ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဦးသိန်းစိန်က Sea Games ပြိုင်ပွဲဝင် မြန်မာ့လက်ရွေးစင် အားကစားမောင်မယ်များသို့ ပေးပို့သော သဝဏ်လွှာ (၂၀-၁၂-၂၀၁၃)

ပို့စ်တင်ချိန် - 12/20/2013 06:22:00 PM

အမိနိုင်ငံတော်ကို ကိုယ်စားပြုသော အားကစားပြိုင်ပွဲဝင် မောင်တို့ မယ်တို့ -

(၂၇)ကြိမ်မြောက် အရှေ့တောင်အာရှ အားကစားပြိုင်ပွဲကို အိမ်ရှင်အဖြစ် လက်ခံကျင်းပလျက်ရှိတဲ့ ယနေ့အချိန်အခါမှာ ပြိုင်ပွဲဝင် အားကစားမောင်မယ်များဟာ လှေခွက်ချည်းကျန် အလံမလှဲသော စိတ်ဓါတ်ကို ရင်ဝယ်ပိုက်လျက် ကြိုးစား ယှဉ်ပြိုင် နေကြတာကို မျက်ဝါးထင်ထင် မြင်နေရသလို ပြည်သူလူထု တစ်ရပ်လုံးကလည်း နိုင်ငံချစ်စိတ်၊ အမျိုးသားရေးစိတ်နဲ့ တစ်ခဲနက် အားပေးကြလျက် ရှိပါတယ်။ အမျိုးမျိုးသော အားကစား ပြိုင်ပွဲတွေမှာ ဆုတံဆိပ်တွေကို ရယူနိုင်ခဲ့တာဟာ မောင်တို့မယ်တို့ရဲ့ အနှစ်နှစ်အလလ အပင်ပန်းခံ ကြိုးစားအားထုတ်ခဲ့မှုတွေရဲ့ ရလဒ်တွေပဲ ဖြစ်ပါတယ်။

အမျိုးသမီးဘောလုံးပြိုင်ပွဲ ဆီမီးဖိုင်နယ်ပွဲမှာဆိုရင် တစ်နိုင်ငံလုံးရဲ့ မျှော်လင့်ချက် တွေကို ထမ်းပိုးထားခဲ့တဲ့ သမီးငယ်တွေဟာ အမိနိုင်ငံရဲ့ သမီးကောင်းရတနာများပီပီ တတ်နိုင်သမျှ ဆိုတာထက် သာလွန်တဲ့ ကြိုးစားအားထုတ်မှုနဲ့ မြန်မာနိုင်ငံသားတွေရဲ့ အနိုင်မခံ အရှုံးမပေးတဲ့ စိတ်ဓါတ်၊ အိမ်ရှင်နိုင်ငံရဲ့ သန့်ရှင်းမျှတတဲ့ အားကစားစိတ်ဓါတ်၊ အသင်းလိုက် စည်းလုံးညီညွတ်မှု၊ မခိုမကပ်တမ်း ကြိုးစားအားထုတ်မှု တို့ကို စံနမူနာ အတုယူဖွယ်ရာ လက်တွေ့ပြသခဲ့ကြတဲ့အတွက် မြန်မာနိုင်ငံနဲ့ မြန်မာပြည်သူများ ကိုယ်စား ချီးကျူးဂုဏ်ပြု လိုက်ပါတယ်။

ရွှေတံဆိပ်ဆု၊ ငွေတံဆိပ်ဆု၊ ကြေးတံဆိပ်ဆုတွေ အသီးသီး ရယူနိုင်ခဲ့ကြတဲ့ အားကစားမောင်မယ် တွေအတွက် ဂုဏ်ယူဝင့်ကြွားနိုင်ပြီ ဖြစ်သလို ဆုတံဆိပ် မရရှိခဲ့ကြပေမယ့်လည်း အကောင်းဆုံး ယှဉ်ပြိုင် ကစားခဲ့ကြပြီး ကံအကြောင်း မလှလို့ ဆုတံဆိပ်တွေနဲ့ လွဲချော်ခဲ့ကြရတဲ့ မောင်မယ်တွေအတွက်လည်း ဂုဏ်ယူအားပေးလျက် ရှိပါတယ်။
မြန်မာ့လက်ရွေးစဉ်အမျိုးသမီးဘောလုံးအသင်း ဆိုရင်လည်း ရွှေတံဆိပ် ဆုကို မရရှိနိုင်ခဲ့ပေမယ့် ပြည်သူတွေပေးတဲ့ ချန်ပီယံဆုကို ရရှိခဲ့ကြပြီး ဖြစ်ပါတယ်။ အလားတူပါပဲ Sea Games အားကစားပြိုင်ပွဲ အမျိုးအစားအသီးသီးမှာ ပါဝင်ယှဉ်ပြိုင်နေကြတဲ့ အမိနိုင်ငံရဲ့ သားကောင်း ရတနာ၊ သမီးကောင်း ရတနာ အားကစားမောင်မယ်တွေ အားလုံးကို တစ်နိုင်ငံလုံး ပြည်သူလူထု တစ်ရပ်လုံးက လှိုက်လှိုက်လှဲလှဲ တစ်ခဲနက် အားပေးလျက် ရှိနေကြပါတယ်။ နိုင်ငံရဲ့သမိုင်းနဲ့ Sea Games ပြိုင်ပွဲသမိုင်းမှာ ဂုဏ်ယူဖွယ်ရာ မှတ်တမ်းသစ်တွေ ရေးထိုးနိုင်ခဲ့ကြပြီ ဖြစ်တဲ့ အားကစားမောင်မယ် အားလုံးအတွက် ပြည်သူအားလုံးရဲ့ ကိုယ်စား နိုင်ငံတော်အကြီးအကဲ နိုင်ငံတော်သမ္မတ အနေနဲ့ ဂုဏ်ယူဝမ်းမြောက်ပါကြောင်း ပြောကြားလိုပါတယ်။

ဆက်လက် ယှဉ်ပြိုင်ကြရမယ့် အားကစား ပြိုင်ပွဲအသီးသီးမှာလည်း “မြန်မာ” ဆိုတဲ့ နိုင်ငံ့ဂုဏ်၊ “မြန်မာ” ဆိုတဲ့ အမျိုးသားရေး သိက္ခာကို အစွမ်းကုန် မြှင့်တင်နိုင်ဖို့ အစွမ်းကုန် ကြိုးစားကြမယ် ဆိုတာကိုလည်း အပြည့်အ၀ ယုံကြည်ပါတယ်။ ကိုယ်စီတာဝန် ကျေပွန်ခဲ့ကြပြီဖြစ်တဲ့ အားကစား မောင်မယ်များအားလုံး ရှေ့ဆက်ပြီးလည်း နိုင်ငံ့ပုံရိပ်နဲ့ နိုင်ငံ့ဂုဏ်သိက္ခာကို ဂုဏ်ယူဝင့်ကြွားနိုင်အောင် ဆက်လက်ကြိုးပမ်း မြှင့်တင်နိုင်ကြ ပါစေကြောင်း ဆုမွန်ကောင်း တောင်းလိုက်ပါတယ်။

(မူလစာမျက်နှာ - president-office.gov.mm)
The Voice Weekly Myanmar