ပဋိပက္ခများက လိင်ပိုင်းဆိုင်ရာ အကြမ်းဖက်မှုများကို ပိုမိုဖြစ်စေဟု ဒေါ်အောင်ဆန်းစုကြည် သုံးသပ်

ပို့စ်တင်ချိန် - 12/07/2013 03:50:00 PM

ဒေါ်အောင်ဆန်းစုကြည် ရန်ကုန်မြို့ ချက်ထရီယမ် ဟိုတယ်၌ မီဒီယာများနှင့် ဒီဇင်ဘာ ၆ ရက်က တွေ့ဆုံစဉ်

ပဋိပက္ခ ဖြစ်စဉ်များက လိင်ပိုင်းဆိုင်ရာ အကြမ်းဖက် မှုများကို ပိုမိုဖြစ်စေသည်ဟု အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ဒီဇင်ဘာ ၆ ရက်တွင် ရန်ကုန်မြို့၊ ချက်ထရီယမ် ဟိုတယ်၌ ပြုလုပ်သည့် သတင်းစာ ရှင်းလင်းပွဲတွင် ပြောကြားသည်။

ပဋိပက္ခများနှင့် လိင်ပိုင်းဆိုင်ရာ အကြမ်းဖက်မှုများနှင့် ပတ်သက်၍ မေးမြန်းမှုအပေါ် ပြန်လည်ဖြေကြားရာတွင် ဒေါ်အောင်ဆန်းစုကြည်က ပဋိပက္ခများကြောင့် လိင်ပိုင်းဆိုင်ရာ အကြမ်းဖက်မှုများ ဖြစ်ရခြင်း မဟုတ်သော်လည်း အဆိုပါ ပဋိပက္ခများကမူ လိင်ပိုင်းဆိုင်ရာ အကြမ်းဖက်မှုများကို ပိုမိုဖြစ်ပေါ် စေသည်ဟု ထည့်သွင်း ဖြေကြားခဲ့ခြင်းဖြစ်သည်။

''ဒီနှစ်ခုက သီးသန့်စီပါ။ တစ်ခုက လိင်ပိုင်းဆိုင်ရာ အကြမ်းဖက်မှု၊ တစ်ခုက ပဋိပက္ခ၊ လိင်ပိုင်းဆိုင်ရာ အကြမ်းဖက်မှုကို ဘာကြောင့် လုပ်ကြသလဲ ဆိုတာ ကျွန်မ အမြဲတမ်း စဉ်းစားမိပါတယ်။ ဒါဟာ စိတ်ပိုင်းဆိုင်ရာ ပြဿနာ တစ်ခုလား၊ လူမှုရေးပြဿနာ တစ်ခုလား။ ပဋိပက္ခတွေကြောင့် လိင်ပိုင်းဆိုင်ရာ အကြမ်းဖက်မှုဖြစ်တာ မဟုတ်ပါဘူး။ ဒါပေမဲ့ ပဋိပက္ခမှာ လိင်ပိုင်းဆိုင်ရာ အကြမ်းဖက်မှုတွေ ပိုဖြစ်တယ်။ ငြိမ်းချမ်းတဲ့ နေရာတွေမှာတောင် လိင်ပိုင်းဆိုင်ရာ အကြမ်းဖက်မှုတွေ ဖြစ်နိုင်ပါတယ်။ ဒီအချက်ကို လေးလေးနက်နက်နဲ့ ဖြေရှင်းဖို့ လိုပါတယ်'' ဟု ဒေါ်အောင်ဆန်းစုကြည်က ပြောကြားသည်။

လိင်ပိုင်းဆိုင်ရာ ပွင့်လင်းမြင်သာမှုရှိသည့် နိုင်ငံများတွင် ဖြစ်ပေါ်သည့် လိင်ပိုင်းဆိုင်ရာ အကြမ်းဖက်မှုများမှာမူ စိတ်ပိုင်းဆိုင်ရာ ပြဿနာကြောင့်ဟု ထင်ကြောင်း၊ ပဋိပက္ခ ကာလများတွင် ရရာလက်နက်ကို အသုံးပြု တတ်ကြကြောင်း၊ ပဋိပက္ခမှာ အနိုင်ရရန် တွေ့ရာနည်းလမ်းများကို အသုံးပြုတတ်ကြကြောင်း၊ ယင်းနေရာတွင် လိင်ပိုင်းဆိုင်ရာ အကြမ်းဖက်မှု ဖြစ်ပေါ်ခြင်းမှာမူ လူမှုရေး ပြဿနာ ဖြစ်ကြောင်း၊ လူ့အဖွဲ့အစည်း တစ်ခုတွင် လိင်ပိုင်းအကြမ်းဖက်မှု ဖြစ်ဖူးသည် ဆိုပါက ပဋိပက္ခ အခြေအနေ၌ လိင်ပိုင်းဆိုင်ရာ အကြမ်းဖက်မှု ဖြစ်ပေါ်လာနိုင်ခြေ ပိုများကြောင်းလည်း ၎င်းက သုံးသပ်သည်။

ဒေါ်အောင်ဆန်းစုကြည်က ''ပဋိပက္ခ အခြေအနေမှာ လိင်ပိုင်းဆိုင်ရာ အကြမ်းဖက်မှု ဖြစ်ပေါ်လာရင် တော်တော်ကို ဆိုးရွားနိုင်ပါတယ်။ ပဋိပက္ခ ကာလတွေမှာ တရားဥပဒေ စိုးမိုးမှုကင်းမဲ့လေ့ ရှိနေတတ်ပါတယ်။ ပဋိပက္ခတွေ၊ လိင်ပိုင်းဆိုင်ရာ အကြမ်းဖက်မှုတွေကို ဖြေရှင်းဖို့ ဇာစ်မြစ်ကို သိဖို့လိုပါတယ်'' ဟုလည်း ပြောကြားသည်။

စစ်တပ်မှ လိင်ပိုင်းဆိုင်ရာ အကြမ်းဖက်မှုများ ပြုလုပ်ခြင်း ရှိနေသည်ဟူသော ပြောကြားချက်များနှင့် ပတ်သက်၍ ထပ်မံမေးမြန်းရာတွင် ဒေါ်အောင်ဆန်းစုကြည်က ယင်းအချက်မှာ တရားဥပဒေ စိုးမိုးမှု အားနည်းခြင်းကြောင့် ဖြစ်ကြောင်း၊ ယင်းအချက်ကို စစ်တပ်မှ ကိုင်တွယ်ရန်လိုကြောင်း၊ စစ်တပ်သည် သီးသန့်နိုင်ငံရေး အဖွဲ့အစည်း တစ်ခုလည်း ဖြစ်နေပြီး ပဋိပက္ခကာလများတွင် စစ်တပ် မဟုတ်သည့် လက်နက်ကိုင် တပ်ဖွဲ့များလည်း လိင်ပိုင်းဆိုင်ရာ ကျူးလွန်မှုများ ရှိနေကြောင်း ပြောကြားသွားသည်။

လက်ရှိအစိုးရ လက်ထက်တွင် ရခိုင်ပြည်နယ်၌ ၂၀၁၂ ခုနှစ် ဇွန်နှင့် အောက်တိုဘာလ၊ ၂၀၁၃ ခုနှစ် စက်တင်ဘာ လကုန်ပိုင်းနှင့် အောက်တိုဘာလဆန်း စသည်တို့တွင် ပဋိပက္ခများ ဖြစ်ပေါ်ခဲ့ပြီး လက်ရှိအချိန်ထိ ပုဒ်မ ၁၄၄ များ ထုတ်ပြန်ထားဆဲ ဖြစ်ကြောင်း သိရသည်။

၂၀၁၃ ခုနှစ် မတ်လ နှောင်းပိုင်းတွင်လည်း မိတ္ထီလာမြို့မှ စတင်ကာ နေပြည်တော် နယ်မြေနှင့် ပဲခူးတိုင်း အနောက်ခြမ်း မြို့နယ်များတွင် ပဋိပက္ခများ ဆက်တိုက် ဖြစ်ပွားခဲ့သည်။ ၂၀၁၃ ခုနှစ် မေလနှောင်းပိုင်း တွင်လည်း ရှမ်းပြည်နယ် လားရှိုးမြို့၌ ဆူပူအကြမ်းဖက်မှုများ ဖြစ်ပေါ်ခဲ့ကြောင်း သိရသည်။
Eleven Media Group