ဟိန္ဒူ လူနည်းစုများအား တိုက်ခိုက်နေသူများကို အရေးယူရန် အမေရိကန် အစိုးရမှ ဘင်္ဂလာဒေခ်ျ့ကို တောင်းဆို

ပို့စ်တင်ချိန် - 11/07/2013 06:07:00 PM

တိုက်ခိုက်ခံထားရသော ကိုးကွယ်ရာ ဟိန္ဒူ နတ်ရုပ်ထုများ။

ဘင်္ဂလာဒေခ်ျ့နိုင်ငံတွင် လူနည်းစု ဟိန္ဒူဘာသာဝင်များကို ပစ်မှတ်ထား တိုက်ခိုက်မူများ အမြန်ဆုံး ရပ်တန့်ရန်နှင့် တိုက်ခိုက်နေသူများကို အမြန်ဆုံး အရေးယူရန် အမေရိကန် အစိုးရမှ ဘင်္ဂလာဒေခ်ျ့ အစိုးရကို ယမန်နေ့က တောင်းဆိုလိုက်သည်။

ဘင်္ဂလာဒေခ်ျ့ နိုင်ငံတွင် လူနည်းစု ဟိန္ဒူဘာသာဝင်များနှင့် သူတို့ ကိုးကွယ်သော ဘာသာရေးကျောင်းများကို ပစ်မှတ်ထား တိုက်ခိုက်မူများ အဆက်မပြတ် ပေါ်ပေါက်ပြီးနောက် အမေရိကန် အစိုးရ၏ တောင်းဆိုချက် ထိုသို့ ထွက်ပေါ်လာခြင်း ဖြစ်သည်။

၎င်းတောင်းဆိုချက်ကို အမေရိကန် သံရုံးမှ ယမန်နေ့က ထုတ်ပြန်ခဲ့ရာ ဘင်္ဂလာဒေခ်ျ့နိုင်ငံ ပါဘနာ ( Pabna) နှင့် လေမော်နီဟတ် ( Lalmonirhat) ခရိုင်ရှိ  လူနည်းစု ဟိန္ဒူလူနည်းစုများကို တိုက်ခိုက်နေမူများ အပေါ် မိမိတို့အနေဖြင့် စိုးရိမ်မိပါကြောင်း၊ ဘင်္ဂလာဒေခ်ျ့ အစိုးရအနေဖြင့် ပြစ်မူ ကျူးလွန်သူများကို ချက်ချင်း အရေးယူရန် တောင်းဆိုပါကြောင်း ဖေါ်ပြသည်။

၎င်းပြင် ကျေညာချက်ထဲတွင် တိုက်ခိုက်မူတွင် ပါဝင်ပတ်နေသူများကို အမြန်ဆုံးရပ်တန့်ရန် တောင်းဆိုကြောင်း၊ ဘင်္ဂလာဒေခ်ျ့ရှိ နိုင်ငံရေး ပါတီများ အနေဖြင့် ၎င်းတိုက်ခိုက်မူများ အမြန်ဆုံး ရပ်တန့်ရေး သေချာစေရန် ဆောင်ရွက်ကြရန် တောင်းဆိုပါကြောင်း ဖေါ်ပြထားသည်။

ဘင်္ဂလာဒေခ်ျ့ နိုင်ငံတွင် နိုင်ငံရေး မတည်ငြိမ်မူများနှင့် အတူ လူနည်းစု ဟိန္ဒူဘာသာဝင်များကို တိုက်ခိုက်မူများ အဆက်မပြတ် ပေါ်ပေါက်နေရာ ဟိန္ဒူကျောင်းများ၊ လူနေအိမ် အများအပြားလည်း ဖျက်ဆီး တိုက်ခိုက်ခံခဲ့ရသလို လုယက်မူများလည်း ပေါ်ပေါက်နေသည်။

ထိုသို့ တိုက်ခိုက်မူများကြောင့် ကျေးရွာ အချို့တွင် အိုးအိမ်များ စွန့်ခွာထွက်ပြေးမူများလည်း ရှိနေကြောင်း သိရသည်။
(နိရဉ္စရာ- ၇ နိုဝင်္ဘာ ၂၀၁၃)