နှစ်ရှည်သီးနှံစိုက်ပျိုးသူများ မြေနေရာအတည်ပြုပေးရန် တောင်းဆို

ပို့စ်တင်ချိန် - 1/22/2014 08:00:00 AM

တိုက်ကြီး၊ ဇန်နဝါရီ ၂၁။

ရန်ကုန်တိုင်းဒေသကြီး၊ တိုက်ကြီးမြို့နယ်၊ တောင်လှိုင်ရိုးမကြိုးဝိုင်း အမှတ်(၁/၂)အကွက်တွင်
၁၉၉ဝ ခုနှစ်ကျော်ကတည်းက နှစ်ရှည်သီးနှံပင် စိုက်ပျိုးလာသူများက တရားဝင် စိုက်ပျိုးခွင့်အထောက်အထား မရှိသဖြင့် သဘောထား ထောက်ခံချက်ပေးရန် ရန်ကုန်တိုင်းဒေသကြီး ဝန်ကြီးချုပ်ထံ ယမန်နေ့က စာတင် တောင်းဆိုထားကြောင်း သိရသည်။
ရန်ကုန်မြို့နှင့် မိုင် ၃ဝ ပတ်လည် စိမ်းလန်းစိုပြေရေးအတွက် ၁၉၉ဝ-၉၁ ခုနှစ်ခန့်က လယ်ယာနှင့် သစ်တောဝန်ကြီး ဗိုလ်ချုပ်ချစ်ဆွေက သစ်တောပြုန်းတီးမြေများ အလွတ်မဲ့မထားဘဲ နှစ်ရှည်ပင်များ စိုက်ပျိုးရန် ညွှန်ကြားသဖြင့် ဒေသခံများက ဝင်ရောက်စိုက်ပျိုးခဲ့ခြင်းဖြစ်ကြောင်း နှစ်ရှည်ရော်ဘာနှင့် နှစ်ရှည်သီးနှံပင်များ စိုက်ပျိုးနိုင်ရန် လျှောက်ထားသူများ ကော်မတီ ဥက္ကဋ္ဌဦးအောင်ကိုကိုက ပြောသည်။

ကနဦး စိုက်ပျိုးစဉ်က ဒေသခံ တစ်ရာကျော်က စိုက်ပျိုးမြေဧက(၂၈ဝ)ကို ရော်ဘာနှင့်
သီဟိုပင်များ စိုက်ပျိုးလာခဲ့သော်လည်း ၂ဝဝ၆ခုနှစ်တွင် စိုက်ပျိုးဧက(၁၇ဝ)ကို ရွှေအင်းဝကုမ္ပဏီက သိမ်းဆည်းခဲ့သဖြင့် လက်ရှိတွင် ဒေသခံ(၃၂)ဦးက ဧက(၁၁ဝ)ကို စိုက်ပျိုးနေကြောင်း ၎င်းက ဆိုသည်။
“ပုဂ္ဂလိက လုပ်ငန်းရှင်တွေက မြေတွေယူတယ်၊ ဧက တစ်ရာလောက် ယူပြီးရင် ဆယ်ဧကလောက် ရုပ်ပြစိုက်တယ်၊ ကျန်တဲ့နေရာတွေကို ဒီအတိုင်းထားပြီး ရှိတဲ့အပင်တွေကို ခုတ်ယူသွားတာမျိုးတွေလည်း ရှိတယ်၊ ပုဂ္ဂလိက ကုမ္ပဏီတွေကို လုပ်ကိုင်ခွင့် ပေးမယ့်အစား ဒေသခံတွေကို တစ်ဦးကို ဆယ်ဧကစီပဲဖြစ်ဖြစ် တစ်ပိုင်တစ်နိုင် စိုက်ပျိုးခွင့်ပြုလိုက်ရင် တကယ်လည်း သစ်တောဖြစ်လာမယ်၊ တကယ်လည်း စိမ်းလန်းလာမယ်”ဟု ၎င်းက ဆက်လက် ပြောသည်။

သဘာဝပတ်ဝန်းကျင် စိမ်းလန်းစိုပြေရေးနှင့် သစ်တောသယံဇာတ ထွက်ရှိရေးအတွက် အမှန်တကယ် စိုက်ပျိုးနေကြသူတွေက သစ်တောမူဝါဒနှင့်အညီ  အထောက်အပံ့ပြုနေကြောင်း၊ တရားဝင် အခွန်ထမ်းဆောင်ပြီး စိုက်ပျိုးခွင့် ရရှိလိုကြောင်း ဒေသခံများက လိုလားနေကြသည်။

နှစ်ရှည်ရော်ဘာပင်များသည် အမျိုးအစားအလိုက် ငါးနှစ်သားမှ ခုနစ်နှစ်သားအတွင်း အစေးစတင်ထုတ်ယူနိုင်ပြီး နှစ်သုံးဆယ်ခန့် သတ်တမ်းအထိ ဝင်ငွေရရှိနိုင်ကြောင်း သိရသည်။

ထက်နောင်နောင်
The Myanma Age