ဥပဒေ အတည်မဖြစ်သော်လည်း လွှတ်တော်ကိုယ်စားလှယ်များ ဒေသဖွံ့ဖြိုးရေး အသုံးစရိတ် စသုံး

ပို့စ်တင်ချိန် - 12/11/2013 02:21:00 PM

ရန်ကုန်၊ ဒီဇင်ဘာ ၁၀

လွှတ်တော်ကိုယ်စားလှယ်များ ဒေသဖွံ့ဖြိုးရေး အသုံးစရိတ် ကျပ်သိန်းတစ်ထောင် အသုံးပြုနိုင်မည့် ပြည်ထောင်စု လွှတ်တော်ဆိုင်ရာ ဥပဒေကြမ်းကို နိုင်ငံတော် သမ္မတက ဥပဒေအတည်ဖြစ်ကြောင်း လက်မှတ်ရေးထိုးခြင်း မရှိသော်လည်း အဆိုပါ အသုံးစရိတ် ကျပ်သိန်းတစ်ထောင်ကို ပြည်ထောင်စုလွှတ်တော်က ယနေ့ စတင်သုံးစွဲခွင့် ပြုလိုက်ကြောင်း ပြည်ထောင်စု လွှတ်တော်ငွေစာရင်း ပူးပေါင်းကော်မတီ အတွင်းရေးမှူး ဦးမောင်တိုးက ပြောကြားသည်။

အဆိုပါ လွှတ်တော်ကိုယ်စားလှယ် များ၏ ဒေသဖွံ့ဖြိုးရေး ဆိုင်ရာ အသုံးစရိတ် ငွေကို ၂၀၁၃-၂၀၁၄ ဘဏ္ဍာရေးနှစ်တွင် ခွင့်ပြုခဲ့ခြင်း ဖြစ်သောကြောင့် သုံးစွဲခွင့် ပြုလိုက်ခြင်းဖြစ်ကြောင်း ၄င်းကဆိုသည်။
"အခုဆိုရင် ကျွန်တော်တို့ ၁၁ မြို့နယ်ကို ငွေလွှဲပေးပြီး ဖြစ်ပါတယ်။ နောက်ထပ်လည်း မဲဆန္ဒနယ်မြေ အသီးသီးကို လုပ်ထုံးလုပ်နည်း နဲ့အညီ ထပ်လွှဲပေးသွားမှာပါ" ဟု ၄င်းကဆိုသည်။

ဥပဒေ အတည်မပြုမီ ငွေသုံးစွဲခြင်း ဖြစ်သော်လည်း အစိုးရ၏ဘဏ္ဍာငွေ စာရင်းတွင် ခွင့်ပြုထားပြီး ဖြစ်သဖြင့်
ဥပဒေလုပ်ထုံး လုပ်နည်းနှင့် ညီညွတ်မှုရှိ မရှိ ကိုမူ အတိအကျ မပြောနိုင်သေးကြောင်း နိုင်ငံတော် သမ္မတ၏ ပြောရေးဆိုခွင့်ရှိသူ ဦးရဲထွဋ်က ရှင်းပြသည်။

အဆိုပါဥပဒေကို နိုင်ငံတော် သမ္မတ လက်မှတ်ရေးထိုးခြင်း မရှိဘဲ သဘောထား မှတ်ချက်များဖြင့် လွှတ်တော်သို့ ပြန်လည် ပေးပို့ထားသည်။

အခြေခံ ဥပဒေပုဒ်မ ၁၀၅ (ခ) တွင် နိုင်ငံတော်သမ္မတ ဥပဒေကြမ်းတစ်ရပ်ကို လက်မှတ်မရေးထိုးမီ (၁၄ ရက်အတွင်း) သဘောထားမှတ်ချက်ဖြင့် လွှတ်တော်သို့ ပြန်လည်ပေးပို့နိုင်ပြီး ပုဒ်မ ၁၀၆ (က) တွင် ပြည်ထောင်စုလွှတ်တော်က အဆိုပါဥပဒေ ကြမ်းကို ပြန်လည်ဆွေးနွေးသုံးသပ်ပြီး နောက် နိုင်ငံတော်သမ္မတ၏ သဘောထား မှတ်ချက်ကို လက်ခံဆွေးနွေးခြင်း သို့မဟုတ် နိုင်ငံတော်သမ္မတ၏ သဘောထားမှတ်ချက်ကို လက်မခံဘဲ ပြန်လည် ပေးပို့နိုင်ခြင်းတို့ ပြုလုပ်နိုင်ကြောင်း ဖော်ပြထားသည်။

ကျပ်သိန်းတစ်ထောင်ကို ဒေသတွင်း ကျန်းမာရေး၊ ပညာရေး၊ လမ်းပန်းဆက်သွယ် ရေး၊ ရေ၊ လျှပ်စစ်ကဏ္ဍ များအပြင် မမျှော်မှန်းနိုင်သည့် သဘာဝ ဘေးအန္တရာယ်များ အတွက်ပါ သုံးစွဲရန်ဖြစ်ပြီး ကဏ္ဍတစ်ခုတွင် ကျပ်သိန်း ၅၀ ကိုသာ သုံးစွဲရမည် ဖြစ်ကြောင်း ပြည်ထောင်စုလွှတ်တော် ဗဟို ငွေစာရင်း ကော်မတီက သတ်မှတ်ထားသည်။

အဆိုပါ ဒေသဖွံ့ဖြိုးရေး အသုံးစရိတ် ကျပ်သိန်းတစ်ထောင်ကို သက်ဆိုင်ရာ မဲဆန္ဒနယ် များမှ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ကိုယ်စားလှယ်သုံးဦး က ဘဏ္ဍာ ငွေသုံးစွဲရေး ကော်မတီတစ်ရပ် ဖွဲ့ကာ ပူးပေါင်း သုံးစွဲရမည်ဖြစ်ကြောင်း ပြည်ထောင်စု လွှတ်တော်က ထုတ်ပြန်ထားသည်။
The Voice Weekly Myanmar