တရုတ်တွင် တရားမ၀င် ဆင်စွယ်များ တန်ချီဖျက်ဆီး
ပို့စ်တင်ချိန်
- 1/07/2014 09:30:00 PM
 |
| China destroys tonnes of illegal ivory |
တရုတ်အာဏာပိုင်များက ဆင်များကို ခိုးသတ်နေသည့် မှောင်ခိုဂိုဏ်းများ၏ရန်ကို ကာကွယ်ရန် ရည်ရွယ်ချက်ဖြင့် တရားမ၀င် ဆင်စွယ်ပေါင်း ခြောက်တန်မျှကို ဖျက်ဆီးလိုက်သည်။ တောရိုင်းတိရစ္ဆာန်စောင့်ကြည့်ရေးအဖွဲ့က လွန်ခဲ့သောနှစ်အတွင်း ဆင်စွယ်ကြောင့် အသတ်ခံရသည့် ဆင်ပေါင်းမှာ ၃၅၀၀၀ ခန့်ရှိမည်ဟုခန့်မှန်းထားကြသည်။
ဒန်ဂွမ်ပြည်နယ်တောင်ပိုင်း သစ်တောရေးရာဌာန၏ အဆိုအရ ဇန်န၀ါရီလ ၆ရက်က ဆင်စွယ်ဖျက်ဆီးခြင်းသည် တရုတ်ပြည်သူလူထု မြင်ကွင်းထဲတွင် ဖျက်ဆီိးခဲ့သမျှတွင် အများဆုံးဖြစ်သည်ဟု ဆိုသည်။ တိရိစ္ဆာန်များ စောင့်ရှောက် ရေးနိုင်ငံတကာရံပုံငွေမှ အလုပ်အမှုဆောင်ချုပ် အန်ဇီဒင်ဒွန်းစ်က ယခု ဆင်စွယ်များ ဖျက်ဆီးသည့်ပွဲများသည် တစ်ကမ္ဘာ လုံးမှ ၀ယ်ယူသူများကို ဆင်စွယ်လက်ရာများ စုဆောင်းခြင်းသည် မှားယွင်းသော၊ အပြစ်မကင်းသည့် လုပ်ရပ်ဖြစ်သည်ကို ပြသရာရောက်ကြောင်း ဆိုသည်။
တရုတ်အာဏာပိုင်များအနေဖြင့်လည်း တောရိုင်းတိရစ္ဆာန်များ တရားမ၀င်သတ်ဖြတ်နေမှုများကို ဆန့်ကျင်ကြောင်း အကျယ်တ၀င့် ပြသလိုက်ခြင်းလည်း ဖြစ်သည်။ ထို့အတွက် ဒေသအတွင်း သားရိုင်းများအပေါ် နည်းမျိုးစုံဖြင့် နှောက်ယှက်နေကြသည့် မှောင်ခိုဂိုဏ်များ၏ ရန်မှကာကွယ် ခြင်းလည်းဖြစ်သည်ဟု စောင့်ကြည့်အဖွဲ့များက ယူဆကြသည်။
မှောင်ခိုဈေးကွက်တွင် အဖြူရောင်ရွှေဟု အမည်ပေးထားသော ဆင်စွယ်သည် တစ်ကီလိုဂရမ်လျှင် ဒေါ်လာ ၂၀၀၀ခန့် တန်ကြေးရှိသည်။
Ref; AP
