ပျော်ရွှင်ဖွယ် စာသင်နှစ်
ပို့စ်တင်ချိန်
- 1/17/2014 01:40:00 AM
၂ဝ၁၃-၂ဝ၁၄ ပညာသင်နှစ် ကုန်ဆုံးရန် နီးလာ သကဲ့သို့ ကျောင်းသား ၊ ကျောင်းသူ တိုင်း၏ အတန်းတင် စာမေးပွဲ များလည်း တဖြည်းဖြည်း နီးကပ်လာပြီ ဖြစ်သည်။ တစ်နှစ် တစ်တန်း မလွတ်စတမ်း အောင်ပန်း ဆွတ်ခူးနိုင်ရေး အတွက် အပြိုင်အဆိုင် ကြိုးစား နေကြပေပြီ။ တစ်နှစ်တည်း ဟူသော ပညာသင်နှစ် တစ်ခုအတွင်း စာကျေ စာတတ် ချောမော အောင်မြင်စွာ ပြီးဆုံးရေးမှာ အရေး ကြီးသည်။
ကျောင်းသား ၊ ကျောင်းသူများ၏ ပညာသင်နှစ် တစ်နှစ် အောင်မြင် ချောမောစွာ အဆုံးသတ် သည် ဆိုသည်မှာ အတန်းတင် စာမေးပွဲတွင် ကောင်းမွန်စွာ ဖြေဆိုကြလျက် အမှတ် ကောင်းကောင်း ဖြင့် အောင်မြင်ခြင်း ပင်ဖြစ်သည်။ ထိုသို့ အောင်မြင်ရန်မှာ သာမန် ကြိုးစား အားထုတ်ရုံ မျှဖြင့် လုံလောက် လိမ့်မည် မဟုတ်ပေ။ စာကျက်ချိန် များများပေး၍ ပျော်ပါးချိန် များများ လျှော့သင့်သည်။
ကျောင်းသား ၊ ကျောင်းသူတိုင်း အတွက် ပွဲမဝင်ခင် ဤအချိန်သည် အရေး အကြီးဆုံး အချိန် ဖြစ်သည်။ လာမည့် နှစ်လ ၊ သုံးလအတွင်း ဖြေဆိုရမည့် အတန်းတင် စာမေးပွဲ အတွက် ယခုကပင် အသေအချာ ပြင်ဆင် ကြရမည် ဖြစ်သည်။ ပုဂ္ဂလိက စာသင်ကျောင်း များမှ အောင်ချက် ကောင်းခြင်းမှာ ပွဲမဝင်ခင် အပြင်က ကျင်းပ ဆိုသည့် စကားအတိုင်း အကြိမ်ကြိမ် ကျက်မှတ် ၊ အကြိမ်ကြိမ် တွက်ချက် ၊ အကြိမ်ကြိမ်မေး ၊ အကြိမ်ကြိမ်ဖြေ ဆိုစေခြင်း ကြောင့် ဖြစ်သည်။
'' စာသင်ဟူက ၊ ကျမ်းထိုမျှကို တွေ့က မရှောင် ၊ ကြောင်ပုစွန်စား ၊ ကြွပ်ကြွပ် ဝါးသို့ '' ဟူသော ကဝိအကျော် ဆရာတော် အရှင် မဟာရဋ္ဌသာရ ၏ မိန့်မှာချက် အတိုင်း စာကို ကျေကျေ ညက်ညက် တွက်ချက် သင်အံ ထားခြင်းဖြင့် စာမေးပွဲ ဟူသော အရည်အချင်း စစ်ဆေးသော အတန်းတင် စာမေးပွဲကို ကောင်းမွန်စွာ ဖြေဆို အောင်မြင် နိုင်မည် ဖြစ်သည်။
ကျောင်းသား ၊ ကျောင်းသူတို့ ကောင်းမွန်စွာ စာပေ သင်ကြား အောင်မြင်ရေး တွင် မိဘများ၏ တာဝန်မှာ မိမိတို့ သားသမီး များ၏ လိုအပ်ချက် များကို ထောက်ပံ့ ဖြည့်ဆည်း ပေးရန် ဖြစ်သည်။
ကျောင်းသား ၊ ကျောင်းသူများ က မိမိတို့ လေ့လာ သင်ယူနေသည့် စာပေ ပညာရပ် များကို ကျေကျေ ညက်ညက် လေ့ကျက် သင်အံ ထားကြရန် ဖြစ်သည်။ မိဘအပိုင်းက တတ်စွမ်းသမျှ တာဝန် ကျေအောင် ကြိုးပမ်းပေး သကဲ့သို့ သားသမီးများ ကလည်း မိမိတို့ တာဝန် မိမိတို့ ကျေပွန်အောင် ကြိုးစား ကြရမည် ဖြစ်သည်။
ထိုသို့ မိဘနှင့် သားသမီးတို့ အပြန်အလှန် တာဝန် ကျေပွန်စွာဖြင့် ပညာသင်နှစ် တစ်နှစ်ကို ကျော်လွှား ဖြတ်သန်းခြင်း ဖြင့် မိဘနှင့် သားသမီးတို့ ပျော်ရွှင်ဖွယ် ပညာသင်နှစ် ဖြစ်အောင် ဖန်တီး ပုံဖော် သွားကြရမည် ဖြစ်သည်။
သို့ဖြစ်ရာ ၂ဝ၁၃-၂ဝ၁၄ ပညာသင်နှစ် တွင် ရွှေရင်နှစ် ဖြစ်သော မိမိတို့ သားသမီးများ ၏ ပညာရေးကို ထောက်ပံ့ ဖြည့်ဆည်းရုံ မက လိုအပ်သော လမ်းညွှန်မှု များဖြင့် ဖေးမ ကူညီသွားရန် နှင့် သားသမီးများ ကလည်း မိဘကျေးဇူး အထူး သိတတ်သူများ အဖြစ် မိမိတို့ တာဝန် ဖြစ်သည့် စာပေ လေ့ကျက် သင်အံမှုကို အကောင်းဆုံး ဖြစ်အောင် ကြိုးစား၍ ယခုနှစ် အတန်းတင် စာမေးပွဲကို အောင်မြင်စွာ ဖြေဆိုကာ ပျော်ရွှင် ကြည်နူးဖွယ် အားတက်ဖွယ် စာသင်နှစ် အဖြစ် ဖန်တီးကြ ရမည် ဖြစ်ကြောင်း အကြံပြု အားပေး ရေးသား လိုက်ရပေသည်။
( ၁၆-၁-၂၀၁၄ ရက် ရတနာပုံနေ့စဉ်သတင်းစာ အယ်ဒီတာ့အာဘော် )
The MYAWADY Daily
