စီအိုင်အက်ဖ် အပြောင်းအလဲ စောင့်နေသည့်အတွက် ဆိပ်ကမ်း၌ ကားများ စုပုံနေ

ပို့စ်တင်ချိန် - 12/21/2013 07:38:00 PM

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက စီအိုင်အက်ဖ် တန်ဖိုးများပြောင်းလဲမည်ဟု
သတင်းများ ထွက်ပေါ်နေသည့်အတွက် ကားတင်သွင်းသူများက ကားများထုတ်ယူရန် စောင့်ဆိုင်း
နေကြသော်လည်း ကားသင်္ဘောများမှာ ပုံမှန်ဝင်ရောက်နေပြီး ဆိပ်ကမ်းများတွင် ကားများစုပုံ
နေကြောင်းသိရသည်။

"နဂိုကတည်းကလည်း ဆိပ်ကမ်းမှာ ကားတွေရှိနေသေးတယ်။ ပြီးတော့ အခု စီအိုင်အက်ဖ်
ပြောင်းမယ်ဆိုတော့ ကျွန်တော် ကိုယ်တိုင်တောင် ကားတွေ သွားမထုတ်သေးဘူး။ ဒါကြောင့်ကား
တွေပိုပုံနေတယ်" ဟု Farmer Auto မှ ဦးစိုးထွန်း က ပြောသည်။

စီအိုင်အက်ဖ် ပြောင်းလဲမည့် သတင်းကြောင့် ကားအရောင်း စင်တာများတွင် အရောင်းအ၀ယ်များ
အေးစက်ခဲ့ပြီး ၀င်ငွေလည်ပတ်မှု နှောင့်နှေးသွားမှုကြောင့် အပါအ၀င် ကားများ ရောင်းမထွက်သေး
သည့်အတွက် ကားအရောင်း စင်တာများတွင် နေရာလွတ်မရှိသောကြောင့် ထုတ်ယူရန် နှောင့်နှေး
နေခြင်းဖြစ်သည်။

"ကားထုတ်ရင် အခွန်က ဆောင်ရဦးမယ်။ အရောင်းအ၀ယ်အေးတော့ ပိုက်ဆံကသိပ်မလည်သေး
ဘူး။ အရောင်းစင်တာ တစ်ခုက ကားအစီး ၅၀ ဆန့်တယ်ဆိုရင် ကားရောင်း မထွက်တော့
ကားထားစရာ နေရာမရှိဘူး။ တစ်နေရာမှာ ထိခိုက်တော့ အကုန်လုံးမှာ ထိခိုက်သွားတဲ့သဘောပဲ"
ဟု ဦးစိုးထွန်းက ပြောသည်။

"ကျွန်တော်ကတော့ ကား သွားမထုတ်ချင်သေးဘူး။ စီအိုင်အက်ဖ် ပြောင်းလဲပြီးမှဆိုရင် ကားတစ်စီး
ကို ငွေ ကျပ် ၁၄ သိန်းကနေ ၁၅ သိန်းကြားအထိ သက်သာမယ်။ စီအိုင်အက်ဖ်တန်ဖိုးလည်း
ထွက်လာတော့မှာဆိုတော့ ဇန်န၀ါရီလကျမှပဲ ထုတ်တော့မယ်။ စီအိုင်အက်ဖ်တန်ဖိုးလည်းကျတော့
ကျသင့်ပေမယ့် ကျွန်တော်တို့ကတော့ စလစ်ဈေးကျတာကို ပိုလိုလားတယ်။ ယာဉ်ဟောင်းအပ်ဖို့
အက္ခရာလည်း ကုန်တော့မယ်ဆိုပေမယ့် နောက်ပိုင်းမှာ ကားဟောင်း ဈေးကွက်ကတော့ သူ့ဟာနဲ့
သူရှိနေဦးမှာပဲ။ လက်ရှိ ကားတင်သွင်းတာကတော့ တစ်ဦးချင်း ပါမစ်နဲ့သွင်းတဲ့သူ ပိုများလာတယ်"
ဟု SKK ကားအရောင်းစင်တာမှ အမှုဆောင်အရာရှိချုပ် ကိုချမ်းကျော်ကျော်က ပြောသည်။

ဆိပ်ကမ်းသို့ ရောက်ရှိလာသော ကားများအတွက် ကားထားခွင့် နှစ်ပတ်အထိခွင့်ပြုထားပြီး
ကျော်လွန်ပါက ဆိပ်ကမ်းမှ ကားရပ်နားခ ကောက်ခံကာ လာရောက် မထုတ်ယူသေးသော ကား
များအတွက် ရက် ၆၀ ကျော်ပါက လေလံစာရင်း သွင်းထားသည်ဟု ဆိုသည်။

သို့ရာတွင် လေလံ စာရင်းပယ်ဖျက်အဖြစ် လျှောက်ထား၍ ပြန်လည်ထုတ်ယူနိုင်ကြောင်းလည်း
သိရသည်။

သို့သော် နောက်ပိုင်းတွင် ရက် ၆၀ ကြာသည်အထိ လာရောက်ထုတ်ယူခြင်း မရှိသော ကားများကို
လေလံတင်သွားရန် အစီအစဉ်ရှိကြောင်း မြန်မာ့ဆိပ်ကမ်းအာဏာပိုင်မှ တာဝန်ရှိသူ တစ်ဦးက
ပြောသည်။

"ဆိပ်ကမ်းမှာလည်း ကားတွေအများကြီး ပုံနေသေးတယ်။ ကားသင်္ဘောအ၀င်များပြီး မထုတ်တဲ့
ကားများတော့ ကားပိုများလာတာပေါ့။ ပထမတစ်ကြိမ် လုပ်ခဲ့တဲ့ အစည်းအဝေးအရ ရက် ၆၀
ကျော်ရင် လေလံစပစ်မယ်လို့တော့ ပြောထားတာရှိတယ်။ သင်္ဘောလိုင်းတွေခေါ်ပြီးတော့
အစည်းအဝေးတစ်ခု လုပ်ဦးမယ်။ ပြီးမှပဲ ဆုံးဖြတ်ချက်ချပြီး ထုတ်ပြန်မယ်လို့ ပြောမယ်။
ဆိပ်ကမ်းမှာ ကားတွေ အရမ်းကျပ်နေရင် နောက်ထပ် ကားသင်္ဘောတွေ ဆိုက်ဖို့မဖြစ်နိုင်ဘူးလေ"
ဟု အဆိုပါတာဝန်ရှိသူက ပြောသည်။

ရန်ကုန် ဗိုလ်အောင်ကျော် ဆိပ်ကမ်းနှင့် ဆူးလေဆိပ်ကမ်းတို့တွင် ကားသင်္ဘောများ ဆိုက်ရောက်မှု
နည်းပြီး သီလ၀ါဆိပ်ကမ်းမှာ နေရာကျယ်သည့်အတွက် ကားသင်္ဘောများ ဆိုက်ရောက်မှုများပြား
ကာ ပျမ်းမျှအားဖြင့် ကားစီးရေ ၉,၀၀၀ နှင့် ၁၀,၀၀၀ ကြားအထိဆံ့ပြီး အမ်ပီအေ ဆိပ်ကမ်းတွင်မူ
ကားအစီးရေ ၄,၀၀၀ ခန့် ဆံ့ကာ ၂၀၁၃ ခုနှစ်အတွင်းတွင် ရက် ၆၀ ကျော်သော ကားစီးရေ ၃၅၀
ဝန်းကျင် ခန့်ရှိကြောင်းသိရသည်။

၂၀၁၃ ခုနှစ်၊ ဒီဇင်ဘာလ ၄ ရက်နေ့တွင် ရန်ကုန် ဆူးလေဆိပ်ကမ်းသို့ ကားသင်္ဘော တစ်စင်း
ဆိုက်ကပ်ခဲ့ပြီး အစီးရေ ၆၄ စင်းရှိကာ ဒီဇင်ဘာလ ၅ ရက်နေ့မှ ၁၅ ရက်နေ့အထိ ကား သင်္ဘော
ခြောက်စီးရောက်ရှိခဲ့ကာ ကားစီးရေ ၅,၂၀၀ ကျော်ရှိကြောင်း သိရသည်။

အေးငြိမ်းဝင်း  -  (မြန်မာတိုင်း(မ်))