ပွေးအနာအတွက် လွယ်ကူသက်သာ အိမ်တွင်းကုထုံးများ

ပို့စ်တင်ချိန် - 12/02/2013 06:34:00 PM

ပွေး (ringworm) ကြောင့်ဖြစ်ရတဲ့ အနာဟာ မှိုပိုးဝင်ခြင်းတစ်မျိုးပဲ ဖြစ်ပြီး ဆေးပညာအခေါ်အရ Dermatophytosis  လို့ခေါ်ဆိုပါတယ်။ ringworm  လို့ခေါ်ရတာကတော့ ဖြစ်စေတဲ့ ပိုးကောင်ရဲ့ပုံသဏ္ဌာန်ဟာ လက်စွပ်သို့မဟုတ် အ၀ိုင်းပုံစံရှိလို့ ပါပဲ။ ဒီရောဂါဟာ အိမ်မွေး တိရစ္ဆာန် တွေဖြစ်တဲ့ ခွေး၊ ကြောင်တွေကနေ တစ်ဆင့် ကူးစက်ပြီး ကလေးငယ်တွေမှာ ပိုအဖြစ်များပါတယ်။
-ပွေးနာဖြစ်ပွားရခြင်းအကြောင်း
-အရေပြားကုတ်ရာ၊ ခြစ်ရာ၊ ပြတ်ရှဒဏ်ရာများမှတစ်ဆင့် ကူးစက်ခြင်း
-စွတ်စိုထိုင်းမှိုင်းပြီး သန့်ရှင်းမှု အားနည်းသော နေရာများမှာ နေထိုင်ရခြင်း
-အ၀တ်အစားများကို မလျှော်ဖွတ်ဘဲ ၀တ်ဆင်ခြင်း
-ခေါင်းဘီးများကို တစ်ဦးနှင့် တစ်ဦး မျှဝေသုံးစွဲခြင်း
-ရေကူးကန်၊ အိမ်မွေးတိရစ္ဆာန်များမှ ကူးစက်ခြင်း တွေပဲဖြစ်ပါတယ်။
အိမ်တွင်းကုထုံးများ
- ပွေးကွက်အပေါ်ကို လတ်ဆတ်တဲ့ သင်္ဘောသီးစိတ်ငယ်များကို ပုံပေးပါ
- မုန်ညင်းစေ့ကို အမှုန့်ပြုလုပ်ပါ။ ထို့နောက် ရေအနည်းငယ်ရောပြီး အနည်းငယ်ပျစ်ချွဲအောင် လုပ်ပေးပါ။ ပွေးကွက်ပေါ်မှာအုံပေးရင် ပွေးကွက် များလျော့ပါးသက်သာနိုင်ပါတယ်။
- ကြက်သွန်ဖြူဟာ မှိုပိုးကိုနိုင်တဲ့ ဟင်းချက်စရာတစ်မျိုးပါ။ ပွေးကိုလည်း နှိမ်နင်းနိုင်တဲ့အတွက် ကျိတ်ချေထားတဲ့ကြက်သွန်ဖြူကို ပွေးကူး စက်နေတဲ့ နေရာပေါ်မှာ လိမ်းကျံပေးရင် ပွေးများပျောက်ကင်းနိုင်ပါတယ်။
- ဗီနီဂါနဲ့ဆားကို ရောစပ်ပြီး ပွေးကွက်ပေါ်ကို လိမ်းကျံပေးပါ။ ငါးမိနစ်လောက်ထားပေးပြီး ရေနဲ့ သန့်စင်အောင် ဆေးကျောပေးပါ။
နေ့စဉ်လုပ်ပေးရင် ပွေးနာများ အနာကျက်မြန်တယ်ဆိုတာ တွေ့ရှိရပါတယ်။
- လာဗင်ဒါအဆီ (lavendar oil)မှာ မှိုပိုးကိုနိုင်တဲ့ အစွမ်းထက် အာနိသင်ရှိပါတယ်။ ပွေးအနာပေါ် မှာလာဗင်ဒါအဆီကို နေ့စဉ်လိမ်းပေး ရင်ပွေးပွားတာကို မလျော့စေနိုင်ပေမယ့်ပိုးတွေကိုတော့ သေစေနိုင်ပါတယ်။
- လက်ဖက်ဆီလည်း ပွေးကိုနိုင်နင်းတဲ့ အဆီတစ်မျိုးပါ။ လက်ဖက်စေ့ဆီ အနည်းငယ်ကိုသန့်စင်တဲ့ ဂွမ်းစနဲ့ စွတ်ပြီးပွေးကွက်ပေါ် တစ်နေ့ သုံးကြိမ်လိမ်းပေးမယ်ဆိုရင် ရက်အနည်းငယ်အတွင်းမှာ ပွေးနာတွေ လျော့ပါးသက်သာ သွားနိုင်ပါတယ်။
သက်ကို
ref;medindia

Health Updates Journal