Samsung Galaxy S5 ကို ဗားရှင်းနှစ်မျိုးဖြင့် ထုတ်လုပ်ဖွယ်ရှိ

ပို့စ်တင်ချိန် - 11/30/2013 06:51:00 PM

Samsung ကုမ္ပဏီသည် Samsung Galaxy S5 ကို ၂၀၁၄ ခုနှစ် ဇန်နဝါရီလတွင် ဗီယက်နမ်၌ စတင် ထုတ်လုပ်သွားမည် ဖြစ်ကြောင်း ကိုရီးယား ဝက်ဘ်ဆိုက် ET News က ဖော်ပြသွားခဲ့သည်။

ထုတ်လုပ်မှုကို နွေဦးတွင် စတင်သွားမည် ဖြစ်ပြီး နွေရာသီအမီ ထွက်ရှိနိုင်ရန် အရှိန်မြှင့် လုပ်ဆောင်သွားမည် ဟုသိရသည်။

အစောပိုင်းတွင် Galaxy S5 ဖုန်းများအား အလုံးရေ ရှစ်သိန်းမှ တစ်သန်း အထိ စတင် ထုတ်လုပ်သွားမည်ဖြစ်ပြီး နောက်ပိုင်းတွင် တိုး၍ထုတ်လုပ် သွားမည်ဟု ET News ကဖော်ပြခဲ့သည်။

Samsung ၏ Galaxy S5 သည် ကွေးနိုင် ဆန့်နိုင်သော မျက်နှာပြင်၊ သတ္တုကိုယ်ထည်ဖြင့် ပြုလုပ်ထားသော ဗားရှင်းနှင့် ပုံမှန် မျက်နှာပြင်၊ ပလက်စတစ် ကိုယ်ထည် ဗားရှင်းဟူ၍ ဗားရှင်းနှစ်မျိုး ဖြင့် ထုတ်လုပ်သွားဖွယ် ရှိကြောင်း သိရသည်။

Samsung ၏ Galaxy S5 တွင် 16 megapixels ကင်မရာနှင့် RAM 3GB တို့ ပါဝင်လာမည်ဟု သတင်းများ ထွက်ပေါ်နေပြီး ဘက်ထရီ 4,000 mAh လည်း တပ်ဆင် အသုံးပြုထားကာ Android version Kitkat 4.4 ဖြင့် ထွက်လာဖွယ်ရှိကြောင်း ET News ဖော်ပြခဲ့သည်။

Galaxy S5 တွင် Samsung ၏ နည်းပညာအသစ် optical image stabilization (OIS) ပါဝင်လာနိုင်သောကြောင့် ဧပြီလအထိ ထွက်ပေါ်လာနိုင်ဖွယ် မရှိကြောင်း စီးပွားရေး လုပ်ငန်းရှင်များက ခန့်မှန်းခဲ့ကြသည်။

Ref: TheInquirer
Internet Journal