ဧရာဝတီမြစ်ကမ်းပြိုကျမှု ရှေးဟောင်းသမိုင်းဝင်နေရာများကိုပါခြိမ်းခြောက်လာ
ပို့စ်တင်ချိန်
- 11/10/2013 06:42:00 PM
အင်းဝမြို့ဟောင်းတွင် ဧရာဝတီမြစ်ကမ်းပါးပြိုကျမှုကြောင့် ရှေးဟောင်းဇုန်ကန့်သတ်တိုင်များ ပြိုကျသွားခဲ့ပြီဖြစ်ပြီး မြစ်ကမ်းပြိုမှုသည် မြောက်ဘက်မြို့ရိုးနှင့် မယ်နုအုတ်ကျောင်း အစရှိသည့် ရှေးဟောင်းသမိုင်းဝင်နေရာများနှင့်လည်း ပိုမိုနီးစပ်လာကြောင်း သတင်းရရှိသည်။
ဧရာဝတီမြစ်နှင့် ဒုဌ၀တီမြစ်ဆုံရာ အင်းဝမြို့ဟောင်းအရှေ့ မြောက်ဘက်မှ တောင်တော်ဆိပ်အထိ အရှည်တစ်မိုင်ခွဲခန့်ရှိသော ကမ်းနားတွင် မြစ်ကမ်းပါးပြိုကျမှုများ ဖြစ်ပေါ်နေကြောင်း၊ ရှေးaဟာင်းဇုန်အဖြစ် စိုက်ထူထားသည့် တိုင်အချို့ ကမ်းပါးပြိုသည့်အထဲ ပါသွားပြီဖြစ်ပြီး မြောက်ဘက်မြို့ရိုးနှင့် ပေ ၅၀ ၀န်းကျင်ခန့်သာ ကွာတော့ကြောင်း အင်းဝဒေသခံအချို့က ပြောကြားသည်။ ““သရက်ခြံတွေလည်း ပါသွားလို့ ကမ်းပါးမြေပြိုမှာကြောက်ပြီး ဘယ်သူမှ မစိုက်ရဲကြတော့ဘူး””ဟု တောင်တော်ရပ်ကွက်တွင် နေထိုင်သူ ဦးညွှန့်မောင်ကပြောသည်။ ကမ်းပါးပြိုကျမှုများ ဖြစ်ပွားလာသည်မှာ ငါးနှစ်ကျော်ရှိပြီဖြစ်ကြောင်း၊ နှစ်စဉ် ရေကြီးကာလ တော်သလင်း၊ သီတင်းကျွတ်လများတွင် ပိုမိုအဖြစ်များတတ်ကြောင်း၊ ယခုရက်ပိုင်းတွင်လည်း ကမ်းပါးမြေမှာ တဖြည်းဖြည်းနိမ့်ဆင်းလာကြောင်း တောင်တော်ဆိပ်ကမ်းတွင် နေထိုင်သူများကပြောသည်။ ““ဧရာဝတီမြစ်ထဲမှာ သောင်တွေထွန်းနေတော့ သင်္ဘောကြီးတွေက အင်းဝဘက်ကမ်းကနေ ကပ်လာရတယ်။ အဲဒီတော့ ကမ်းပါးတွေပိုပြိုလာတယ်။ အင်းဝမြို့ရိုးတင်မကဘူး။ မယ်နုအုတ်ကျောင်းနဲ့ပါ နီးလာပြီ””ဟု ဒေသခံဦးတင်စိုးက ပြောကြားသည်။ ကမ်းပါးမြေ၀ယ်ယူထားသူအချို့ မှ မြေပြိုကျမှုကာကွယ်ရန် မျောတိုင်များဖြင့် ကာရံကြသော်လည်း ထိရောက်ခြင်းမရှိကြောင်း ဒေသခံများကပြောသည်။ အင်းဝမြို့ဟောင်းသည် မန္တလေးတိုင်းဒေသကြီး တံတားဦးမြို့၏ မြောက်ဘက် နှစ်မိုင်လေးဖာလုံ၊ မန္တလေးမြို့၏ အနောက်တောင်ဘက် မိုင် ၂၀ ခန့်အကွာ ဧရာဝတီမြစ်နှင့် ဒုဌ၀တီမြစ်(မြစ်ငယ်မြစ်)တို့ဆုံရာတွင် တည်ရှိသည်။ အင်းဝမြို့ကို သက္ကရာဇ် (၇၂၆ ခုနှစ်)တွင် သတိုးမင်းဖျား (အေဒီ ၁၃၆၄-၁၃၆၈)က စတင်တည်ထောင်ခဲ့ပြီး ကုန်းဘောင်ခေတ် ဘကြီးတော်(အေဒီ ၁၈၁၉-၁၈၃၇)အထိ ထီးနန်းစိုက်ခဲ့သဖြင့် နှစ်ပေါင်း ၄၀၀ ကြာ တည်ရှိခဲ့သော မြို့ဟောင်းတစ်ခု ဖြစ်သည်။ အင်းဝ မြို့ဟောင်းတွင် ရှေးဟောင်းအဆောက်အအုံ စုစုပေါင်း ၆၂၄ ခု ရှိသည်။
7DAY DAILY
