မိုးထိမိုးမိရွှေတွင်းပြဿနာ ကုမ္ပဏီနှင့်အလုပ်သမား ပြေလည်မှုမရသေး

ပို့စ်တင်ချိန် - 12/24/2013 02:51:00 PM

မန္တလေးတိုင်း ရမည်းသင်းခရိုင်က မိုးထိမိုးမိ ရွှေတွင်းလုပ်ကွက်တွေမှာ အစိုးရဆီက ကန်ထရိုက်ရထားတဲ့ အမျိုးသားကြီးပွားတိုးတက်ရေး ကုမ္ပဏီနဲ့ တနိုင်တပိုင်လုပ်ခွင့်ရထားတဲ့ ရွှေတွင်းလုပ်သားတွေကြား ပဋိပက္ခ ညှိနှိုင်းနေပေးမယ့် ပြေလည်မှု မရသေးဘဲ ရှိနေပါတယ်။

Mo Hti Moe Miမိုးထိမိုးမိ ရွှေတွင်းလုပ်ကွက်တွေမှာ အမျိုးသားကြီးပွားတိုးတက်ရေး ကုမ္ပဏီက တနိုင်တပိုင် ရွှေတွင်းလုပ်သားတွေကို လုပ်ကွက်ငယ်တွေ လုပ်ကိုင်ခွင့် မပြုတော့ဘဲ ဖယ်ရှားခိုင်း တာကြောင့် ရာချီတဲ့ ရွှေလုပ်သားတွေဟာ အောက်တိုဘာလကတည်းက ဆန္ဒပြခဲ့ကြတာ ဖြစ်ပါတယ်။

ဒီဇင်ဘာလ ၁၈ ရက်နေ့ကတော့ ဆန္ဒပြရွှေလုပ်သားတွေဟာ ရမည်းသင်းမြို့ကို ချီတက် ဆန္ဒပြနေစဉ် ရဲတွေက ဖြိုခွင်းခဲ့လို့ ကိုယ်ဝန်ဆောင် အမျိုးသမီးတဦး အပါအ၀င် ဆန္ဒပြသမား ၉ ဦး ဒဏ်ရရှိသွားခဲ့သလို ရဲတပ်သား ၂ ဦးလည်း ဒဏ်ရာရရှိခဲ့ပါတယ်။

ဒီလို ပဋိပက္ခ ဖြစ်မှုကြောင့် အမျိုးသားကြီးပွားတိုးတက်ရေး ကုမ္ပဏီနဲ့ ရွှေလုပ်သားကိုယ် စားလှယ် ၅ ဦးတို့ တွေ့ဆုံ ဆွေးနွေးခဲ့ပေမယ့် ရွှေလုပ်သားတွေဘက်က တောင်းဆိုထားတဲ့ အင်းအက်တာတွေ လုပ်ခွင့်ကိုတော့ မလိုက်လျောပေးခဲ့ဘူးလို့ ရွှေတူးလုပ်သား ဦးဝင်းအောင်က ပြောပါတယ်။

“သူတို့ဘက်က လိုက်လျောမှု ဘာမှ မပေးခဲ့ပါဘူး။ သူတို့ဘက်က လိုက်လျောရင် ပိုက်ဆံ ၁ သိန်းခွဲပေးမယ်။ ဒီပြင်နေရာကို ပြောင်းချင်ရင် စက်တွေရွှေ့ပေးမယ်။ စက်ရွှေ့ပေးရင်လည်း အစ်ကိုတို့ ရင်းနှီးမြှုပ်နှံထားတာတွေက ဘာမှ အကျိုးခံစားခွင့် မရှိတော့ဘူးလေ။ လက်ဗလာ ကြီး ထွက်ရပြီ။ ကိုယ့်ဘ၀အတွက် ဘ၀အာမခံချက် မရှိတော့တဲ့ ဘ၀မျိုးရောက်သွားမှာ ဖြစ်တဲ့အတွက် ကိုယ်တို့က ဘ၀ကို အာမခံချက်ရတဲ့ ရပ်တည်လို့ရတဲ့ လုပ်ငန်းမျိုး ရမယ်ဆိုရင်တော့ အစ်ကိုတို့ စဉ်းစားလို့ရမယ်။ သူတို့ပေးတာက ၁ သိန်းခွဲနဲ့ စက်ရွှေ့ပေးမှာဆိုရင် နောက်တနေရာ ရင်းဖို့က ကိုယ်တို့က ဘယ်စရိတ်နဲ့ သွားရင်းရမလဲ။”

အမျိုးသားကြီးပွားတိုးတက်ရေး ကုမ္ပဏီရဲ့ စီမံကိန်း ဒါရိုက်တာ ဦးထွန်းအောင်ကတော့ ကုမ္မဏီအနေနဲ့ နိုင်ငံတော်ကို သွင်းရမယ့် ရွှေတန်ပြည့်မီနိုင်မှာ မဟုတ်သလို အသေးစားလုပ်ကွက်တွေကို လုပ်ကိုင်ခွင့်ပေးခြင်းအားဖြင့် အကြီးစားလုပ်ငန်းတွေအတွက် မိုင်းအန္တရာယ် ရှိစေနိုင်တာကြောင့် မလိုက်လျောတာလို့ ပြောပါတယ်။

“ကျနော်တို့က နိုင်ငံတော်ကို ရွှေက သွင်းရမှာ ၅ ဒဿမ ၅၇၇ တန်လေ။ ဒီအသေးတွင်း လုပ်မယ်ဆိုရင် ပြည့်မီအောင် မသွင်းနိုင်ဘူး။ ကျနော်တို့မှာက မိုင်းအန္တရာယ် ကင်းရှင်းရေးကော၊ သဘာဝ ပတ်ဝန်းကျင်ထိန်းသိမ်းရေးကော နေရာအများကြီးမှာ လိုက်ပြီး မထိန်းနိုင်ဘူး။ နောက်တခါ သူတို့လုပ်သလို အသေးစားလေးတွေနဲ့ ရေတွင်းတူးသလို လိုက်ပြီးတူးမယ်ဆိုရင် သတ္တုသိုက်က အောက်မှာရှိရင် ကျနော်တို့က အကြီးစားလုပ်မယ်ဆိုရင် မိုင်းအန္တရာယ်ရှိတာပေါ့။ ဒီအချက်တွေကြောင့် ပေးလို့မရဘူး။ နောက်သူတို့ပြောတဲ့ အသေးစားလုပ်ကွက်ဆိုတာကလည်း ကျနော်တို့က ပေးလို့ရတာ မဟုတ်ဘူး။ ကျနော်တို့တောင် နိုင်ငံတော်က ချပေးလို့ လုပ်လို့ရတာ။ သူတို့က သတ္တုတွင်းမှာ တောင်းရမှာ သတ္တုတွင်းက ချပေးမှ သူတို့ လုပ်လို့ရမှာပါ။”

ဒါ့အပြင် ရွှေလုပ်သားတွေကို အင်းအက်တာလုပ်ဖို့ စာချုပ်ချုပ်ဆိုထားတာ ၁ နှစ်ပြည့် သွားပြီ ဖြစ်လို့ ဆက်လက် ခွင့်ပြုပေးလို့မရဘူးလို့လည်း ပြောပါတယ်။

မိုးထိမိုးမိမှာ ရွှေတွင်းလုပ်ကွက် ဇုန်ပေါင်း ၁၃ ဇုန် ရှိပြီး ဇုန် ၁၀ ဆိုတဲ့ အဖွဲ့တခုတည်းကသာ ဆန္ဒပြကြတာ ဖြစ်ပြီး ကျန်ဇုန်တွေက စာချုပ်အတိုင်း လိုက်နာခဲ့တယ်လို့ ဦးထွန်းအောင်က ဆက်ပြောပါတယ်။

ဒါပေမယ့် ရွှေလုပ်သားတွေကတော့ တဆင့်လျော့ပြီး ဆက်လက်ဆန္ဒပြမှုတွေ လုပ်ဆောင်နေပါတယ်။

ရွှေလုပ်သားတွေဟာ ပြီးခဲ့တဲ့ ဒီဇင်ဘာ ၁၈ ရက်နေ့က ဖြစ်တဲ့ ပဋိပက္ခတွေကြောင့် သူတို့ကို ပုဒ်မ ၁၈ ခွင့်ပြုချက်မရှိဘဲ ဆန္ဒထုတ်ဖော်မှုနဲ့ ပုဒ်မ တာဝန်ထမ်းဆောင်နေသူကို မတရားနာကျင်စေမှု စတဲ့ ပုဒ်မတွေနဲ့ ရမည်သင်းမြို့နယ်က တရားစွဲဆိုထားပါတယ်။

ဒါကြောင့် ဒီကနေ့ တောင်းဆိုမှုမှာ သူတို့ကို စွဲဆိုထားတဲ့ ပုဒ်မတွေကို ဖျက်သိမ်းပေးဖို့၊ ပေါင်းလောင်းဒေသမှာ သူတို့အတွက် လုပ်ပိုင်ခွင့် လုပ်ကွက် ၁ ကွက် သီးသန့်ချထားပေးဖို့နဲ့ သူတိုရဲ့ စက်ပစ္စည်းတွေကို ကုမ္ပဏီကနေ တာဝန်ယူ ရွှေ့ပေးဖို့ တောင်းဆိုထားပါတယ်။
DVB Burmese