁ သိန်း ၈ သောင်းကျော် နေအိမ်တွေကို စွန့်ခွာ ထွက်ပြေးခဲ့ကြရပါတယ်။
၂၀၁၁ ဇူလိုင်လကမှ ဆူဒန်နိုင်ငံကနေ လွတ်လပ်ရေးရရှိခဲ့တဲ့ တောင်ဆူဒန်နိုင်ငံဟာ ဆာဟာရတောင်ပိုင်းမှာ တတိယ ရေနံအကြွယ်ဝဆုံးနိုင်ငံငယ်တခု ဖြစ်ပါတယ်။
DVB Burmese
