ဆီးရီးယား ဓာတုလက်နက်များကို ပင်လယ်ပြင်၌ ဖျက်ဆီးမည်

ပို့စ်တင်ချိန် - 12/01/2013 12:06:00 PM

ဒမတ်စကတ်၊ နိုဝင်ဘာ ၂၈

အမေရိကန် ရေတပ် ထောက်ပံ့ရေးသင်္ဘော MV Cape Ray ကို အသုံးပြုပြီး ဆီးရီးယား ဓာတုလက်နက်များကို ပင်လယ်ပြင်၌ ဖျက်ဆီးရန် စီစဉ်နေကြောင်း BBC သတင်းတွင် ဖော်ပြထားသည်။

သင်္ဘောပေါ်တွင် ရွေ့လျားဖျက်ဆီးရေး စက်ရုံတစ်ခု တည်ဆောက်ပြီး ဓာတုလက်နက်များကို ရေများနှင့် ရောနှောပြီး အန္တရာယ် မဖြစ်စေနိုင်သည့် အဆင့်အထိ ရောက်ရှိအောင် လုပ်ဆောင်သွားမည်ဟု စက်မှုလုပ်ငန်း အသိုင်းအဝိုင်းက ပြောကြားသည်။

ဆီးရီးယားနိုင်ငံတွင်းရှိ အဆိပ်အတောက် ပစ္စည်းများကို ဒီဇင်ဘာ ၃၁ ရက်နေ့ မတိုင်ခင် နောက်ဆုံးထားပြီး နိုင်ငံတွင်းမှ ဖယ်ရှားပေးရမည်ဟု ဓာတုလက်နက် တားဆီးရေးအဖွဲ့ (OPCW) က တောင်းဆို ထားသော်လည်း နိုင်ငံများက ယင်းတာဝန် ထမ်းဆောင်ရန် တွန့်ဆုတ်နေသည်။

ယင်းဓာတုပစ္စည်းများကို အာဘေးနီးယားနှင့် အခြားသော နိုင်ငံများသို့သွား ရောက်ပို့ဆောင်မည်ဟု ကောလာဟလများ ထွက်ပေါ်ခဲ့သော်လည်း မှန်ကန်မှု မရှိကြောင်း ၎င်းတို့က ငြင်းဆိုခဲ့သည်။

ထို့ကြောင့် ဓာတုလက်နက်များကို MV Cape Ray သင်္ဘောပေါ်သို့ တင်ဆောင်ပြီး ဟိုက်ဒရောလစ်စစ်နည်း (ရေသွင်းဖြိုခွင်းနည်း) အသုံးပြုဖျက်ဆီးမည် ဖြစ်ကာ စွန့်ပစ်ရေလီတာပေါင်း ၇ ဒသမ ၇ သန်းအထိ ထွက်ရှိမည်ဟု ခန့်မှန်းထားသည်။

ယင်း စွန့်ပစ်ပစ္စည်းများကို ကွန်တိန်နာပေါင်း ၄၀၀၀ ကျော်တွင် ထည့်သွင်း သိမ်းဆည်းထားမည်ဟု OPCW အဖွဲ့က ပြောကြားသည်။

ဓာတုလက်နက်များ ဖျက်ဆီးရာမှ ထွက်ရှိလာမည့် စွန့်ပစ်ပစ္စည်းများမှာ ပုံမှန် စက်မှုလုပ်ငန်း စွန့်ပစ်ပစ္စည်းများ ကဲ့သို့ပင် ဖြစ်ပြီး မည်သည့်အဖွဲ့က ယူဆောင် သိမ်းဆည်းမည်ကို သောကြာနေ့ နောက်ဆုံးထားပြီး အဆိုတင်သွင်းရမည် ဖြစ်သည်။

စွန့်ပစ်ပစ္စည်းများအရေးနှင့် ပတ်သက်ပြီးသာ ပြဿနာတက်နေခြင်း မဟုတ်ဘဲ ပြည်တွင်းစစ် ဖြစ်ပွားနေသော ဆီးရီးယား နိုင်ငံတွင်းမှ ဓာတုလက်နက်များ သယ်ထုတ်ရေးကိုလည်း မည်သည့် နိုင်ငံကမျှ လုပ်ဆောင်လိုခြင်း မရှိသည့်အတွက် နောက်ဆုံး ဆီးရီးယား တပ်မတော်ကပင် ဓာတုလက်နက်များကို နိုင်ငံတွင်းမှ သယ်ထုတ် ပေးခဲ့ရသည်။

ထို့ကြောင့် ဆီးရီးယား တပ်မတော်က သယ်ဆောင်လာသည့် ဓာတုလက်နက် များကို သူပုန်အဖွဲ့များက ကြားဖြတ်တိုက် ခိုက်သိမ်းယူ လိုက်ပါက မည်ကဲ့သို့သော အကျိုးဆက်များ ထွက်ပေါ်လာမည်နည်းဟု အချို့က မေးခွန်းထုတ်နေသည်။

ဖျက်ဆီးရမည့် ဓာတုလက်နက် ပမာဏတန် ၆၀၀ ကျော်အထိရှိပြီး နိုင်ငံတစ်ဝန်းလုံးရှိ ဒေသများတွင် ဆီးရီးယား တပ်မတော်က သိမ်းဆည်းထားကြောင်း BBC သတင်းတွင် ဖော်ပြထားသည်။

အချို့သော ဓာတုပစ္စည်းများ ဖြစ်သည့် ဆာရင်နှင့် VX ဓာတ်ငွေ့များမှာ လက်နက်ပုံစံဖြင့် တည်ရှိနေခြင်း မရှိသဖြင့် ၂၀၁၃ ခုနှစ် နိုဘယ်လ် ငြိမ်းချမ်းရေးဆုရှင် OPCW အတွက် လုပ်ငန်းအနည်းငယ် လွယ်ကူစေလျက်ရှိသည်။

OPCW အဖွဲ့က ဓာတုလက်နက် သိမ်းဆည်းရေး ပစ္စည်းများနှင့် ကွန်တိန်နာများကို လက်ဘနွန်နိုင်ငံမှတစ်ဆင့် ဆီးရီးယား နိုင်ငံတွင်းသို့ သယ်ဆောင်လာပြီး လာမည့် ရက်သတ္တတစ်ပတ်အတွင်း ဆီးရီးယား တပ်မတော်က ကွန်တိန်နာပေါင်း ၂၀၀ ကျော်ဖြင့် ထည့်သွင်းထားမည့် ဓာတုလက်နက်များကို မြေထဲပင်လယ် ဆိပ်ကမ်းမြို့သို့ သယ်ပို့ပေးမည် ဖြစ်သည်။
The Voice Weekly