မြန်မာ့ဘောလုံး အိပ်မက်ဆိုးမှ နိုးထရေး

ပို့စ်တင်ချိန် - 12/21/2013 02:54:00 PM

အိမ်ရှင်ပရိသတ် ရှေ့မှောက်တွင် အင်ဒိုနီးရှားအသင်းကို ရှုံးနိမ့်ပြီးနောက် အုပ်စုအဆင့်မှ ထွက်ခဲ့ရသော မြန်မာယူ-၂၃ ဘောလုံးအသင်း ပွဲကစားပြီး စိတ်ပျက်နေသည်ကို တွေ့ရစဉ် (ဓာတ်ပုံ-ညီညီစိုးညွန့်)
ဘောလုံးသည် မြန်မာတို့အတွက် အမျိုးသားအားကစား ဖြစ်သည့်အလျောက် ဘောလုံးအရှုံးသည် အမျိုးသား အရှုံးကြီးအသွင် ပုံစံဝင်ခဲ့သည်မှာ အကြိမ်ကြိမ်ဖြစ်သည်။ မြန်မာဘောလုံးအသင်း အနေဖြင့် အကြိမ်ကြိမ်အရှုံးနှင့် ရင်ဆိုင်ခဲ့သော်လည်း အိမ်ရှင်အဖြစ်အရှုံး၊ အိမ်ရှင်အဖြစ် အုပ်စုအဆင့်မှ ထွက်ရခြင်းတို့ကို ပထမဆုံး နဖူးတွေ့ဒူးတွေ့ ကြုံတွေ့ရခြင်းကြောင့် ၀ရုန်းသုန်းကား ဖြစ်ခဲ့ပုံရသည်ဟုလည်း သုံးသပ်နိုင်သည်။ အရှုံးထဲကအမြတ်ကို ယူနိုင်ရေးဆိုလျှင် မြန်မာ့ဘောလုံး အနာဂတ်အတွက် စနစ်တကျ ပြင်ဆင်မှုများ ပြုလုပ်ရေးကိုသာ ပြင်ဆင်သင့်ကြောင်း ဆော်သြလိုပါသည်။
ဒီဇင်ဘာ ၁၆ ရက်သည် မြန်မာ့ဘောလုံးလောကအတွက် အကျည်းတန်သော နေ့တစ်နေ့ဖြစ်သည်။ ထိုင်းအသင်းကို သူတစ်ပြန်၊ ကိုယ်တစ်ပြန် အကြိတ်အနယ် ကစားပြီး သရေရယူနိုင်ခဲ့သော အိမ်ရှင်မြန်မာအသင်းသည် အင်ဒိုနီးရှားအသင်းကို ပယ်နယ်တီတစ်ဂိုးဖြင့် ရှုံးနိမ့်ကာ အုပ်စုအဆင့်မှ ထွက်ခဲ့ရသည်။ မြန်မာအသင်း၏ ပွဲစဉ်တိုင်းတွင် ကြက်သီးမွေးညှင်းထ အားပေးခဲ့သော မြန်မာဘောလုံး ပရိသတ်ကြီးအတွက် မှန်းချက်နှင့်နှမ်းထွက် မကိုက်ဖြစ်မှုကို အကြောင်းပြုလျက်၊ စိတ်လိုက်မာန်ပါ ရုန်းရင်းဆန်ခတ်မှုများကလည်း တစ်နွယ်ငင် တစ်စင်ပါလာခဲ့သည်။ အိမ်ရှင်မြန်မာ ပရိသတ်ကြီးသည် မြန်မာအသင်းကို နောက်ဆုံးဗိုလ်လုပွဲအထိ တက်လှမ်းနိုင်လိမ့်မည်ဟု မြင့်မြင့်မားမား မျှော်လင့်ထားခဲ့သည့်အလျောက် ခဲလေသမျှ သဲရေကျ ပေါက်ကွဲမှုများနှင့်အတူ ထိုညသည် အရုပ်ဆိုးအကျည်းတန် ခဲ့သည်မှာ ငြင်းမရသောအချက် ဖြစ်သည်။
အရှေ့တောင်အာရှ အမျိုးသားဘောလုံးပွဲစဉ်တွင် မြန်မာပရိသတ်သည် တာဝန်အကျေဆုံး ဖြစ်သည်ဟု သတ်မှတ်နိုင်သည်။ ထိုင်းနှင့်ပွဲလက်မှတ်ကို ကျပ်ငွေသောင်းချီပေးဝယ် ကြည့်ခဲ့ပြီး သွားလာစရိတ်၊ စားစရိတ်များစွာ အကုန်အကျခံ ကွင်းအပြည့် လာရောက်အားပေးခဲ့သော မြန်မာပရိသတ်များ၏ မျှော်လင့်ချက်များကို မြန်မာဘောလုံးအသင်းသည် တစ်စစီကြေမွ ပျက်စီးစေခဲ့သည်ကို အကြောင်းပြုလျက်၊ ပွဲအပြီးပေါက်ကွဲမှုများသည် ဒီရေအလား မြင့်တက်လာခဲ့ရသည်ဟု မှတ်ချက်ပြုနိုင်သည်။
အဆိုပါ ရုန်းရင်းဆန်ခတ်မှုများ၊ ပဋိပက္ခများကို အကြောင်းပြုလျက် မြန်မာနိုင်ငံ၏ ဂုဏ်သိက္ခာနှင့် အိမ်ရှင်၏ဂုဏ်သိက္ခာတို့ များစွာထိခိုက်ခဲ့ရသည်ဟု ကောက်ချက်ပြုနိုင်သော်လည်း ယခင့်ယခင်ခေတ်များက နိုင်ငံရေးကို အကြောင်းပြုလျက် ကမ္ဘာ့နိုင်ငံများအလယ်တွင် မြန်မာနိုင်ငံ၏ ဂုဏ်သိက္ခာ ကျဆင်းခဲ့ရမှုများနှင့် နှိုင်းယှဉ်လျှင် မပြောပလောက်ဟုသာ မှတ်ချက်ပြုရမည်ဖြစ်သည်။ ကမ္ဘာ့ဒီမိုကရေစီ ဘိုးအေနိုင်ငံကြီးများတွင်ပင် ဘောလုံးပွဲနှင့် ဆက်စပ်သော အကြမ်းဖက်မှုများသည် ဖြစ်ရိုးဖြစ်စဉ် ဖြစ်နေသည့်ခေတ်ကြီးတွင် မြန်မာ့ဘောလုံးပရိသတ်၏ ပေါက်ကွဲမှုများအပေါ် နားလည်မှု ပေးနိုင်လိမ့်မည်ဟု မျှော်လင့်မိသည်။
မြန်မာဘောလုံးအသင်း၏ မျှော်လင့်မထားခဲ့သော ရှုံးနိမ့်မှုသည် ပြုပြင်ပြောင်းလဲမှုကို တပ်လှန့်နှိုးဆော်လိုက်ခြင်းပင် ဖြစ်သည်။ မြန်မာ့နိုင်ငံရေးတွင် ပြုပြင်ပြောင်းလဲရေး ခေတ်စားနေသည့် အချိန်တွင် မြန်မာနိုင်ငံ ဘောလုံးအဖွဲ့ချုပ်ကို ပြုပြင်ပြောင်းလဲ ဖွဲ့စည်းနိုင်ရေး အရည်အသွေးပြည့်ဝသူ၊ လုပ်ရည်ကိုင်ရည် ရှိသူများ ပါဝင်လာနိုင်ရေးတို့ကို ပုံဖော်နိုင်မည့် အပြောင်းအလဲ အစီအစဉ် တစ်ခုကို မဖြစ်မနေ ဆောင်ရွက်သင့်သည်ဟု အကြံပြုလိုပါသည် . . . . .
စိတ်လိုက်မာန်ပါ ဒေါသအလျောက် အပြုအမူများသည် အကျိုးထက် အဆိုးဖြစ်နိုင်သည့်အလျောက် ဆူပူမှုများ၊ အကြမ်းဖက်မှုများ၊ ပဋိပက္ခများ ဖြစ်ပေါ်ခဲ့ခြင်းကို သဘောမတူနိုင်သော်လည်း အဆိုပါဆူပူမှု၊ အကြမ်းဖက်မှု၊ ဖျက်ဆီးမှုများအား ပြုလုပ်ခဲ့သူများကိုလည်း ပြင်းပြင်းထန်ထန် အရေးယူခြင်းထက်၊ ပညာပေးမှုများ ပြုလုပ်ခဲ့ခြင်းသည် ပိုမိုအဆင်ပြေ လိုက်လျောညီထွေ ရှိသည်ဟု မှတ်ချက်ပြုနိုင်သည်။ ဘောလုံးပွဲအလွန် အကြမ်းဖက် ဖျက်ဆီးမှုများကို စနစ်တကျ ချဉ်းကပ်လေ့လာ သင်ခန်းစာယူလျက် အခြားပြဿနာများ၊ ပဋိပက္ခများတွင် အလားတူ အဖြစ်အပျက်များ ထပ်မံမဖြစ်ပေါ်အောင် ပြုပြင်နိုင်မည်ဆိုလျှင် အရှုံးထဲက အမြတ်ဟုပင် မှတ်ချက်ပြုနိုင်မည်ဖြစ်သည်။
မြန်မာနိုင်ငံ ဘောလုံးအဖွဲ့ချုပ်သည် မြန်မာဘောလုံးအသင်း၏ နည်းပြချုပ် ပတ်ဆောင်ဟွာကို မြန်မာယူ-၂၃ ဘောလုံးအသင်း၏ နည်းပြချုပ်အဖြစ်မှ ထုတ်ပယ်ခဲ့ပြီး၊ ပတ်ဆောင်ဟွာသည် ရက်ပိုင်းအတွင်း မြန်မာနိုင်ငံမှ ပြန်လည်ထွက်ခွာမည်ဟု သိရသည်။ မြန်မာဘောလုံးအသင်း၏ အကောင်းအဆိုး၊ အကြောင်းအကျိုးတွင် နည်းပြ၏ အရေးကြီးမှုကို ကောင်းစွာသင်ခန်းစာယူလျက်၊ နောင်လာမည့်ကာလတွင် မြန်မာဘောလုံး အသင်းများ၏ နည်းပြများကို မည်သို့မည်ပုံ စနစ်တကျ ရှာဖွေမည်၊ ငှားရမ်းမည်ကို စနစ်တစ်ခု ထုတ်ထားနိုင်ရန် လိုအပ်မည်ဖြစ်သည်။
လက်ရှိနည်းပြ ငှားရမ်းခဲ့ခြင်းနှင့် ပတ်သက်၍ ပြန်လည်ဆန်းစစ် သုံးသပ်မှုများကိုလည်း စနစ်တကျ ပြုလုပ်နိုင်ရန် လိုအပ်မည်ဖြစ်သည်။ နည်းပြချုပ် ပတ်ဆောင်ဟွာကို ငှားရမ်းခဲ့ခြင်းတွင် တာဝန်ရှိသူများ၊ နည်းပြချုပ်နှင့် ပူးတွဲတာဝန်ယူခဲ့သော မြန်မာနိုင်ငံ ဘောလုံးအဖွဲ့ချုပ်မှ တာဝန်ရှိသူများ၊ မြန်မာနည်းပြများ၊ အသင်းမန်နေဂျာများကိုလည်း မေးမြန်းစုံစမ်းခြင်းများ ပြုလုပ်ပြီး လိုအပ်ပါက မူလတာဝန်များမှ ပြောင်းရွှေ့သည်အထိ  အရေးယူနိုင်ရန် လိုအပ်သည်ဟု ထင်မြင်မိသည်။
မြန်မာဘောလုံး အသင်းများကို မြန်မာနည်းပြများသာ ကိုင်တွယ်စေမည်ဆိုသော တလွဲဆံပင်ကောင်းသည့် ခေတ်ဟောင်းက အယူအဆဟောင်းများ ပြန်ခေါင်းထောင် မလာရန်လည်း သတိပြုသင့်သည်။ ကမ္ဘာ့ဘောလုံးအဖွဲ့ချုပ် (ဖီဖာ)၏ ဘောလုံးဖွံ့ဖြိုးရေး အစီအစဉ်များအရ မြန်မာနိုင်ငံ အနေဖြင့် ဘောလုံးနည်းပြများအား အခမဲ့ ရရှိနိုင်ခြင်း ရှိ၊ မရှိကိုလည်း လေ့လာဆန်းစစ်သင့်သည့်အပြင် မြန်မာ့ဘောလုံး အဆင့်အတန်း မြင့်မားရေးကို စိတ်ဝင်စားသည့် နိုင်ငံများ၏ အကူအညီကို ရယူလျက် ကမ္ဘာ့အဆင့်မီ ဘောလုံးနည်းပြများ ခေါ်ယူနိုင်ရေးကို ပြင်ဆင်ဆောင်ရွက်သင့်သည်ဟု အကြံပြုလိုပါသည်။
မြန်မာယူ-၂၃ ဘောလုံးသမားများသည် အင်တိုက်အားတိုက် ကြိုးကြိုးစားစား ကစားခဲ့ကြသော်လည်း အသင်းလိုက်စုစည်းမှု အပိုင်းတွင် အားနည်းနေခြင်း၊ အခွင့်အရေးများကို အသုံးမချနိုင်ခြင်း၊ တစ်ဖက်အသင်း၏ စွမ်းဆောင်ရည်ကို လျှော့တွက်ထားခြင်း၊ အိမ်ရှင်နှင့် ပရိသတ်၏အားကို ပိုတွက်ထားခြင်း၊ မိမိကိုယ်ကိုယ်ယုံကြည်မှု လွန်ကဲခဲ့ခြင်း စသည့်အခြေအနေများအပေါ် အားမလိုအားမရ ဖြစ်မိခဲ့သည်။ ဘောလုံးသမားများ၏ စိတ်ဓာတ်မြှင့်တင်ရေးနှင့် ပညာပေးရေးတို့အတွက် နိုင်ငံတကာ သတ်မှတ်ချက်များနှင့်အညီ စနစ်တကျပြင်ဆင် ဆောင်ရွက်နိုင်ရန် လိုအပ်ဦးမည်ဟုလည်း ထင်မြင်မိပါသည်။ ဘောလုံးပြိုင်ပွဲတွင် ပြိုင်ဘက်အသင်းကို လျှော့တွက်ခြင်းနှင့် မိမိအသင်းကို ပိုတွက်ခြင်းသည် အကျိုးထက် အဆိုးဖြစ်နိုင်သည်ကို အထပ်ထပ် သတိချပ်စေသင့်သည်။
နည်းပြချုပ်တွင် အဓိက တာဝန်ရှိသည့်နည်းတူ အသင်း၏မန်နေဂျာ၊ နည်းပြများနှင့် ဘောလုံးသမားများ အားလုံးတွင်လည်း တာဝန်ရှိသည်မှာ မငြင်းနိုင်သော အချက်ဖြစ်သည်။ မြန်မာအသင်းနှင့် အင်ဒိုနီးရှားအသင်း ပြိုင်ပွဲတွင် ဗီယက်နမ်ဒိုင်လူကြီးအား ကွင်းလယ်ဒိုင်လူကြီးအဖြစ် တာဝန်ပေးခြင်းနှင့် ပတ်သက်၍ မန်နေဂျာ အစည်းအဝေး သို့မဟုတ် ပွဲစဉ်အစည်းအဝေးတွင် ကန့်ကွက်သင့်သည်ဟု ထင်မြင်မိသည်။ မြန်မာနှင့် ဗီယက်နမ်တို့သည် အရှေ့တောင်အာရှ ဘောလုံးလောကတွင် အကျိတ်အခဲများ ကြီးခဲ့သော နိုင်ငံများဖြစ်သည့် အားလျော်စွာ မြန်မာအတွက် အရေးကြီးသောပွဲကို ဗီယက်နမ်ဒိုင်လူကြီးအား ကွင်းလယ်ဒိုင်အဖြစ် တာဝန်ပေးခြင်းသည် ဆီလျော်မှုအပိုင်းတွင် အားနည်းနေသည်ဟု မှတ်ချက်ပြုလိုသည်။
မြန်မာနိုင်ငံ ဘောလုံးအဖွဲ့ချုပ် အနေဖြင့်လည်း နည်းပြချုပ် တစ်ဦးတည်းအပေါ် ပုံချပြီး၊ တာဝန်ရှိမှုကို အလွတ်ရှောင်မည် မဟုတ်ဟု ထင်မြင်မိသည်။ မြန်မာနိုင်ငံ ဘောလုံးအဖွဲ့ချုပ် အနေဖြင့် လွတ်လပ်သော စုံစမ်းရေးကော်မရှင် တစ်ရပ်ကို ဖွဲ့စည်းပြီး အိမ်ရှင်မြန်မာယူ-၂၃ အသင်း အုပ်စုအဆင့်မှ ထွက်ရခြင်းနှင့် ပတ်သက်၍ စနစ်တကျ လေ့လာသုံးသပ်မှုများ ပြုလုပ်ရန် လိုအပ်မည်ဖြစ်သည်။ နည်းပြချုပ်အပြင် အခြားနည်းစနစ်နှင့် အသင်းအုပ်ချုပ်မှု အပိုင်းမှ တာဝန်ရှိသူများကိုလည်း အပြစ်ပေးခြင်း အရေးယူခြင်းများ ပြုလုပ်ရန် လိုအပ်မည်ဖြစ်သည်။ အဆိုပါ ကော်မရှင်၏ အစီရင်ခံစာကို မြန်မာပြည်သူလူထု တစ်ရပ်လုံး သိရှိနိုင်အောင် ဘောလုံးအဖွဲ့ချုပ် အနေဖြင့် တရားဝင် ထုတ်ပြန်သင့်ကြောင်းလည်း အကြံပြုလိုပါသည်။
လတ်တလော မြန်မာဘောလုံးအသင်း၏ ရှုံးနိမ့်မှုနှင့် ပတ်သက်၍ မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌကိုယ်တိုင် လက်မှတ်ရေးထိုးလျက် ပြည်သူလူထုထံသို့ တောင်းပန်လွှာတစ်စောင်ကို အလျင်အမြန် ထုတ်ပြန်သင့်ပြီး အဆိုပါတောင်းပန်စာတွင် လွတ်လပ်သော စုံစမ်းရေးကော်မရှင် ဖွဲ့စည်းမည့်အစီအစဉ်နှင့် ကော်မရှင်၏ အစီရင်ခံစာကို မူတည်လျက် ထပ်မံအရေးယူခြင်း၊ ပြုပြင်ပြောင်းလဲခြင်းများ ပြုလုပ်မည်ဖြစ်ကြောင်း ပြည်သူလူထုထံ ပွင့်ပွင့်လင်းလင်း အသိပေးသင့်သည်ဟု ထင်မြင်မိသည်။
မြန်မာနိုင်ငံ ဘောလုံးအဖွဲ့ချုပ် ဘောလုံးအသင်းများ၊ ဘောလုံးသမားများနှင့် မြန်မာဘောလုံး ပရိသတ်များအကြား ယုံကြည်မှုပြန်လည် တည်ဆောက်နိုင်ရေးကိုလည်း စီမံချက်ရေးဆွဲ ဆောင်ရွက်နိုင်ရန် လိုအပ်မည်ဖြစ်သည်။ အထူးသဖြင့် မြန်မာဘောလုံး ပရိသတ်များ၏ မြန်မာဘောလုံး အသင်းအပေါ် ယုံကြည်မှု ကျဆင်းနေမှုများကို အလျင်အမြန် ကုစားနိုင်ရန် လိုအပ်သည့်အပြင် အဆိုပါကုထုံးတွင် မြန်မာဘောလုံး ပရိသတ်များ အနေဖြင့် မြန်မာ့ဘောလုံး ရှေ့ခရီးနှင့် ပတ်သက်၍ ယုံကြည်မှု၊ မျှော်လင့်မှု မြင့်မြင့်မားမား ထားရှိနိုင်မည့် အစီအစဉ်များ၊ စီမံချက်များကို တစ်ပါတည်း ချပြနိုင်မည်ဆိုလျှင် အကောင်းဆုံးဖြစ်သည်ဟု သုံးသပ်မိပါသည်။
နိဂုံး  
အချုပ်အားဖြင့်ဆိုသော် မြန်မာဘောလုံးအသင်း၏ မျှော်လင့်မထားခဲ့သော ရှုံးနိမ့်မှုသည် ပြုပြင်ပြောင်းလဲမှုကို တပ်လှန့်နှိုးဆော်လိုက်ခြင်းပင် ဖြစ်သည်။ မြန်မာ့နိုင်ငံရေးတွင် ပြုပြင်ပြောင်းလဲရေး ခေတ်စားနေသည့် အချိန်တွင် မြန်မာနိုင်ငံ ဘောလုံးအဖွဲ့ချုပ်ကို ပြုပြင်ပြောင်းလဲ ဖွဲ့စည်းနိုင်ရေး အရည်အသွေးပြည့်ဝသူ၊ လုပ်ရည်ကိုင်ရည် ရှိသူများ ပါဝင်လာနိုင်ရေးတို့ကို ပုံဖော်နိုင်မည့် အပြောင်းအလဲ အစီအစဉ် တစ်ခုကို မဖြစ်မနေ ဆောင်ရွက်သင့်သည်ဟု အကြံပြုလိုပါသည်။ မြန်မာဘောလုံးပရိသတ်များ၏ ယုံကြည်မှုနှင့် အားပေးမှုကို ပြန်လည်ရရှိစေနိုင်ရန် ရည်ရွယ်သည့် မြန်မာ့ဘောလုံး ပြုပြင်ပြောင်းလဲရေး စီမံချက် တစ်ရပ်ကိုလည်း အလျင်အမြန်ရေးဆွဲ အကောင်အထည်ဖော်နိုင်ရန် လိုအပ်လျက်ရှိသည်ဟု ထင်မြင်မိသည်။ တစ်ချိန်တည်းတွင် လတ်တလော ရှုံးနိမ့်မှုနှင့် ပတ်သက်သော မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ၏ တောင်းပန်စာ၊ လွတ်လပ်သော စုံစမ်းရေးကော်မရှင် ဖွဲ့စည်းမှု၊ ဘောလုံးပရိသတ်များအား ပွင့်လင်းမြင်သာမှုရှိရှိ အပြန်အလှန် ဆက်ဆံမှုတို့သည် မြန်မာ့ဘောလုံး အနာဂတ်အတွက် အားကောင်းမောင်းသန်စေမည့် အင်အားသစ်များ ဖြစ်ပေါ်လာရေးကို အထောက်အကူ ပြုနိုင်လိမ့်မည်ဟု ယုံကြည်မျှော်လင့်မိပါကြောင်း မီးမောင်းထိုး ဆော်သြလိုက်ရပါသည်။
Written by ဒေါက်တာရန်မျိုးသိမ်း
eleven media group