လှည်းကူးမြို့မှ ပျောက်ဆုံးနေသောကလေးငယ် ဖေ့စ်ဘွတ်ခ်ကြောင့် ပြန်တွေ့

ပို့စ်တင်ချိန် - 11/19/2013 07:09:00 PM

လှည်ကူးမြို့နယ် နေအိမ်မှ ပျောက်သွားသည် လေးနှစ်အရွယ်ကလေးငယ်ကို လူမှုကွန်ရက်ဖေ့စ်ဘွတ်ခ်ကြောင့် လေးရက်အကြာတွင် ပြန်လည်ရှာဖွေတွေ့ရှိခဲ့ကြောင်း ကလေးငယ်၏ မိခင်ဖြစ်သူ ဒေါ်ဝင်းဝင်းဌေးကပြောသည်။

လှည်းကူးမြို့နယ် အောင်မင်္ဂလာရပ်ကွက်အတွင်း နေထိုင်သော အသက် လေးနှစ်အရွယ် မောင်ပြည်စုံအောင်သည် နေအိမ်မှ နိုဝင်ဘာ ၁၃ ရက်မှစ၍ ပျောက်ဆုံးသွားခဲ့ပြီးနောက် ၄င်း၏ဆွေမျိုးများက ဖေ့စ်ဘွတ်ခ်ပေါ်တွင် ကြော်ငြာ၍ အကူအညီတောင်းခဲ့သည်။ ဖေ့စ်ဘွတ်ခ်တွင် ကြော်ငြာထားခြင်းကိုတွေ့ရှိသော တာမွေမြို့နယ်အတွင်းနေထိုင်သူတစ်ဦးက ၎င်းတို့ရပ်ကွက်အတွင်း ကလေးငယ်တစ်ဦး ရောက်ရှိနေသည်ဟု ဖေ့စ်ဘွတ်ခ်တွင်ပါရှိသော လိပ်စာအတိုင်း ဆက်သွယ်ကာ အကြောင်းကြားပေးခဲ့ခြင်းဖြစ်သည်။ ထို့နောက် ကလေးငယ်၏မိဘများသည် အဆိုပါရပ်ကွက်သို့ နိုဝင်ဘာ ၁၆ ရက်တွင် ရောက်ရှိခဲ့ကာ ကလေးငယ်အား ပြန်လည်တွေ့ရှိသွားခဲ့ကြောင်း သတင်းရရှိသည်။
အဆိုပါကလေးငယ်အား ၎င်း၏အဒေါ်ဖြစ်သူစိတ်မကျန်းမာသူက လှည်းကူးမြို့နယ်နေအိမ်မှ မိဘများမသိအောင် ၎င်းအား ခေါ်ယူသွားခဲ့ခြင်းဖြစ်ကြောင်း သတင်းရရှိသည်။ အဆိုပါကလေးငယ်ကို နိုဝင်ဘာ ၁၅ ရက်က တာမွေမြို့ နယ်ရှိ အခွန်လွတ်ဈေးရှေ့တွင် တွေ့ရှိခဲ့၍ တာမွေမြို့နယ် (ခ)ကြီးရပ်ကွက်မှ အုပ်ချုပ်ရေးမှူးထံ အပ်နှံထားပြီး ရပ်ကွက်အုပ်ချုပ်ရေးမှူးအဖွဲ့က မိဘများအား လိုက်လံရှာဖွေခဲ့သည်။ သို့သော် ၄င်း၏မိဘများကို မတွေ့ရှိခဲ့၍ ယင်းရပ်ကွက်မှ ၁၆၆ လမ်းရှိ နေအိမ်တစ်အိမ်ထံ ကလေးအား ခေတ္တထိန်းသိမ်းစောင့်ရှောက်ထားခဲ့သည်။
““ကလေးကို ဆိုက်ကားသမားနှစ်ယောက်က အခွန်လွတ်ဈေးရှေ့မှာတွေ့လို့ခေါ်လာတာ။ နောက်တော့ မလေးမှာရှိတဲ့ သူအဒေါ်က အွန်လိုင်းမှာ ကြေညာထားတာ။ အဲဒါကို လမ်းထဲက အွန်လိုင်းသုံးတဲ့သူက တွေ့ပြီး အဲဒီမှာပါတဲ့လိပ်စာအတိုင်း ဖုန်းဆက်လိုက်တာ။ သူ့မိဘတွေက ၁၆ ရက်မှာ ချက်ချင်းရောက်လာတာ။ သူ့မိဘတွေရောက်လာတော့ ကလေးကို ဟုတ်၊ မဟုတ် သေချာမေးပြီး မှတ်တမ်းယူထားပြီး ထည့်ပေးလိုက်တာ””ဟု တာမွေကြီး (ခ)ရပ်ကွက် အုပ်ချုပ်ရေးမှူးဦးဉာဏ်ဝင်းကပြောသည်။
ကလေး၏ မိခင်ဖြစ်သူက““ပြီးခဲ့တဲ့ ၁၃ ရက်ကတည်းက ပျောက်သွားတာ။ ယောက်မက စိတ်မကောင်းတဲ့သူဆိုတော့ အိမ်ကလူတွေမသိဘဲ ခေါ်သွားတာ။ စခန်းကိုလည်း အမှုဖွင့်ထားတယ်။ဒီကြားထဲ လိုက်ရှာနေတာ ဒေါင်းတောက်နေတာပဲ””ဟုဆိုသည်။
““အစ်မအမျိုးသားကလည်း ကွမ်းယာသွားဝယ်တော့ ရပ်ကွက်အုပ်ချုပ်ရေးရုံးရှေ့မှာ ညဘက်ကြီးတွေ့လို့ ကလေးက ဘယ်သူကလေးလဲမေးတော့ ကွမ်းယာဆိုင်ကလည်း မသိဘူးတဲ့။ အဲဒီမှာရှိတာ ကြာနေပြီး နောက်ဆိုင်လည်းပိတ်တော့မယ်ဆိုတော့ အစ်မတို့က ခဏခေါ်ပြီး ထိန်းသိမ်းထားတာ””ဟု မမြင့်မိုရ်ကပြောသည်။
ထို့အပြင် ကလေးပျောက်ဆုံးမှုများနှင့်ပတ်သက်၍ ပြီးခဲ့သည့် ၂၀၁၂ ခုနှစ်အတွင်းက မြောက်ဥက္ကလာပမြို့နယ်အတွင်း မကြာခဏပျောက်ဆုံးမှုများ ဖြစ်ပွားခဲ့ပြီး ပျောက်ဆုံးခဲ့သည့် ကလေးငယ်လေးဦးရှိသည့်အနက် နှစ်ဦးမှာ ပြန်လည်တွေ့ရှိသော်လည်း နှစ်ဦးမှာ ပြန်မတွေ့သေးပေ။ ပြန်လည်တွေ့ရှိခဲ့သော ကလေးငယ်နှစ်ဦးရှိသည့်အနက် တစ်ဦးမှာ အသက်ခုနစ်နှစ်အရွယ် ကလေးငယ်ဖြစ်ပြီး ၎င်းအား မုန့်ကျွေးမည်ဟုဆိုကာ အမျိုးသားတစ်ဦးက ချိုင်းကြားညှပ်၍ ဖမ်းဆီးခေါ်ဆောင်သွားခဲ့ခြင်း ဖြစ်စဉ်မှာ၂၀၁၂ စက်တင်ဘာ ၂ရက်က ဖြစ်ပွားခဲ့ခြင်းဖြစ်သည်။

7day Daily