နယ်စပ်ဒေသတစ်လျှောက် HIV/AIDS စီမံချက်များ ဆောင်ရွက်မည်

ပို့စ်တင်ချိန် - 12/28/2013 02:48:00 PM

ထိုင်းနိုင်ငံနှင့် တရုတ်နိုင်ငံ နယ်စပ်မြို့ငါးမြို့တွင် HIV/AIDS ကာကွယ်ရေးနှင့် ကုသရေး လုပ်ငန်းများကို လာမည့် ဖေဖော်ဝါရီလတွင် စတင်ဆောင်ရွက်မည်ဖြစ်ကြောင်း National AIDS Program ၏ စီမံချက်မန်နေဂျာ ဒေါက်တာမြင့်ရွှေက ပြောကြားသည်။ လေးနှစ်ကြာ ပံ့ပိုးမည့် ADB အစီအစဉ်ကြောင့် လူဦးရေ ၁ ဒသမ ၄ သန်းကျော် အကူအညီ ရရှိနိုင်မည်ဖြစ်ကြောင်း၊ နယ်စပ်ဒေသမြို့များတွင် ဘားအံ၊ မြဝတီ၊ ကော့ကရိတ်၊ တာချီလိတ်နှင့် မော်လမြိုင်မြို့များ ပါဝင်ကြောင်း ၎င်းက ထပ်လောင်း ပြောကြားသည်။ အဆိုပါ စီမံချက်တွင် ကျန်းမာရေး စောင့်ရှောက်မှုအတွက် အဆောက်အအုံ ၅၇ လုံး ဆောက်လုပ်ရန် လျာထားကြောင်း၊ ကျန်ရန်ပုံငွေများအတွက် ပြည်တွင်း၊ ပြည်ပ အဖွဲ့အစည်းများကို သင်တန်းပေးခြင်း၊ HIV ပိုး ကူးစက်ခံရသူများ ကို နှစ်သိမ့်ဆွေးနွေးခြင်းနှင့် သွေးစစ်ပေးခြင်းတို့ အပါအဝင် ကွန်ဒုံးများ ဖြန့်ဝေခြင်းနှင့် လိင်မှတစ်ဆင့် ကူးစက်သော ရောဂါများကို ကုသပေးခြင်းတို့လည်း ပြုလုပ်ပေးမည်ဖြစ်ကြောင်း ဒေါက်တာမြင့်ရွှေက ပြောဆိုသည်။ “အရင်ကတော့ မြန်မာနိုင်ငံအတွက် ART လိုအပ်တယ်။ အခုအချိန်မှာတော့ ရောဂါမဖြစ်သေးတဲ့ သူတွေအတွက် ကြိုတင်ကာကွယ်ရေးကို ပိုလိုအပ်တယ်” ဟု လုပ်သက် ခုနစ်နှစ်ကျော်ကြာ နှစ်သိမ့်ဆွေးနွေး ပေးရေး လုပ်ငန်းလုပ်ကိုင်ခဲ့သူ ဒေါ်နှင်းမြဦးက ပြောကြားသည်။ ယင်းအပြင် HIV ပိုး ရှိသူများ၏ အသက်မွေးဝမ်းကျောင်း ပံ့ပိုးပေးမည့် အလုပ်အကိုင် ရှာဖွေပေးရေးနှင့် ၎င်းတို့၏ အခွင့်အရေးအတွက် ကာကွယ်ပေးခြင်းတို့ ပိုပြုလုပ်ပေးကြောင်း ၎င်းက အကြံပြုသည်။ မဲခေါင်ဒေသ ခြောက်နိုင်ငံအကြားတွင် ရွှေ့ပြောင်းလုပ်သားများမှ တစ်ဆင့် HIV/AIDS ကူးစက်မှု လျှော့ချရေး နားလည်မှု စာချွန်လွှာကို ၂၀၁၁ နိုဝင်ဘာလက ရေးထိုးထားပြီးနောက်ပိုင်း ပထမဦးဆုံးအကြိမ် ADB ၏ HIV/AIDS ကာကွယ်ရေးနှင့် ကုသရေး အစီအစဉ် စတင်ခဲ့ခြင်း ဖြစ်သည်။ မြန်မာနိုင်ငံတွင် HIV ပိုး ကူးစက်ခံထားရသူ တစ်သိန်းကိုးသောင်း ရှစ်ထောင်ခန့် ရှိသည့်အနက် ART ဆေးရရှိသူ ငါးသောင်းကျော် ဝန်းကျင်သာရှိပြီး ကျန်ခုနစ်သောင်းကျော် သည် ART ဆေး လိုအပ်သေးကြောင်း ကုလသမဂ္ဂ ခုခံအားကျဆင်းမှု ကူးစက်ရောဂါ တိုက်ဖျက်ရေးအဖွဲ့ (UNAIDS) က ထုတ်ပြန်ထားသည်ဟု ၂၀၁၃ ခုနှစ် ဒီဇင်ဘာ ၂၈ ရက်နေ့ထုတ် The Voice ဂျာနယ်တွင် ဖော်ပြထားပါသည်။ "

khit lu nge