ခရိုနီများနှင့်ပြတ်သားစွာလမ်းခွဲလိုက်ပါတော့သမ္မတကြီး

ပို့စ်တင်ချိန် - 12/02/2013 10:03:00 AM

မြန်မာနိုင်ငံမှာရှိနေတဲ့ ခရိုနီတွေနဲ့ ခေတ်မီတိုးတက်တဲ့
ဒီမိုကရေစီနိုင်ငံတော်ကို မတည်ဆောက်နိုင်ပါ။
သမ္မတကြီးခင်ဗျာ
မြန်မာပြည်သမိုင်းရဲ့ အကွေ့အချိုးသမိုင်းညီအစ်ကို မသိတသိ အချိန်ကာလကြီးမှာသမ္မတလုပ်နေရတဲ့သမ္မကြီးရဲ့အခက်အခဲတွေကြိုးပမ်းမှု တွေ၊စိတ်ရှုပ်စရာတွေဒုနဲ့ဒေးရှိနေတယ်ဆိုတာကျွန်တော်သတိပြုမိပါတယ်။
မြန်မာပြည်သမိုင်းရဲ့အခက်အခဲဆုံးကာလမှာ သမ္မတလုပ်နေရတာ။ ကားအို၊ကားဟောင်းကြီးကို တက်မောင်းနေရတဲ့ယာဉ်မောင်းဘ၀၊သင်္ဘော ပျက်ကြီးကို ကပ္ပတိန်လုပ်နေရတဲ့ဘ၀နဲ့ တူနေပါတယ်။
ပြည်တွင်းငြိမ်းချမ်းရေးပြဿနာ၊လယ်ယာမြေအသိမ်းခံရတဲ့ပြဿနာ တွေ၊ အာဏာရှင်ဟောင်းအုပ်စုတွေရဲ့ သားသမီးမြေး မြစ်တွေရဲ့ပြဿနာ၊ ဘာသာရေးပဋိပက္ခတွေနဲ့နိုင်ငံတကာဖိအားပေးမှုတွေကတမှောင့်။ ဖွဲ့စည်း ပုံအခြေခံဥပဒေပြင်ဆင်ရေးနဲ့အသစ်ရေးဆွဲရေးကိစ္စကလည်းထိပ်ဆုံးရောက် နေပြီဖြစ်လို့ မြန်မာပြည်ဟာ ကမ္ဘာမှာစိတ်ဝင်စားမှု အခံရဆုံးနိုင်ငံတစ်ခုဖြစ် လို့နေပါတယ်။
ဒီကနေ့ခေတ်သစ်တစ်ခုဆီသို့ ၀င်ရောက်တဲ့တံခါးကို ဖွင့်ပေးခဲ့တာ။ ပွင့်ထွက်သွားစေခဲ့တာကသမ္မတကြီးနဲ့ဒေါ်အောင်ဆန်းစုကြည်ပါ။ တံခါး ပွင့်သွားအောင်နှစ်ပေါင်းများစွာအနစ်နာခံကြိုးပမ်းသူက ဒေါ်အောင်ဆန်း စုကြည်ဖြစ်ပြီး ဒီတံခါးကိုဖွင့်ရမယ်ဖွင့်ကို ဖွင့်ရမယ်ဆိုပြီး သော့ခလောက်ကို သော့တံနှင့်လှည့်ပြီး ရဲရဲဝံ့ဝံ့ဖွင့်ပေးခဲ့တာသမ္မတကြီးပါ။
သမ္မတကြီးနဲ့ဒေါ်အောင်ဆန်းစုကြည်ဖွင့်ပေးခဲ့တဲ့ခေတ်ပြောင်းစနစ် ပြောင်း တံခါးကြီးပွင့်လာတော့မှ ဖျာဝင်ခင်းကြတဲ့သူတွေက ဒုနဲ့ဒေးပါ။ တချို့ဆို ခင်းဖို့ဖျာတောင်မပါလာလို့ နီးစပ်တဲ့သူဆီက ဖျာခင်းတာနဲ့ဖျာကို အတင်းလုပြီးသူများဖျာနဲ့ကိုယ့်အတွက်နေရာယူဖျာခင်းကြသူတွေလည်းတော် တော်များနေပါတယ်။
မြန်မာပြည်အခြေအနေဟာအတော့်ကို ရှုပ်ထွေးနေပါတယ်။ မြန်မာ ပြည်ရဲ့တံခါးဖွင့်မူဝါဒနဲ့တရုတ်ပြည်နဲ့ဗီယက်နမ်တွေရဲ့တံခါးဖွင့်မူဝါဒတွေက တော်တော့်ကို ကွဲပြားပါတယ်။
တရုတ်ပြည်တံခါးဖွင့်ခဲ့တဲ့ ခေါင်းဆောင်ကတိန့်ရှောင်ဖိန်ပါ။ သူဟာ တရုတ်ပြည်သူ့လွတ်မြောက်ရေးတပ်မတော်ရဲ့ဗဟိုစစ်ကော်မရှင်ရဲ့ဥက္ကဋ္ဌရာထူး ကို ရယူထားခဲ့တဲ့သူပါ။ တရုတ်တိန့်ရှောင်ဖိန်က တရုတ်ပြည်ရဲ့တံခါးကိုဖွင့် ပေးခဲ့တဲ့ ၁၉၇၈-၇၉ ကာလတွေမှာတရုတ်ပြည်ကြီးတစ်ခုလုံးမှာ ပြည်တွင်း စစ်လုံးဝချုပ်ငြိမ်းနေပါပြီ။ တရုတ်ပြည်မှာတော်လှန်ရေးတပ်ဖွဲ့တွေ၊ သီးခြား အုပ်ချုပ်ခွင့်ပြုထားတဲ့စစ်ဒေသတွေမရှိတော့ပါဘူး။ ပြိုင်ဘက်ကူမင်တန် အစိုးရကတစ်ခုထဲကပဲထိုင်ဝမ်ကိုဆုတ်ခွာပြီးတရုတ်အမျိုးသားနိုင်ငံထူထောင် ထားခဲ့တဲ့ ပြဿနာတစ်ခုထဲပဲရှိပါတယ်။ ပြီးတော့ တိန့်ရှောင်ဖိန်တို့စနစ်က ကွန်မြူနစ်ပါတီ၊ ကွန်မြူနစ်ဝါဒကဦးဆောင်တဲ့အရင်းရှင်းစီးပွားရေးစနစ်ပါ။
သမ္မတကြီးယနေ့ရင်ဆိုင်နေရတာကစတုရန်းမိုင်ပေါင်းနှစ်သိန်းခြောက် သောင်းသာရှိတဲ့ဒေသတစ်ခုထဲမှာတိုင်းရင်းသားလက်နက်ကိုင်တပ်မတော် အင်အား စုပေါင်းများစွာလက်နက်တွေကိုင်စွဲပြီး ကိုယ့်ဒေသကိုယ်အုပ် ချုပ်နေကြရတဲ့အခြေအနေတွေပါ။ ဒါ့အပြင် မြန်မာပြည်ရဲ့အချို့သော တိုင်းရင်းသားဒေသတွေထဲမှာတပ် မတော်နဲ့တိုင်းရင်းသားတပ်ဖွဲ့တွေ မလွဲ မရှောင်သာဘဲတိုက်ပွဲကြီးငယ်တွေမကြာခဏဆက်လက် ဖြစ်ပွားနေတာ ယနေ့တိုင်ကြုံတွေ့နေရဆဲအခြေအနေပါ။
တဖန် ၁၉၈၈က ၂၀၁၀အထိ အကြင်းမဲ့အာဏာရှင်စနစ်နဲ့အုပ်ချုပ်ခဲ့ တဲ့အာဏာရှင်ဟောင်းက လည်း သူ့အရပ်၊သူ့ဇာတ်နဲ့ သူတပ်နဲ့၊ သူ့အုပ်စုနဲ့ သူ့သြဇာနဲ့စံမြန်းနေတဲ့အခြေအနေပါ။ ဆင်ပိန်သွား ပေမဲ့ ကျွဲလောက် တော့အသာလေးရှိနေသေးတဲ့အနေအထားပါ။
သမ္မတကြီးရွေ့နေရတဲ့ခြေလှမ်းတွေကခြေတစ်လှမ်းကိုကုဋေတစ်သန်း နဲ့သတိထားပြီးရွေ့နေရတာပါ။ တစ်ဖက်ကလည်းသမ္မတရုံးနဲ့ လွှတ်တော် များကြားမှာ တစ်ခါတရံမတင်မကျ ပွတ်တိုက်မှုတွေက ဖြစ်ပေါ်လာတတ် တာကြတာမို့ သမ္မတကြီးရဲ့ပြုပြင်ပြောင်းလဲရေးမဟာဗျူဟာဟာ ထင်တိုင်း မပေါက်ဘူးဖြစ်နေတယ်လို့ယူဆပါတယ်။ သမ္မတကြီးမှာ တိုင်းပြည်နဲ့လူမျိုး အပေါ် ကောင်းစေချင်တဲ့၊အဆင်ပြေစေချင်တဲ့ စေတနာတွေကို အထင် အရှားမြင်တွေ့နေရပါတယ်။ ဒါပေမဲ့သမ္မတကြီးရဲ့အစိုးရယန္တရားနဲ့ အုပ်ချုပ် ရေးယန္တရားကကားပျက်ကြီး၊သင်္ဘောပျက်ကြီးတစ်စင်းနဲ့ပဲတူနေတုန်းပါပဲ။ သမ္မတကြီးရဲ့အစိုးရအဖွဲ့ထဲမှာ သမ္မတကြီးဖြစ်စေချင်တဲ့၊ မြင်စေချင်တဲ့ မြန်မာပြည်အတွက် ပြောင်းလဲပြုပြင်ရန်ဆန္ဒရှိနေတဲ့သူတွေပါနေသလိုဆန္ဒ မရှိသူတဲ့သူတွေ၊ ဆန္ဒရှိဟန် ဟန်ဆောင်ထားသူတွေလည်း အများအပြား ပါဝင်နေပါတယ်။ သမ္မတကြီးမှာဟင်နရီကစ်ဆင်းဂျာလိုနိုင်ငံခြားရေးလမ်း စဉ်ပိုင်နိုင်ကျွမ်းကျင်သူတွေ၊မိုးရှေဒါယန်းလိုဗိုလ်ချုပ်ကြီးတွေ၊အိန္ဒိယ၀န်ကြီး ချုပ်မာန်မိုဟန်ဆင်းလို့ထက်မြက်ဖြောင့်မတ်တဲ့ဝန်ကြီးချုပ်တွေ၊ စင်ကာပူမှ ဂိုဂျုပ်တောင်လိုအရည်အချင်းပြည့်ဝတဲ့ခေါင်းဆောင်တွေလိုမျိုး လိုအပ်နေ ပါတယ်။ ချူအင်လိုင်းလိုလူတော်တွေရှိခဲ့လို့မော်စီတုန်းဟာ မဟာခေါင်း ဆောင်ဖြစ်ခဲ့ရသလို တိန့်ရှောင်ဖိန်လိုလူတွေရှိခဲ့လို့လည်း တရုတ်ပြည် ခေတ်မီတိုးတက်ခဲ့ရတာပါ။
မြန်မာပြည်ထဲက ခရိုနီတွေနဲ့ ဒီမိုကရေစီနိုင်ငံနဲ့ ခေတ်မီကြယ်ဝတဲ့ မြန်မာပြည်ကို တည်ဆောက်၍မရနိုင်ပါ။
တောင်ကိုရီးယားစစ်ဗိုလ်ချုပ်ကြီးပတ်ချုံဟီးက စစ်တပ်ကအာဏာရ လာတဲ့သူဖြစ်လို့သမ္မတကြီးနဲ့အနည်းငယ်ဆင်တူပါတယ်။ဒါပေမယ့် ပတ်ချုံ ဟီးတို့တောင်ကိုရီးယားမှာ ခရိုနီမရှိခဲ့ပါ။
ခရိုနီဆိုတာဒေါ်လာသိန်းတစ်ထောင်တန်တဲ့လူထုဥစ္စာဓနရပိုင်ခွင့်တွေ ကို မြန်မာငွေတစ်ကျပ်ပေးပြီး မတော်တရားအခွင့်အရေးယူပြီး ချမ်းသာ ကြယ်ဝလာသူတွေလို့ကျွန်တော်အဓိပ္ပာယ်ဖွင့်ဆိုပါတယ်။ ခရိုနီစနစ်ကြောင့် လူထုကငရဲပြည်အထိအ၀ီစိအထိသက်ဆင်းသွား ကာ ဆင်းရဲတွင်းနက်ခဲ့ရပြီး မြန်မာခရိုနီတွေကနတ်ပြည်တာဝတိံသာအထိ မြင့်တက်သွားခဲ့ရပါတယ်။ တောင်ကိုရီးယားက တိုင်းရင်းသားလုပ်ငန်းရှင် ဒေ၀ူးတို့၊ ဟွန်ဒိုင်းတို့ ဆမ်ဆောင်းတို့ကိုထူထောင်ခဲ့တဲ့သူတွေနဲ့တောင်ကိုရီး ယားတိုင်းရင်းသားလုပ်ငန်းရှင်တွေက သူတို့ရဲ့ဒေ၀ူး၊ဟွန်ဒိုင်း၊ဆမ်ဆောင်းစ တဲ့ ကုမ္ပဏီတွေရဲ့ဘ၀နဲ့ ကိုရီးယား ပြည်သူတွေရဲ့ဘ၀ကို တသားတည်း ဆက်စပ်ထားပါတယ်။ ဆမ်ဆောင်း၊ ဒေ၀ူးနဲ့ဟွန်ဒိုင်းတို့ဟာ ကိုရီးယား သမ္မတနိုင်ငံနဲ့ကိုရီးယား ပြည်သူတွေရဲ့ ဂုဏ်ထူးဆောင်အမှတ်တံဆိပ်တွေ ဖြစ်လာပါတယ် ။ကိုရီးယားပြည်သူတွေက ထောက်ခံမှုအပြည့်အ၀ရခဲ့ပြီး ကိုရီးယားနိုင်ငံကို ခေတ်မီတိုးတက်တဲ့နိုင်ငံအဖြစ်ဆွဲတင်နိုင်ခဲ့ပြီး ကမ္ဘာမှာ ကိုရီးယားရယ်လုိ့လက်မထောင်နိုင်အောင်ဦးဆောင်နိုင်တဲ့ကုမ္ပဏီကြီးတွေ ဖြစ်လာခဲ့ပါတယ်။
မြန်မာပြည်ရဲ့ ခရိုနီတွေကတော့ ကမ္ဘာ့အဆင်းရဲဆုံးနိုင်ငံထဲမှာတထီး တနန်းနဲ့သီးခြားစံမြန်းနေကြတဲ့နတ်ဒေ၀ါတွေလိုဖြစ်နေပါတယ်။ ငရဲပြည် ထဲကပြည်သူတွေရဲ့ခေါင်းတွေပေါ်တက်နင်းထားပြီးမှနတ်စည်းစိမ်ခံစားနေ ကြတဲ့အခွင့်ထူးခံလူတစ်စုပါ။
ကိုရီးယားနဲ့မြန်မာအလွန်ကွာခြားပါတယ်။ ဒီအခြေအနေတွေကို သမ္မတကြီးက ကျွန်တော်ထက်ပိုသိပါတယ်။ မြန်မာပြည်က ယနေ့ခရိုနီ၈၀ ရာခိုင်နှုန်းဟာ သမ္မတကြီးအပါအ၀င် မြန်မာခေါင်းဆောင်တွေနဲ့ရင်းနှီး ကျွမ်းဝင်သူတွေဖြစ်နေကြပါတယ်။
ဒီကနေ့အချိန်အခါမှာတော့ဒီခရိုနီတွေကိုသမ္မတကြီးလက်ပြနှုတ်ဆက် လာပြီး လမ်းခွဲသင့်တဲ့ အချိန်ကျရောက်နေပါပြီ။
သမ္မတကြီးအနေဖြင့် ခရိုနီများနှင့် လမ်းခွဲဖို့ ညောင်ညိုပင်စခန်းကို ရောက်နေပါပြီ။
သမ္မတကြီးခရီးသွားရင်လေယာဉ်ပျံပေါ်မှာ သမ္မတကြီးရဲ့ အနောက် မှာ အရိပ်ပမာမခွဲမခွာတကောက်ကောက်လိုက်နေတတ်တှဲု့ပ နြအ ရွှေသံလွင်ဦးကျော်ဝင်း၊ ဃဘြဏ်ပိုင်ရှင်ဦးခင်မောင်အေးတို့ကို အမြဲတမ်း လိုလိုတွေ့နေရပါတယ်။သမ္မတကြီးသွားတဲ့ပြည်တွင်းခရီးစဉ်တွေမှာပြည်သူ လူထုထံလှူဒါန်းပွဲတွေမှာခရိုကြီးတွေဟာမစို့မပို့အလှူဒါနနဲ့သမ္မတကြီးရှေ့မှာ လှူဒါန်းပွဲကြီးတွေလုပ်နေတာဟာ သမ္မတကြီးရဲ့စွမ်းဆောင်ရည်နဲ့ပုံရိပ်ကို ထိခိုက်စေပါတယ်။ တကယ်ဆို သဘာဝဘေးဒုက္ခကျရောက်လာမယ့် အခြေအနေတွေကိုနိုင်ငံတော်ဘတ်ဂျက်နဲ့အရေးပေါ်ရန်ပုံငွေသီးသန့်ပြင် ဆင်ထားသင့်ပါတယ်။ ၎င်းင်း နိုင်ငံတော် အထူးရန်ပုံငွေထားရှိပြီး ထိုငွေထဲမှ ထုတ်နုတ်ပြီးအဓိကသုံးစွဲသင့်ပါတယ်။ ဒါမှမဟုတ်ဘဲခရိုနီသူဌေးတွေရဲ့ အလှူဒါနငွေကြေးနဲ့ကူညီသည့်အခါတစ်သိန်းလှူပြီး သိန်းတစ်ထောင် အခွင့်အရေး ပြန်ယူခဲ့တာတွေဒုနဲ့ဒေးပါ။
ဒါကြောင့် ဒီကနေ့ ၂၀၁၅ မတိုင်မီ သမ္မတကြီးရဲ့သမိုင်းမှာ အပြောင် မြောက်ဆုံးလူထုအတွက်လုပ်ပေးခဲ့စေချင်တာကတော့သမ္မတကြီးရဲ့အာဏာ ကိုအသုံးပြု၍ ခရိုနီတွေကိုရှင်းလင်းရေးနဲ့သမ္မတကြီးရဲ့အရိပ်အာဏာထဲမှာ ခိုလှုံနေတဲ့အချောင်သမား၊အခွင့်အရေးသမားဥစစသမအကညငျအ ကက်ဘိနက် အဖွဲ့ဝင်တွေကို သန့်ရှင်းရေးလုပ်သင့်ပါပြီ။
တစ်ခါတစ်ရံမှာသမ္မတကြီးရဲ့အနားမှာမရှိပေမယ့်သမ္မတကြီးရဲ့လမ်းစဉ် ကို အကောင်အထည် ဖော်နိုင်သူဟာ အခြားတစ်ဖက်မှာလည်း ရှိနေတတ် ပါတယ်။ ကစ်ဆင်းဂျာဟာ သမ္မတနစ်ဆင်နဲ့ ရီပတ်ပလီကန်ပါတီကမဟုတ် ပါဘူး။ ပြိုင်ဖက်ဒီမိုကရက်တစ်ပါတီရဲ့ သမ္မတလောင်းရော့ ကီဖဲလားရဲ့ အဓိကညာလက်ရုံးပါ။
ဒါပေမဲ့ သမိုင်းကတောင်းဆိုတော့ နစ်ဆင်အတွက် ညာလက်ရုံးဟာ ကစ်ဆင်းဂျာဖြစ်လာခဲ့ရပါတယ်။
သမ္မတကြီးခင်ဗျာ နှစ်ဖက်စလုံးမှာ လူကောင်းတွေရှိသလို လူဆိုး လူညစ်၊ လူလိမ်လူညာတွေလည်း ရှိနေပါတယ်။
သမ္မတကြီးအမြန်ဆုံးစဉ်းစားပြီး အကောင်းမွန်ဆုံး ဆုံးဖြတ်ချက်များ ချမှတ်နိုင်ပါစေ။
မြန်ပြေငြိမ်းချမ်း

 သူရိယနေဝန်း