Facebook နှင့် ဘဝလုံခြုံမှု ပြဿနာ

ပို့စ်တင်ချိန် - 12/02/2013 03:43:00 PM

Facebook လို Social Media Site များက မိမိရဲ့  Personal အချက်အလက်များကို အလွယ်တကူ မြင်တွေ့ နိုင်တဲ့ နေရာတစ်ခုအဖြစ် ရပ်တည်လာပါတယ်။

တကယ်ပါ။ ကျနော့ အကောင့်ထဲမှာ အမျိုးသမီးတစ်ဦးရှိတယ်။ သိပ်မခင်ဘူး။ သူက ရှော့ပင်ထွက်တဲ့ အကြောင်းတွေ Status တင်တယ်။ အိမ်မှာပျင်းလိုက်တာ ဆိုပြီးတော့ တင်တယ်။ ပြီးတော့ သူအစားစားပြီ ဆိုရင် ဓာတ်ပုံအရင်ရိုက်ပြီးမှ အရမ်းကြိုက်၊ အရမ်းခိုက် ဆိုတဲ့ စာမျိုးနဲ့ တင်တယ်။ သူ့အိမ်ရှေ့ က ပေါက်နေတဲ့ ပန်းတွေက လှလို့ပါဆိုပြီး ဓာတ်ပုံရိုက်ပြီးတင်ရှာတယ်။ သူ အားပေးတဲ့ နိုင်ငံခေါင်းဆောင် တစ်ယောက် အကြောင်း ကိုတင်တယ်။ ပြီးတော့ အသဲကွဲ ကဗျာလေးတွေကို Page တွေကနေ တစ်နေ့တစ်မျိုး မရိုးနိုင်အောင် တင်တယ်။ အဲ့ဒီမှာ ကျနော် သူ့ အကြောင်းကို တော်တော်သိသွားပြီ။

နေတဲ့ မြို့ ၊ ရပ်ကွက် ကိုသိပြီ။ မွေးရပ်ဇာတိကို သိပြီ။ ကိုယ်ကလည်း ရန်ကုန်မှာ ခြေရာမထပ်ပေမယ့် တိုက်ဆိုင်လို့လား မသိ။ အဲ့ပန်းပင် ရှိတဲ့နေရာကို မှတ်မှတ်ရရသိ။ ပြီးတော့ သူကြိုက်တဲ့ အစားအစာကို သိသွားပြီ။ နောက်ပြီးတော့ သူရဲ့  နိုင်ငံရေး ရပ်တည်ချက်ကို သိသွားပြီ။ သူ အသဲကွဲတဲ့ ခံစားချက်မျိုးရှိတာ သိသွားပြီ။ ရှော့ပင်သွားရင် ဘယ်နေရာသွားတယ် သိသွားပြီ။ ဘယ်နေ့သွား တတ်တယ် သိသွားပြီ။ အဲဒါ စကား လုံးဝ မပြောရသေးဘူးနော်။ အကြောင်းအရာ အတော်များများ သိနေပြီ။ အကြောင်းက သိသလောက် နီးပါးရှိနေတဲ့ Social Media မှာ ကျနော်တို့လို စာရေးတဲ့ သူတွေက စကားပြောကောင်းတယ်လေ။ လွယ်လွယ်နဲ့ခင်သွားတာပေါ့။ နောက်တော့ သူ့ရဲ့ အချက်အလက်တွေ အတော်များများ သိတာမို့ လက်တည့်စမ်းပြီး အကောင့်လေးဘာလေး တွေး တိုးစမ်း Hack ကြည့်လိုက်တာ ညံ့လိုက်တဲ့ Security မေးခွန်း မွေးရပ်ဇာတိ ကို အင်္ဂလိပ်လိုရိုက်ပေးတာနဲ့ အကောင့်က လက်ထဲကို ရောက်ရော။ (နောက်တော့ ဆုံးမ သြဝါဒ ချွေပြီး ပြန်ပေးလိုက်ပါတယ်။)


ကဲ..။ ဒီက စာဖတ်သူတို့ရော်။ သင်တို့ Facebook အကောင့်တွေလုံခြုံပါရဲ့ လား။ ပိုပြီးလေးနက်တဲ့ မေးခွန်း မေးပါမယ်။ သင့်ဘဝ လုံခြုံပါရဲ့ လား။ အရေးအကြီးဆုံးအချက်တွေ ပြောပါမယ်။


နေရာဖော်ပြမှု (Location)

သိပ်အရေးကြီးတယ်။ သွားတတ်တဲ့နေရာတိုင်းကို အားလုံးကို သိစေချင်လို့ ရှဲလွန်းကြတော့ သိသူ၊မြင်သူက မြင်နေပြီ။ သင်တကယ် လုံခြုံပါရဲ့ လား။

ကိုယ်ရေးအချက်အလက် ဖော်ပြမှု (Personal Information)

အချက်အလက်တင်မကဘူး။ ကိုယ့်မှာရှိတဲ့ ပစ္စည်းတွေကော၊ အိမ်တွေကော၊ လှတာရော၊မလှတာရော အားလုံး ပေါင်း ဖော်ပြနေတော့ သူ ဘယ်မှာနေတယ်။ ဘာလုပ်တယ်။ ဘက်ကလာတယ် အတော်များများက သိနေပြီ။


ခံစားချက် ဖော်ပြမှု (Feeling Status)

အချို့ က ဘော့စ်နဲ့ အဆင်မပြေတော့ဘူး။ လုပ်ဖော်ကိုင်ဖက်နဲ့ အဆင်မပြေတော့ဘူး။ ချက်ချင်းပဲ စိတ်မကျေနပ် တဲ့ စတေးတပ်တွေ တင်ကုန်ကြပါတယ်။ လူကဲခတ်တတ်သူများ သူက ဘာကိုစိတ်တိုတတ်တယ်။ သူက ဘယ်လို စိတ်နေစိတ်ထား ရှိတယ် အလွယ်တကူ ခန့်မှန်းနိုင်ပြီး သတင်းနှိုက်တဲ့နေရာမှာ အကွက်ချချ အသုံးပြု သွားနိုင်ပါတယ်။

ကဲ။ နေရာသိပြီ။ ကိုယ်ရေးအချက်အလက်သိပြီ။ သူ့ခံစားချက်သိပြီ။ ဘာလုပ်တော့မလဲ။ ကျနော်ကပဲ အရမ်း စူးစမ်းလေ့လာတတ်လို့လားမသိ စုံထောက်ဝင်စားပုံရပါတယ်။ (နောက်တာပါ) ။ ဆောင်ရန်လေးတွေ ပြော ပါမယ်။

Privacy သတ်မှတ်ပါ

ဒါက Facebook က အရေမရ အဖတ်မရပါဆိုပြီး ပေးထားတဲ့ Feature မဟုတ်ဘူးနော်။ Status တစ်ခု၊ Photo တစ်ခု တင်မယ်ဆိုရင်

တင်တဲ့အချိန် (Time)

တင်တဲ့နေရာ ( Location)

မြင်စေချင်တဲ့သူ (Public or No one or Any or Something)

ပါဝင်တဲ့ သူ ( People)

ဓာတ်ပုံ ရယူရန် အသုံးပြုသော ပစ္စည်း ( iPhone/HTC/ Nokia and so on)

အစရှိသဖြင့် ရွေးချယ်ပိုင်ခွင့် အားလုံး ပေးထားပါတယ်။ အဲဒါတွေ သတိကော ထားမိကြရဲ့ လား။ Privacy တစ်ခု ကိုယ်ကိုတောင် ချမှတ်စေချင်ပါတယ်။ ဥပမာ အပြင်သွားမယ့် အကြောင်းအရာလေး၊ ရှော့ပင်သွားမယ့် အကြောင်းအရာလေးတွေဆိုရင် ခင်ရာမင်ရာ သူငယ်ချင်းအရင်းတွေကိုပဲ သိစေတာမျိုး၊ ဓာတ်ပုံတွေ တင်ရင်လည်း မြင်စေချင်တဲ့ သူငယ်ချင်းတွေပဲ မြင်စေတာမျိုး၊ အချို့  လုပ်ငန်းနဲ့ ပက်သက်တဲ့ ပရိုမိုးရှင်းကို အကောင့်မှာ လုပ်တဲ့အခါကျ အားလုံးကိုမြင်စေဖို့ Public ပေးတာမျိုး အစရှိသဖြင့် ပြုလုပ်တတ်ဖုိ့ လိုအပ်ပါတယ်။

ဘာပဲလုပ်လုပ် Staus မတင်၊ Update မတင်ရင်လည်း Facebook ဆိုတာ သုံးရတာ စိတ်ကျေနပ်မှု ရှိနိုင်တော့မှာ မဟုတ်ပါဘူး။ Facebook က တင်စေချင်လို့ကို ယင်း UI ကို ပေးထားတာပါ။ သို့ပေမယ့် မိမိရဲ့  ကိုယ်ရေးအချက်အလက်နဲ့ စိတ်ခံစားချက်များကို လုံခြုံမှု ရှိအောင်တော့ ယခုလို Only Friend, Friend of Friend, Tag Location, Edit Time အစရှိသဖြင့် Feature ကို အစုံအလင် ပေးထားခြင်း ဖြစ်ပါတယ်။

ဒါကြောင့် Facebook ကို လုံလုံခြုံခြုံ အသုံးပြုနိုင်စေဖို့ Privacy Setting, Account Setting ကို အားတိုင်း ဝတ်ဖတ်ပါ။ ဝင်ပြင်ချင်ရာ ပြင်ပါ။ စာဖတ်မပျင်းပါနဲ့။ မိမိ အကောင့် လုံခြုံရေးက မိမိ အသက်လုံခြုံရေးနဲ့ သိပ်မကွာခြားတော့ပါဘူး။ ယနေ့မှာ Social Media ကိုအခြေခံပြီး ဖြစ်ပေါ်တဲ့ Crime တွေ အင်မတန် များပြား လာပါပြီ။ လူတိုင်း Facebook Personal Account ကို လုံခြုံစိတ်ချစွာ အသုံးပြုနိုင်ရန် အကြံပေး တိုက်တွန်း လိုက်ရပါတယ်။
.
အောင်ခမ်း ( ရိုးရာလေး )

Smart Pro Journal