ကုန်ပိုတင်သည့် ခေါက်တိုယာဉ်များကို စတင်အရေးယူတော့မည်

ပို့စ်တင်ချိန် - 1/10/2014 11:15:00 PM

မန္တလေးမြို့တွင် ပြေးဆွဲနေသည့် ခေါက်တိုယာဉ်များ သတ်မှတ်ကုန်ချိန်ထက် ကုန်ပိုတင်ဆောင်ပါက ထိ ရောက်စွာ အရေးယူတော့မည်ဟု မန္တလေးတိုင်း ကုန်တင်ယာဉ်နှင့် ခေါက်တိုယာဉ်လုပ်ငန်းများ ကြီးကြပ် ရေးလုပ်ငန်းကော်မတီဥက္ကဋ္ဌ ဦးသန်းအောင်က ပြောသည်။

“၀န်ကြီးက ထိထိရောက်ရောက် အလုပ်လုပ်ပါလို့ ညွှန်ကြားထားတဲ့အတွက် ဒီလကစပြီး အရေးယူသွား မှာပါ။ သတ်မှတ်အမြင့်ပေထက် ပိုတင်လာတဲ့ ကားတွေကို စစ်ဆေးတွေ့ရှိရင် မြို့ထဲကိုအ၀င်မခံဘဲ ပြန် လှည့်ခိုင်းမယ်။ ပိုတင်လာတဲ့ပစ္စည်းတွေကို ပြန်ချခိုင်းမယ်။ သူတို့ အဲလို အချိန်မကုန်ချင်ရင်တော့ သတ် မှတ်တဲ့အတိုင်းပဲ တင်ဆောင်ရမယ်”ဟု ဦးသန်းအောင်က ပြောသည်။

ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး မော်တော်ယာဉ်ဥပဒေအရ ကုန်တင်ယာဉ်နှင့် ခေါက်တိုယာဉ်များသည် ယာဉ်အောက်ခြေမြေပြင်မှ တိုင်းတာလျှင် ၁၂ ပေအထိသာ ကုန်ပစ္စည်း တင် ဆောင်ရမည်ဟု သတ်မှတ်ထားသည်။ ကုန်ပစ္စည်းများ သယ်ဆောင်ရာတွင် ကုန်ပေါ့၊ ကုန်ကျစ်အဖြစ် သတ်မှတ်ထားသော်လည်း အမြင့်ပေသတ်မှတ်ချက်ကိုမူ ၁၂ ပေအထိသာ တင်ဆောင်ခွင့်ပြုထားသည်။

မြို့တွင်းခေါက်တိုယာဉ်များ၏ တင်ဆောင်နိုင်သော ကုန်စည်အလေးချိန်မှာ မော်တော်ယာဉ်များအလိုက် ကနဦးယာဉ်မှတ်တမ်းတင်စဉ်က ယာဉ်အရွယ်အစားအလိုက် သတ်မှတ်ခွင့်ပြုထားသည့် တင်နိုင်သည့် ၀န်အတိုင်းသာ သယ်ယူခွင့်ရှိသည်ဟု မန္တလေးတိုင်း ကုန်တင်ယာဉ်နှင့် ခေါက်တိုယာဉ်လုပ်ငန်းများ ကြီး ကြပ်ရေးကော်မတီက ထုတ်ပြန်ထားသည်။ မန္တလေးမြို့အခြေစိုက် ခေါက်တိုယာဉ်အသင်းပေါင်း၁၃သင်း ရှိကာ ယာဉ်အစီးရေ ၄၅၀ ခန့်ရှိသည်ဟု သိရသည်။
Mizzima Burmese