ရေထဲရော ကုန်းပေါ်ရော မောင်းလို့ရတဲ့ကား Fiat ကားကုမ္ပဏီ ထုတ်လုပ်
ပို့စ်တင်ချိန်
- 11/25/2013 01:56:00 PM
ယာဉ်ကြောပိတ်ဆို့မှုကို ဖြေရှင်းနိုင်သည့် ကုန်းရေနှစ်သွယ်မောင်း ကားတစ်မျိုးကို ကမ္ဘာ ကျော် Fiat ကားကုမ္ပဏီက ထုတ်လုပ်ခဲ့ကြောင်း သိရသည်။ အဆိုပါယာဉ်သည် ရေပေါ်တွင်ပါ စီးနင်းအသုံးပြုနိုင်ပြီး ကားပါကင်ထိုးခြင်းနှင့် ပတ်သက်၍ စိုးရိမ်ပူပန်စရာ မလိုသည့်အပြင် ယာဉ်အချက်ပြ စနစ်များကိုလည်း စောင့်ဆိုင်းရန် မလိုအပ် တော့ကြောင်း သိရသည်။ Fiat 500 Personal Water- craft အမည်ရှိ ယင်းကားသည် ၁၉၉၁ခုနှစ်က အီတလီ ကားကုမ္ပဏီ တစ်ခုက ထုတ်လုပ်ခဲ့သည့် Cinquecento ကားကို အဆင့်မြှင့်တင် ထားခြင်းဖြစ်ပြီး ကိုယ်ထည် အပေါ်ပိုင်းတွင် ဂျက်စကီးတစ်ခုကို တပ်ဆင်ထားကြောင်း သိရသည်။ Fiat 500 ကားသည် အီတလီနိုင်ငံ ဗင်းနစ်မြို့မှ အန္တလန္တိတ် သမုဒ္ဒရာတစ်ဝန်း ၁၈ ညကြာ မောင်းနှင်လာခဲ့သော အပျော်စီးသင်္ဘော MSC Divina ကို ကြိုဆိုသောအားဖြင့် အမေရိကန် ပြည်ထောင်စု မီယာမီမြို့ရှိ ပင်လယ်ပြင်တွင် နိုဝင်ဘာ ၁၉ ရက်က မောင်းနှင်မှုများ ပြုလုပ်ခဲ့သည်။
Fiat 500 ကားကိုယ်ထည်ကို ရေပေါ်သွားယာဉ်များဖြင့် ပေါင်းစပ် ထုတ်လုပ်ထားပြီး ကုန်းမြေတွင် သွားလာနိုင်ရန် အတွက်လည်း လိုအပ်သော စက်ပစ္စည်းများကို တပ်ဆင်ထားကြောင်း သိရသည်။ Fiat 500 ကားတွင် တပ်ဆင်ထားသော ဖန်ထည်မျှင် ဘောများသည် ယာဉ်ရပ်တည်နိုင်ရန်အတွက် အကူအညီပေးပြီး ရေယက်သည် ရေတွင်ပေါ့ပါး ဖျတ်လတ်စွာ မောင်းနှင်နိုင်စေရန် အကူအညီပေးကြောင်းနှင့် Fiat ကုမ္ပဏီသည် ပြီးခဲ့သည့် နှစ်လက အမေရိကန် ပြည်ထောင်စု တောင်ပိုင်း ကာလီဖိုးနီးယားပြည်နယ် Huntingto ကမ်းခြေတွင် ပြုလုပ်သော ပင်လယ်လှိုင်းစီး ပြိုင်ပွဲတွင် ယင်းကားကို စတင်မိတ်ဆက်ခဲ့ ကြောင်း သိရသည်။
