ရှေးဟောင်းစေတီ ထီးတော်အောက်မှ ရေထွက်သည်ဆိုကာ ဖူးမြော်သူ၊ ရေယူသူများစည်ကား

ပို့စ်တင်ချိန် - 12/06/2013 02:13:00 PM

ကြို့ပင်ကောက်မြို့နယ်အတွင်းရှိ ရှေးဟောင်းစေတီတစ်ဆူတွင် ရွှေသင်္ကန်းကပ်လှူရန် ပြင်ဆင်နေစဉ် ထီးတော်အောက်ဘက်မှ နှစ်ရက်တိုင် ရေများ အလိုအလျောက် ပန်းထွက်နေသောကြောင့် အနီးပတ်ဝန်းကျင်ရှိ ဒေသများမှ လူဦးရေငါးရာခန့် လာရောက်ဖူးမြော်ကာ ယင်းရေများကို ရေမန်းအဖြစ် သယ်ဆောင်နေကြကြောင်း အဆိုပါဒေသမှ ဒေသခံများကပြောသည်။

ဒီဇင်ဘာ ၄ ရက် နံနက်က ဘုရားအား ရွှေသင်္ကန်းကပ်လှူရန် ရောင်တော်ဖွင့်ရာမှ ထီးတော်အောက်ဘက်တွင် လက်မ၀က်ခန့် အပေါက်ပေါက်ကာ ရေများထွက်လာခြင်းဖြစ်ပြီး ဒီဇင်ဘာ ၅ ရက် အထိ ရေများ ဆက်လက်ပန်းထွက်လျက်ရှိကြောင်း သတင်းရရှိသည်။
““ဘာကြောင့် အခုလို ရေတွေထွက်နေတာလဲဆိုတာ ဘုန်းကြီးတို့မသိပါဘူး။ ဟိုအရင်ကလည်း မဖြစ်ဖူးပါဘူး။ ဖြစ်စဉ်ကို လာလေ့လာတဲ့သူတွေကတော့ များတယ်””ဟု ယင်းစေတီတော်တည်ထားသည့်ကျောင်းမှ ဆရာတော် ဦးသုမနကမိန့်ကြားသည်။

အနီးပတ်ဝန်းကျင်ရှိ ကျေးရွာများမှ စိတ်ဝင်စားသူများ လာရောက်ဖူးမြော်ခဲ့ကြသလို ဒီဇင်ဘာ ၅ ရက်တွင်မူ အနီးပတ်ဝန်းကျင်ရှိ မြို့နယ်များမှပါ လာရောက်ဖူးမြော်ခဲ့ကြကာ ပန်းထွက်နေသည့်ရေများကို ရေမန်းအဖြစ် သယ်ဆောင်သွားကြကြောင်း ယင်းဒေသမှ ဒေသခံတစ်ဦးက ပြောသည်။
““ရဲတပ်ဖွဲ့ဝင်တွေက ရေတွေကို ရေဘူးနဲ့ခံပေးတယ်။ တစ်ဘူးကို နှစ်မိနစ်လောက်တော့ စောင့်ရတယ်။ ဘုရားဖူးတွေကတော့ အခုအချိန်အထိ လူတစ်ရာ့ငါးဆယ်လောက် ရှိတုန်းပဲ””ဟု ယင်းဒေသမှ ဒေသခံတစ်ဦးက ဒီဇင်ဘာ ၅ ရက်ညတွင် ပြောသည်။

စေတီတော်သည် ဉာဏ်တော်အမြင့် ၂၇ တောင်ခန့် မြင့်ပြီး ဉာဏ်တော်အတောင် ၂၀ ခန့် နေရာစေတီတော်၏ ထီးတော်အောက်ဘက် ဖောင်းရစ်အနီးရှိ လက်မ၀က်ခန့်အပေါက်မှ ရေများပန်းထွက်နေခြင်းဖြစ်ကြောင်း ကျောင်းထိုင်ဆရာတော်က မိန့်ကြားသည်။

ဒီဇင်ဘာလ၅ ရက် နံနက်ကလည်း ကြို့ပင်ကောက်မြို့ နယ်မှ သက်ဆိုင်ရာတာဝန်ရှိသူများ လာရောက်ဖူးမြော်ခဲ့ကာ ယင်းကိစ္စနှင့်ပတ်သက်၍မူ မှတ်ချက်တစ်စုံတစ်ရာ မပြောကြားခဲ့ကြောင်း ဒေသခံတစ်ဦးကပြောသည်။

မြေလွှာထုအောက်တွင်ရှိသော ရေကြောနှင့် ဆက်စပ်နေသည့် ကျောက်လွှာများ အက်ကွဲရာလမ်းအတိုင်း ရေစိမ့်တတ်သောသဘာဝရှိပြီး စေတီပုထိုးများနှင့်ပတ်သက်၍ ဖြစ်လေ့ရှိသော သဘာဝလွန်ဖြစ်ရပ်ဆန်းများကိုမူ မှတ်ချက်မပေးလိုကြောင်း ဘူမိဗေဒပညာရှင် ဦးကျော်ထွန်းကပြောသည်။

7 Day Daily