ယဉ်ကျေးစွာ အရှုံးပေးခြင်း (ကဗျာ)

ပို့စ်တင်ချိန် - 12/13/2013 07:15:00 AM

မျောက်ကနေ လူဖြစ်တာကို ယုံသူများ
လူကနေ မျောက်ပြန်ဖြစ်တာကိုကော
ယုံကြသလား ။

အိပ်မက်တွေ သားလျှောလို့
သေမတတ် ခံစားရတဲ့အခါ
ရှိစုမဲ့စုဒေါသတွေလည်း အပေါင်ဆုံးသွားတဲ့အခါ
လိမ်လည်မှုဟာ အကိုက်အခဲပျောက်ဆေးပေါ့ ။

ပက်ပက်စက်စက်
ဝက်ဝက်ကွဲမရှုံးဘူးလို့ ထင်ရအောင်
လူတောထဲမှာ အပြုံးမပျက်နေထိုင်ပါ
အရာရာကို အကောင်းမြင်ပါ
မေတ္တာသမားယောင်ဆောင်ပါ
နာကျင်မှုကို ကျင်နာမှုအဖြစ်ပြောင်းပါ ။

ဟိတ်နဲ့ဟန်နဲ့ အရှုံးပေးနိုင်ရင်
အထည်ကြီးပျက်စိတ်ဓါတ်ထားနိုင်ရင်
မချစ်ပေမဲ့ အောင့်ခါနမ်းနိုင်ရင်
အလိုမတူသူနဲ့ ပေါင်းဖက်နိုင်ရင်
ဒဏ်ရာတွေကို မိတ်ကပ်ဖို့နိုင်ရင်
အရှုံးပေးမှု အောင်မြင်ပြီ ။

အောင်မြင်စွာဆုတ်ခွါလာတဲ့
ဒို့ရဲဘော်တွေကို
မျက်ရည်တွေနဲ့ မကြိုကြပါနဲ့
ယဉ်ကျေးသူတွေမို့
အပြုံးလေးနဲ့သာကြိုဆိုကြပါစို့
ငါတို့တွေ သနားပါတယ် ။
Blue Sky Forest