လပွတ္တာမြို့နယ် ကန်ဘက်ကျေးရွာ အိမ်ခြေ ၃ဝဝကျော် မီးလောင် ဖျာပုံမီးလောင်မှုတွင် မီးသတ်ဝန်ထမ်း တစ်ဦး သေဆုံး
ပို့စ်တင်ချိန်
- 12/31/2013 04:45:00 PM
လပွတ္တာ ဒီဇင်ဘာ ၃ဝ
ဧရာဝတီတိုင်းဒေသကြီးလပွတ္တာ မြို့နယ် ကန်ဘက်ကျေးရွာတွင် ယမန်နေ့ ည ၂နာရီခန့်တွင် မီး လောင်ကျွမ်းမှုဖြစ်ပွားခဲ့ပြီး အိမ်နှင့် ဈေးဆိုင်ခန်း ၃ဝဝကျော် မီးလောင် ခဲ့ကြောင်းတိုင်းမီးသတ်ဦးစီးဌာနမှ သိရသည်။
''မီးလောင်တာ သိတော့ ကျွန်မတို့ဆီက တပ်ဖွဲ့ဝင်တွေရော၊ ကြက်ခြေနီတွေရော ချက်ချင်း မီး လောင်မှုဖြစ်ပေါ်တဲ့ ကန်ဘက် ကျေးရွာကို ဆင်းသွားတယ်။ မီးကို တော့နံနက် ၅နာရီ မိနစ် ၂ဝမှ ထိန်း နိုင်ခဲ့ပါတယ်။ နံနက် ၆ နာရီ လောက်မှာတော့မီးငြိမ်းသွားတယ်။ ကယ်ဆယ်ရေးစခန်းတွေတော့ ဖွင့် လှစ်ဆောင်ရွက်နေတယ်။ ပျက်စီး ဆုံးရှုံးမှုတန်ဖိုးကိုတော့ တွက်လို့ မရသေးပါဘူး''ဟု ဧရာဝတီတိုင်း ဒေသကြီးမီးသတ်တပ်ဖွဲ့မှတာဝန်ရှိ သူတစ်ဦးကပြောကြားသည်။
လပွတ္တာမြို့နယ် ကန်ဘက် ကျေးရွာရှိလမ်းအားလုံးမီးလောင် သွားခဲ့ကြောင်း၊ ဆိုင်ခန်း၁ဝဝကျော် နှင့်လူနေအိမ် ၂ဝဝကျော်ဆုံးရှုံးခဲ့ ကြောင်း၊ လပွတ္တာမြို့ မီးဘေးဒုက္ခ သည် အများစုကို မဟာအောင်မြေ ဇံကျောင်းတွင် နေရာချထားပေးပြီး တချို့မီးဘေးဒုက္ခသည်များမှာ လယ်ကွက်ထဲတွင်နေထိုင်မှုများရှိ ကြောင်း၊ လပွတ္တာမြို့မှ ပြည်သူ များက မီးဘေးသင့်ပြည်သူများကို ထမင်းထုပ်များ ဝေငှခြင်းများလုပ် ဆောင်နေကြောင်းသိရသည်။
ယမန်နေ့ ည ၁၁နာရီခန့်တွင် ဖျာပုံမြို့ စိုက်ပျိုးရေးဝန်ထမ်း အိမ်ရာတွင်လည်းလျှပ်စစ်မီးအားမြှင့် စက်မှ မီးလောင်မှုတစ်ခုဖြစ်ပွားခဲ့ ပြီး မီးသတ်ကားဆီသို့ ဖြတ်ဝင် လာသောဆိုင်ကယ်ကိုရှောင်လိုက် ရာမှ မီးသတ်ကားတိမ်းမှောက်ပြီး ကားပေါ်ပါ တပ်သားကျော်ဖြိုးဇင် (ခ)အားနိုးမှာ နေရာတွင်ပင် ကားပိ သေဆုံးခဲ့ကြောင်း သိရသည်။
မီးသတ်ဦးစီးဌာနမှ ယာဉ်မောင်း ဒုတပ်ကြပ်ချစ်ဆွေအောင်ကိုလည်း ရန်ကုန်ပြည်သူ့ဆေးရုံ ဦးနှောက်နှင့် အာရုံကြောဌာနသို့တင်ပို့ကုသထား ရကြောင်းကို ဖျာပုံမြို့နယ်မီးသတ် ဦးစီးဌာနမှသိရသည်။
''ကားရှေ့ကိုဆိုင်ကယ်တစ်စီး အရှိန်ပြင်းပြင်းနဲ့ဝင်လာလိုက်တာကို ရှောင်လိုက်လို့ မီးသတ်ကားမှောက် ပြီးတော့တပ်သားတစ်ယောက် သေ ဆုံးခဲ့ရတာပါ။အကျဉ်းဦးစီးဌာနရိပ် သာရှေ့နဲ့အမှတ်(၁၂) ရပ်ကွက်ရုံး ရှေ့မှာဖြစ်တာပါ''ဟုဖျာပုံမီးသတ် ဦးစီးဌာနမှ တာဝန်ရှိသူတစ်ဦးက ပြောသည်။
''မီးသုံးစွဲသူတွေအနေနဲ့ မီးကို ဂရုတစိုက် သုံးရမှာပါ။မီးသုံးစွဲ ရာမှာ ၁ဝဝရာခိုင်နှုန်းသတိထား ရမှာပါ။ မီးလောင်ရင် ပြည်သူတွေ အားလုံးကို မီးသတ်ဦးစီးဌာနကို ချက်ချင်းအကြောင်းပေးစေချင်တယ်။
ပည်သူတွေဘက်က ပူးပေါင်း ပါဝင်နိုင်ဖို့တော့လိုပါတယ်။ မီး လောင်ရာ ကျွန်တော်တို့ သွားငြှိမ်း ရင်လမ်းတွေကို ပြည်သူတွေအနေ နဲ့ဖွင့်ထားပေးစေချင်တယ်။ မီးသတ် ကားမောင်းရင် လမ်းရှင်းတော့ ကျွန်တော်တို့ မြန်မြန်သွားရောက် ငြှိမ်းသတ်နိုင်ပါတယ်''ဟုဧရာဝတီ တိုင်းဒေသကြီး တိုင်းမီးသတ်ဦးစီး ဦးမျိုးဝင်းက ပြည်ထောင်စုနေ့စဉ် သို့ပြောသည်။
စည်သူမောင်မောင်
The Union Daily
