ရွှေ့ပြောင်းနေထိုင်သူများကို အုပ်စုဖွဲ့ အဓမ္မပြုကျင့်ခဲ့သော လူကုန်ကူးဂိုဏ်းဝင် ဆိုမာလီတစ်ဦးကို အီတလီရဲက ဖမ်းမိ

ပို့စ်တင်ချိန် - 11/11/2013 03:54:00 PM

နိုဝင်ဘာ ၁၁။

အီတလီ ရဲတပ်ဖွဲ့သည် အောက်တိုဘာ ၃ရက်က အီတလီကမ်းလွန် တစ်နေရာတွင် နစ်မြုပ်ခဲ့သော တရားမ၀င် နိုင်ငံဖြတ် ကျော် သင်္ဘောမှ ကြေကွဲဖွယ်ဖြစ်ရပ်ဆိုးများနှင့် ပတ်သတ်သူ လူကုန်ကူးဂိုဏ်းသား ဆိုမာလီတစ်ဦးကို ဖမ်းမိခဲ့ကြောင်း နိုဝင်ဘာ ၉ရက်က ကြေညာခဲ့သည်။

ထိုသင်္ဘောနစ်မြုပ်မှုကြောင့် နိုင်ငံသစ်တွင်ခိုလှုံရန် ပင်လယ်ကိုဖြတ်ကာ လာခဲ့ကြ သူများအနက် ၃၃၆ဦးအထိ သေဆုံးခဲ့ပြီး အနည်းငယ်သာ အသက်ရှင်လွတ်မြောက်ခဲ့သည်။

ယခုဖမ်းမိခဲ့သည့် အီမမဟာမက်မူဟစ်ဒင် အသက် ၂၄နှစ်သည် ယင်းသင်္ဘောဖြင့် လိုက်ပါမည့် ဒုက္ခသည်များအနက် အယ်ရစ်ထရီးနိုင်ငံသူ ၂၀ဦးကို ခရီးမထွက်မီ ရက်များက လစ်ဗျားတွင် နှိပ်စက်ညှင်းပန်းကာ အဓမ္မပြုကျင့်ခဲ့သူများအနက် တစ်ဦး ဖြစ်သည်။

မူဟစ်ဒင်သည် ဆိုမာလီ၊ အာဖရိက၊ ဆူဒန်၊ လစ်ဗျားစသည့် နိုင်ငံများက ခိုလှုံရာနိုင်ငံသစ် ရှာဖွေသူများကို တရားမ၀င် နည်းလမ်းပေါင်းစုံ သုံးကာ လူစု၊ ကုန်ကူးနေသည့် ဂိုဏ်းတစ်ခုမှ အဖွဲ့ဝင် တစ်ဦးဖြစ်သည်။

မူဟင်ဒင်သည် သူ၏ အလုပ်အတွက် ပြန်ပေးဆွဲခြင်း၊ တရားမ၀င် နိုင်ငံဖြတ်ကျော်မှုများ ပြုလုပ်ခြင်းသာမက ရွှေ့ပြောင်းနေထိုင်သည့် ဒုက္ခသည်များကို လိင်ပိုင်းဆိုင်ရာ အကြမ်းဖက်မှုများစွာ ကျူးလွန်နေသူဖြစ်သည်။

သူသည် အောက်တိုဘာ ၂၅ရက်တွင် လန်ပက်ဒူဆာမြို့သို့ အခြားသော ရွှေ့ပြောင်း နေထိုင်သူများနှင့်အတူ ခိုးဝင်လာခဲ့သည်။

အီတလီ ရဲတပ်ဖွဲ့က သူ့ကို ဖမ်းမိပြီးနောက် လူပြစစ်ဆေးမှု ပြုလုပ်သည့်အခါ သင်္ဘောနစ်မြုပ်စဉ်က အသက်ဘေးမှ လွတ်မြောက်ခဲ့သူ အယ်ရစ်ထရီး ရှစ်ဦးက မှတ်မိသွားပြီး သက်သေခံ ထွက်ဆိုချက် ၀ိုင်းပေးကြသည်။

ထိုအခါမှ အီတလီရဲက အလိုရှိနေသူ တစ်ဦးကို ဖမ်းမိဖြစ်ကြောင်း သေချာသွားခဲ့ခြင်းဖြစ်သည်။

ရွှေ့ပြောင်းနေထိုင်သူများသည် ကမူဟစ်ဒင်တို့ကို ယူရို ၃၃၀၀ မှ ယူရို ၃၅၀၀ အထိပေးကာ ခရီိးစဉ်တွင် လိုက်ပါခွင့်ရ အောင် ကြိးပမ်းခဲ့ရသည်လည်း ထွက်ဆိုကြသည်။

Ref: AP
The Myanma Age