သန်း ၆ဝ ကောင်းကင်ပေါ်က သိန်းတစ်ထောင် ပေါက္ခရ ဝဿမိုး

ပို့စ်တင်ချိန် - 12/21/2013 07:40:00 PM

ဒေသ ဖွံ့ဖြိုးရေး အတွက် သုံးမည့် ကျပ်သိန်းတစ်ထောင် သုံးစွဲခွင့် ပါရှိသော ပြည်ထောင်စု လွှတ် တော်ဆိုင်ရာ ဥပဒေကို နိုဝင်ဘာ ၁၅ ရက်က ကျင်းပသည့် ပထမ အကြိမ် ပြည်ထောင်စု လွှတ်တော် အဋ္ဌမ ပုံမှန် အစည်းအဝေး နောက်ဆုံးရက်တွင် အ တည်ပြုခဲ့ပြီးနောက် တစ်ကြိမ် တစ်ခါမျှ မကြုံတွေ့ခဲ့ ဖူးသည့် ယင်း အခြေအနေ အတွက် စိတ်ဝင်စားစရာ ဖြစ်လာခဲ့ သည်။

ထိုဥပဒေတွင် ပြည်သူ့ လွှတ်တော် ကိုယ်စားလှယ်၊ အမျိုးသား လွှတ်တော် ကိုယ်စားလှယ်၊ တိုင်းဒေသကြီး လွှတ်တော် ကိုယ်စားလှယ် များသည် မိမိတို့ အား ရွေးချယ် တင်မြှောက် ခဲ့ကြသည့် မဲဆန္ဒရှင် ပြည်သူများ၏ လိုအပ်ချက် များကို ဖြည့်ဆည်း ဆောင်ရွက်ပေးနိုင်ရန် ပြည်ထောင်စု လွှတ်တော်သည် ဖွံ့ဖြိုးရေး ရန်ပုံငွေ ထိန်း သိမ်းခြင်းနှင့် သုံးစွဲ ခြင်း ဆိုင်ရာ လုပ်ထုံး လုပ်နည်းများကို ထုတ်ပြန်ခဲ့ပါသည်။

ငွေကျပ် သိန်းတစ်ထောင်သည် လွှတ်တော် ကိုယ်စားလှယ်များ အတွက် မဟုတ်ဘဲ ပြည်သူများ အတွက် ဖြစ်ပါသည်။ ငွေသုံးစွဲရာတွင် လွှတ်တော် ကိုယ် စားလှယ်များ သည် ကိုင်တွယ် သုံးစွဲမည် မဟုတ်ဘဲ နိုင်ငံတော် အစိုးရက တရားဝင် ဖွဲ့စည်းပေးထားသည့် စီမံခန့်ခွဲမှု ကော်မတီ၊ အထောက်အကူပြု ကော်မ တီနှင့် စည်ပင် သာယာရေး ကော်မတီ များက စီစဉ်သုံးစွဲရန် ဖြစ်ပါသည်။ ဆောင်ရွက်ပေးမည့် လုပ်ငန်း များသည် ပြည်သူ ကရွေးချယ် အဆိုပြုရန် ဖြစ်ပါ သည်ဟု ပါရှိလာခဲ့သည်။ ၂ဝ၁၃-၂ဝ၁၄ ဘဏ္ဍာငွေ ခွဲဝေ သုံးစွဲရေး ဥပဒေတွင် နိုင်ငံတော် သမ္မတ က လက်မှတ်ရေးထိုး ခွင့်ပြုခဲ့ပြီး ဖြစ်ပါသည်။ ယင်းငွေကျပ် သိန်းတစ်ထောင် သည် ပြည်ထောင် စု လွှတ်တော် ၏ ငွေစာရင်း ခေါင်းစဉ် အောက်တွင် ခွင့်ပြုထားသော ငွေဖြစ်သ ဖြင့် ညွှန်ကြားရေးမှူးချုပ် သည် ငွေစာ ရင်းစစ်ဆေး ခံရမည်ဖြစ်ရာ ပြည်ထောင် စု လွှတ်တော် ငွေစာရင်း ဌာနက အသေး စိတ် စိစစ်ပေးလျက် ရှိပါသည်။ ထို့အပြင် တိုင်းရင်းသားရေးရာ ဝန်ကြီး များကလည်း အကြံပြုပေးနိုင် ကြပါသည်ဟု သတ်မှတ် ထားပြီး ဖြစ်သည်။

သို့သော် …”ဒေသ ဖွံ့ဖြိုးရေးကို ဒီသိန်းတစ်ထောင်နဲ့ ဘယ်လိုမှ လုပ်လို့ မရဘူး”ဟု လှည်းကူး မြို့နယ်မှ ပြည်သူ့ လွှတ်တော် ကိုယ်စားလှယ် ဦးဖြိုးမင်း သိန်း က ပြော သည်။

 နိုင်ငံတော် အစိုးရ မှ တစ်နိုင်ငံလုံး အတွက် ဒေသ ဖွံ့ဖြိုးရေး ရန်ပုံငွေ ၃၃ ဘီလျံကို ယခု ဘတ်ဂျက်နှစ်ခု ဖြစ်သော ၂ဝ၁၃-၂ဝ၁၄ ဘဏ္ဍာငွေ ခွဲဝေ သုံးစွဲရေး ခေါင်း စဉ်အောက် တွင် ထည့်သွင်းရေးဆွဲ ခဲ့ခြင်း ဖြစ်သည့် အတွက် မြို့နယ် တစ်မြို့ နယ်လျှင် ကျပ်သိန်း တစ်ထောင်စီ သုံးစွဲ ခွင့် ရရှိခြင်းဖြစ်သည်။ ယင်းကို ၂ဝ၁၄ ခုနှစ် ဧပြီလ မတိုင်မီ သုံးစွဲရမည်ဖြစ် သည်။

လက်ရှိတွင် ဒေသ ဖွံ့ဖြိုးရေး ရန်ပုံ ငွေကို သုံးစွဲရန် ပြည်ထောင်စု ငွေစာရင်း ပူးပေါင်းကော်မတီက မြို့နယ် ၁ဝ မြို့ နယ် ကို ငွေလွှဲပို့ပြီးဖြစ်သည်။

သိန်း တစ်ထောင် ချထားပေးခြင်း ရည်ရွယ်ချက်မှာ ကိုယ်စားလှယ် များက ပြည်သူများနှင့် ထိတွေ့ ဆက်ဆံရာတွင် ပြည်သူများ ဘက်မှ တောင်းဆိုသော လုပ်ငန်းများ ကိုဖြေ ရှင်းပေးရန် ရည်ရွယ် လိုခြင်းဖြစ်ပြီး ယင်းကိစ္စနှင့် စပ်လျဉ်းပြီး ကိုယ်စားလှယ် များဘက်မှ အခွင့်အရေး ယူမှု များလည်း ဖြစ်ပေါ် လာနိုင်စရာ ရှိ ကြောင်း ကိုယ်တိုင် ပြည်သူ့ ကိုယ်စား လှယ် တစ်ဦးဖြစ်သူ ဦးဖြိုးမင်းသိန်း က ထောက်ပြပြောသည်။

”ပါတီမဲဆွယ် စည်းရုံးရေး အတွက် ဒီ သိန်းတစ်ထောင်ကို မသုံးမိဖို့ လိုတယ်” ဟု ၄င်းတို့ကိုယ်တိုင် သတိပြုရန် လိုအပ်သော အချက်ကို ဦးဖြိုးမင်းသိန်း က ထောက်ပြပြောခြင်း ဖြစ်သည်။

ယင်းကဲ့သို့ ကိစ္စရပ် မျိုးမှာ မြို့နယ် တစ်မြို့နယ်ရှိ ကိုယ်စားလှယ် လေးဦး စ လုံး ပါတီ တစ်ခုတည်းမှ ကိုယ်စားလှယ် များ ဖြစ်နေသည့် အရပ်များတွင် ဖြစ်ပွား လာနိုင် စရာ ရှိသည်ဟု ၄င်းက ဆိုသည်။

မြန်မာနိုင်ငံ၌ ပါတီစုံ ဒီမိုကရေစီ လမ်းစဉ် စတင်ကျင့် သုံးပြီး ရွေးကောက် ပွဲပြုလုပ်ခဲ့သည်။ ၂ဝ၁ဝ တွင် ပါတီ ၃၇ ခုနှင့် တစ်သီး ပုဂ္ဂလ ကိုယ်စားလှယ် ၈ဝ ကျော် ဝင်ရောက် ယှဉ်ပြိုင်ခဲ့သော်လည်း ပြည်ထောင်စု ကြံခိုင်ရေးနှင့် ဖွံ့ဖြိုးရေး ပါတီမှ တစ်နိုင်ငံ လုံးရှိ နေရာ အနှံ့အ ပြား၌ အနိုင်ရရှိခဲ့ပြီး ဒုတိယ မဲအများဆုံး အနေဖြင့် ရှမ်း တိုင်းရင်းသားများ ဒီမို ကရက်တစ် ပါတီမှ အနိုင်ရရှိခဲ့သည့် ၂ဝ၁၂ ကြားဖြတ် ရွေးကောက်ပွဲ၌မူ လစ် လပ် ၄၅ နေရာ၌ အမျိုးသား ဒီမိုကရေစီ အဖွဲ့ချုပ် မှ ၄၃ နေ ရာ၊ ပြည်ထောင် စုကြံ့ခိုင်ရေးနှင့် ဖွံ့ဖြိုးရေး ပါတီမှ တစ်နေ ရာနှင့် ရှမ်း တိုင်းရင်းသားများ ဒီမိုကရက် တစ်ပါတီ မှ တစ်နေရာ အနိုင် ရရှိခဲ့ခြင်း ဖြစ်သည်။

သို့ဖြစ်၍ မြို့နယ်တစ်ခုတွင် ပါတီ တစ်ခုစီမှ ကိုယ်စားလှယ်များ တစ်စု တစ်ဝေးတည်း တည်ရှိနေခြင်းမျိုး ဖြစ် ပေါ်နေခြင်းဖြစ်သည်။

ယင်းအတွက် ဒေသ ဖွံ့ဖြိုးရေး ရန် ပုံငွေကို ပါတီ အမည်ဖြင့် သုံးစွဲပါက ပြည်သူများ ဘက်မှ အထင်မြင်လွဲမှားမှု မျိုး ဖြစ်လာနိုင်သည်ဟု ဦးဖြိုးမင်းသိန်း က ဆိုသည်။

”နိုင်ငံတော်က ပေးပင်ပေးငြား သော်လည်း ပါတီနာမည်ခံ လိုက်ရင် ပြည်သူက ဒါငါတို့ကို သွေးဆောင်ဖြား ယောင်းတာလို့ ထင်သွားရင် မကောင်း တော့ဘူး”ဟု ၄င်းက ဆိုပါသည်။

ပါတီများ မဲဆွဲ စည်းရုံးရေး အတွက် မဖြစ်ရန် လိုအပ်သည်ဟု ဦးဖြိုးမင်းသိန်း ဆိုသည့်အပေါ် အမျိုးသား လွှတ်တော် ကိုယ်စားလှယ် ဒေါ်ခင်ဝိုင်းကြည်က လည်း ထောက် ခံပြောဆိုသည်။

”ပါတီစည်းရုံးရေး အတွက် ပေး တာ မဟုတ်ဘူး ဆိုတဲ့အပေါ် အန်တီက လည်း သဘောတူတယ်။ ပြည်သူတွေ အတွက်ပေးတာ။ ဒါကို စည်းရုံးရေး အတွက် သုံးလို့ မရ ဘူး။ လူဆိုတာ ခံယူ ချက်ချင်း ကွာတော့ ဘယ်သူ့ရင်ထဲမှာ ဘယ်လို ရှိနေမယ်ဆိုတာ ပြောလို့ မရ ဘူး”ဟု ၄င်းက ပြောသည်။

၎င်းအနေဖြင့် မြောက်ဥက္ကလာ၊ မြောက်ဒဂုံနှင့် ဒဂုံ အရှေ့မြို့နယ် ၃ မြို့ နယ်မှ အမျိုးသား လွှတ်တော်ကိုယ်စား လှယ် ဖြစ်သော်လည်း ဒေသ ဖွံ့ဖြိုးရေး အတွက် အဆိုပါ မြို့နယ် များမှ အစည်းအဝေး လုပ်ဆောင်ရာ တွင် မြောက်ဒဂုံ မြို့နယ်မှသာ ၄င်းထံဖိတ်ကြားမှု ရှိပြီး ကျန်မြို့နယ် များမှ ဖိတ်ကြားဆောင်ရွက် မှု မရှိဟု ဒေါ်ခင်ဝိုင်းကြည် က ဆိုသည်။

”အန်တီက အမျိုးသား လွှတ်တော် ကိုယ်စားလှယ် လည်းဖြစ်တော့ ကိုယ်စားလှယ် လေးဦးကော်မတီမှာ နာယက လုပ်ဖို့ ပြောလိုက်တယ်။ လုံးဝကို အစည်းအဝေး မခေါ်တော့ဘူး။ ဒီမှာ သံ သယ ဖြစ်စရာတွေ အစွန်းထွက်စရာတွေ မလုပ်ဖို့ လိုတယ်” ဟု သူက ပြောသည်။

အမှန်တကယ် အားဖြင့် ဒေသဖွံ့ ဖြိုးတိုးတက်ရေး ဆိုသည်မှာ ပြည်ထောင် စု အစိုးရနှင့် တိုင်းဒေသကြီး အစိုးရက လုပ်ဆောင် ရမည့် ကိစ္စဖြစ်ပြီး ကိုယ်စား လှယ် များမှ ဝင်ရောက် လုပ်ကိုင်ရမည့် ကိစ္စမျိုး မဟုတ်ဟု ထင်မြင်မိကြောင်း ပြည်သူ့ လွှတ်တော် ကိုယ်စားလှယ် ဦးဖြိုး မင်းသိန်း က ထပ်လောင်းပြောသည်။

”ဒေသ ဖွံ့ဖြိုးရေး တိုင်းပြည် ဖွံ့ဖြိုး ရေးဆိုတာ အုပ်ချုပ်ရေး အာဏာဘက်က ပဲ လုပ်သင့်တာပါ။ ကိုယ်စားလှယ်တွေ က ဆောင်ရွက်ရမယ့် ကိစ္စ မဟုတ်ပါဘူး။ ဒါပေမဲ့ အခုလို အသွင် ကူးပြောင်းရေး ကာလမှာ ကိုယ်စားလှယ်တွေ ကို ကိုယ့် မဲဆန္ဒနယ်တွေရဲ့ လိုအပ်တဲ့ အရာတွေကို သုံးဖို့ အသေးသုံးငွေပေး တာပါ။ ပြည်သူ့ ငွေ နဲ့ ပြည်သူ ကို စီမံခန့်ခွဲတဲ့ သဘောပါ” ဟု ၄င်းက ဆိုသည်။

အသေးသုံး ငွေဖြစ်သည့်အတွက် လမ်းသွယ်များ၊ တံတားငယ်များ၊ ရေ ကန်ငယ်များ ပြုလုပ်ခြင်း အတွက်သာ အသုံးပြုနိုင်မည်ဟု ကိုယ်စားလှယ် များ က ပြောသည်။

”လတ်တလော အခက်အခဲလေး တွေကို ဖြေရှင်းပေးတာပါ။ တစ်နိုင်ငံလုံး ပြဿနာတွေကို အာဏာ ရလာတဲ့ အစိုးရ ကပဲ လုပ်ရမှာပါ။ မလုပ်နိုင်ရင် အာဏာ ရလာတဲ့ အစိုးရ က ညံ့ဖျင်းလို့ပါ”ဟု ကိုယ်စားလှယ် ဦးဖြိုးမင်းသိန်း က ထပ် လောင်းပြောသည်။

ပြည်ထောင်စု လွှတ်တော် ဥပဒေကြမ်း ပူးပေါင်း ကော်မတီမှ အတွင်းရေး မှူး ဦးစောလှထွန်း က ငွေကျပ် သိန်းတစ်ထောင်မှာ ကိုယ်စားလှယ်များ ကိုင် တွယ်သုံးစွဲရမည် မဟုတ်ဘဲ အစိုးရမှ တရားဝင် ဖွဲ့စည်းပေးထားသည့် စီမံခန့်ခွဲမှု ကော်မတီ၊ အထောက်အကူပြု ကော်မတီနှင့် စည်ပင်သာယာရေး ကော်မတီ များက စီစဉ်သုံးစွဲ ရမည်ဖြစ် သည်ဟု ပြောသည်။

လူမှု ဖွံ့ဖြိုးရေး လုပ်ငန်းများကို ဆောင်ရွက်နေသည့် ဒေါက်တာ ကျော် သူ (ပေါင်းကူး)က ကိုယ်စားလှယ် များ အား ကျပ်သိန်း တစ်ထောင် ချထားပေး ခြင်းနှင့် ပတ်သက် ၍ အုပ်ချုပ်ရေးပိုင်း တစ်ခုတည်းမှ ကိုင်တွယ် သုံးစွဲခြင်းထက် ပြည်သူများ သဘောထား ပါဝင်မည့် ကိုယ်စားလှယ် များကပါ စီမံ သုံးစွဲပါက ကောင်းမွန် သည်ဟု ရှုမြင်နိုင်ကြောင်း ပြောသည်။

သို့သော် ကျပ် သိန်းတစ်ထောင် တွင် လုပ်ငန်း တစ်ခု အတွက် သိန်း ၅ဝ သာ သုံးခွင့်ရှိပြီး မြို့နယ် တစ်ခုတွင် သုံးစွဲ ခွင့်ရမည့် လုပ်ငန်း ၂ဝ ထက် လိုအပ်မှု ပိုမို ရှိနိုင်သည့် အတွက် ကိုယ်စားလှယ် များမှ ပြည်သူ များနှင့် ညှိနှိုင်းကာ အရေးကြီး လုပ်ငန်းများ ဦးစားပေးသုံး ရန် စီမံခန့်ခွဲမှု ကျွမ်းကျင်ရန် လိုအပ် သည်ဟု ၄င်းက ဆိုသည်။

ရန်ကုန် တိုင်းဒေသကြီး တစ်သီး ပုဂ္ဂလ လွှတ်တော်ကိုယ်စားလှယ် ဒေါက်တာညိုညိုသင်း ကမူ ဒေသ ဖွံ့ဖြိုးရေး အတွက် အသုံးစရိတ် အား ပါတီအမည် ခံ သုံးစွဲရေး မဖြစ်စေရန်မှာ မြို့နယ် ဖွံ့ဖြိုး တိုးတက်ရေး ကော်မတီနှင့် ကိုယ်စားလှယ် များ ပူးပေါင်း ဆောင်ရွက်ရမည့် အချက် ဖြစ်ပြီး သုံးစွဲရာတွင် ပြည်သူ့ ဆန္ဒကို ဦး တည်ကာ အဖြစ်သင့်ဆုံး အရာများကို ရွေးချယ်ဆောင်ရွက် ရမည်ဟု ပြောသည်။

အဆိုပါ ဒေသ ဖွံ့ဖြိုးရေး ရန်ပုံငွေ သုံးစွဲခြင်းကိုမူ သမ္မတက လက်မှတ်ရေး ထိုးခြင်း မရှိဘဲ လွှတ်တော်သို့ သဘော ထားမှတ်ချက်သာ ပေးပို့ထားသည်။

ယင်းမှာ ငွေကျပ် သိန်းတစ်ထောင် သုံးစွဲရေးတွင် ပြည်ထောင်စု စာရင်းစစ် ချုပ်၏ တိုက်ရိုက် စစ်ဆေးခွင့်၊ တိုင်းရင်းသားရေးရာ ဝန်ကြီးနှင့် ကိုယ်ပိုင် အုပ် ချုပ်ခွင့် ရ ဒေသ မှ ခေါင်းဆောင်များကို ထည့်သွင်းလုပ်ကိုင်ဆောင်ရွက်ရန် ဖြစ် သည်။

သမ္မတ၏ သဘောထား မှတ်ချက် နှင့် စပ်လျဉ်း၍ ပြည်ထောင်စု ဥပဒေ ကြမ်း ပူးပေါင်း ကော်မတီက လွှတ်တော် ၏ ငွေစာရင်းကို အချိန်မရွေး အစစ်ခံနိုင် သည် ဟု ပြောသည်။

 ပြည်ထောင်စု လွှတ်တော် ကလည်း ဒေသဖွံ့ဖြိုးရေး ရန်ပုံငွေ သုံးစွဲခြင်းနှင့် စပ်လျဉ်းသော စာရင်းဇယားနှင့် ဥပဒေ များကို ကိုယ်စားလှယ် များနှင့် ညှိနှိုင်း ကာ ပြန် လည်ပေးပို့ သွားမည်ဟု သိရ သည်။

ဝေမာထွန်း
Popular Myanmar News Journal