ရှမ်းပါတီ ၂ပါတီ ပေါင်းဖို့ ဝေးနေနိုင်
ပို့စ်တင်ချိန်
- 1/10/2014 11:43:00 AM
ကျားဖြူပါတီ က ပြည်နယ် နဲ့ တိုင်းဒေသကြီး ၁၄ ခု ဆိုတာ လက်ခံ
ကျားဖြူပါတီ လို့အသိများကြတဲ့ ရှမ်းတိုင်းရင်းသားများ ဒီမိုကရက်တစ်ပါတီ က ပါတီ နာမည်သစ် တခု ကို ပြောင်းပြီး အခြားပါတီတွေ ပေါင်းဖို့ မဖြစ်နိုင်ဘူး လို့ပြောပါတယ်။
ကျားဖြူပါတီ ရဲ့ နှစ်ပတ်လည်ညီလာခံ မူဆယ်မြို့မှာ ကျင်းပခဲ့ပြီး ကြာသပတေးနေ့က ပြီးဆုံးခဲ့ပါတယ်။
ညီလာခံမှာ ဆွေးနွေးကြတဲ့ ခေါင်းစဉ်တွေ အထဲ ကျားဖြူပါတီ နဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် ( SNLD ) တို့တပါတီ အဖြစ်ပေါင်းစည်း ကြဖို့ ကိစ္စ လည်းပါဝင်ပြီး ကိုယ်စားလှယ်အများစု က ကျားဖြူပါတီ ကို ဖျက်ပြီး နာမည်အသစ် တခုနဲ့ ပါတီ ပေါင်းဖို့ မဖြစ်နိုင်ဘူး လို့ သဘောထား ပေးကြပါတယ်။
SNLD က သူတို့ပါတီ ကို ဖျက်ပြီး သူတို့ဆီ လာပေါင်းတော့မှ သာ ဖြစ်နိုင်တော့မှာမို့ ဟိုဘက်ကလာ ပေါင်းဖို့အရေး က သိတ်မသေချာ နိုင်လို့ ကျားဖြူပါတီ ဒုတိယ ဥက္ကဌ စိုင်းဆောင်ဆီ က ပြောပါတယ်။
ကျားဖြူပါတီ နဲ့ SNLD အကြား ပြည်ထောင်စု ကို တိုင်းနဲ့ပြည်နယ် ၁၄ ခုနဲ့ စုဖွဲ့မှာလား၊ ပြည်နယ် ၈ ခုနဲ့ စုဖွဲ့မှာလား ဆိုတဲ့ အပေါ်မှာလည်း သဘောတူနိုင်ခြင်းမရှိပါဘူး။
BBC Burmese
