မန္တလေးတွင် နာမည်ပေါက်မြေနေရာ ဂရန်တုဖြင့် လက်ညှိုးထိုး လိမ်လည်ရောင်း
ပို့စ်တင်ချိန်
- 11/07/2013 06:10:00 PM
နာမည်ပေါက်ကျပြီးသား မြေနေရာများ အား ဂရန်အတုများဖြင့် လိမ်လည်ရောင်းဝယ်မှု များဖြစ်ပေါ်နေကြောင်း မန်းစည်ပင်မြေယာဌာန မှ သတင်းရရှိသည်။
ဘုန်းကြီးကျောင်း၊ တန်ဖိုးနည်း အိမ်ရာများ၊ မြေပြင်စီမံကိန်းချထား ပြီး နေရာများအား ပစ် မှတ်ထားပြီး စက်မှုဇုန်ဘက်တွင် ဘုန်းတော် ကြီး ကျောင်းများ လျှောက်လို့ရ သည်ဟုဆိုပြီး အမိန့် စာအတုများအား ပြသ ၍ လျှောက်ပေးမည်ဟုဆို ကာဘုန်းကြီးများထံမှ စရံငွေတောင်းခံခြင်း၊ တန်ဖိုးနည်းအိမ်ရာများတွင် အမည်ပေါက် လျှောက်ပေး မည်ဟုဆိုကာ စာရွက်စာတမ်းအတု များအား ပြသ၍ ငွေကြေးလိမ်လည်တောင်းခံခြင်း၊ စလစ်အတု၊ ဂရန်အတုများဖြင့် စီမံကိန်းချထားပြီး သော မြေနေရာများအား
လက်ညှိုးထိုးပြသကာ လိမ်လည်ရောင်းဝယ်မှု ပြုလုပ်ခြင်းများ ရှိနေ ကြောင်း မန်းစည်ပင် မြေယာဌာနမှ အဆင့်မြင့် အရာရှိတစ်ဦးက ပြောသည်။
အိမ်ခြံမြေ အရောင်းအဝယ် ပြုလုပ်သူများ အနေဖြင့် စလစ်များ၊ ဂရန်များ၊ စာရွက်စာတမ်း များအား အတု ဟုတ် မဟုတ် မိမိတို့ဌာနသို့ လာရောက် တိုက်ဆိုင်စစ်ဆေး သင့်ကြောင်း သိရ သည်။
”တစ်ခါကဆို ကျွန်တော့်ဆီ ဆရာတော် တစ်ပါးဆီက ဖုန်းဝင်လာ တယ်။ အောင်မြေသာ စံမြို့နယ်၊ သံဃာ့နာယက ဥက္ကဋ္ဌပါဒကာကြီး တဲ့။ ကျောင်း ကို ဒကာမတစ်ေ ယာက် ရောက်လာပြီး စက်မှုဇုန်ဘက်မှာ ဘုန်းကြီးကျောင်း ဆောက်ခွင့် လျှောက်လို့ရတယ်။ တပည့်တော်လျှောက်ပေး မယ်ဆိုပြီး စရံငွေ နှစ်သိန်းတောင်းသွားတယ်။ အဲ့ဒါ တကယ်ဟုတ်လားတဲ့။ ကျွန်တော်လည်း မဟုတ်ပါဘူးပေါ့။ အဲ့လိုဟာမျိုးမရှိဘူး။ လိမ် တာပဲ ဖြစ်မှာ ပါဘုရား။ စရံဆိုတော့ နောက်တစ် ခေါက်ထပ်လာဦးမယ်ထင်တယ်။ အဲ့ဒီအခါကျ ရဲစခန်းကို ဖုန်းသာဆက်လိုက်ပါဆိုပြီး ပြောလိုက် တယ်။ သိပ်မကြာဘူး။ အဲ့ဒီဆရာတော်ဘုရားကပဲ ပြန်ဆက် တယ်။ ကျေးဇူး တင်ပါတယ်။ ကျန်တဲ့ ငွေလာေ တာင်းတော့ ရဲတွေနဲ့ ဝိုင်းဖမ်းလိုက်တာ မိသွားတယ်တဲ့။ စာရွက်စာတမ်းအပြည့်အစုံနဲ့ကို လိမ်တာ”ဟု အဆိုပါ အဆင့်မြင့်အရာရှိက ထပ် လောင်းပြောသည်။
လွန်ခဲ့သော သုံးနှစ်ခန့်က ပွားယူထားသည့် ဂရန်ပုံစံအတုဖြင့် ကျပ်သိန်း သုံးထောင်ခန့် လိမ် လည်ပေါင်နှံမှုတစ်ခု ဖြစ်ခဲ့သည်ကို ကြားဖူး ကြောင်း၊ ယခုနောက်ပိုင်းတွင် လိမ်လည်သူများ မှာ နည်းမျိုးစုံလာသောေ ကြာင့် ရောင်းမှား ဝယ်မှား မဖြစ်စေရန် သေချာစစ်ဆေး သင့် ကြောင်း ရွှေမန္တလေး၊ အိမ်ခြံမြေအကျိုးဆောင်မှ ဦးနေလင်း က ပြောသည်။
”ဂရန်မှာဆိုရင် ပိုင်ရှင်တစ်ခု၊ အစိုးရက သိမ်းထားတာ တစ်ခု နှစ်ခု ရှိတယ်။ မန္တလေးမှာ ဆို စည်ပင်ရုံးနားက ကျောက်တိုက်မှာ အစိုးရပိုင် ဂရန်တွေ ထားတာ။ ပိုင်ရှင် က ပျောက်သွား လို့ မီးလောင်သွားတာပဲဖြစ်ဖြစ် တစ်ခုခုဖြစ်ရင် တိုက်ဆိုင်စစ်ဆေးဖို့ပေါ့။ အဲ့ဒီဂရန်က အပြင် ထွက်ထွက် လာတယ်လို့ ကြားဖူးတယ်။ ပြီးတော့ အဲ့ဒီဂရန် ကနေ ပွားတော့တာပဲ။ အတုမဟုတ် ဘူး။ ပုံစံတူလုပ်တာ။ အဲ့ဒီတော့ ရောင်းမှားဝယ် မှားဖြစ်ေ တာ့ ရှေ့နေလည်း ခံရတော့တာပဲ။ အဲ့ဒီဖြစ်စဉ်မှာဆို ရှေ့နေနဲ့ တာဝန်ရှိ သူတွေပေါင်းလျော်လိုက်ရတယ်”ဟု လုပ်သက် သုံးဆယ် ခန့်ရှိ ရွှေမန္တလေး အိမ်ခြံမြေအကျိုးဆောင်မှ ဦးနေလင်းက သုံးသပ်ပြောကြားသည်။
ဖိုးလပြည့်
Popular Myanmar News Journal
