လက်ပံတောင်း တောင်ကြားရှိ စေတီတော်ကို စိန်ဖူးတော်တင်ရန် သွားသည့် ဒေသခံလူထုအား လုံခြုံရေးအဖွဲ့မှ တားဆီးမှုကြောင့် အစီအစဉ်ပျက်ပြယ်ကာ စိန်ဖူးတော်အား အင်ကြင်းတောင် သပိတ်စခန်းသို့ ပင့်ဆောင်ခဲ့ရ
ပို့စ်တင်ချိန်
- 11/30/2013 09:59:00 AM
(စိန်ဖူးတော် တင်လှူရန် သွားရောက်သော သံဃာတော်များနှင့် ဒေသခံများအား လုံခြုံရေးတာဝန်ရှိသူများက တားဆီးနေစဉ်)
လက်ပံတောင်းတောင် တောင်ကြား ကျောင်းဟောင်းမှ စေတီတော်ကို စိန်ဖူးတော်တင်ရန် သွားသည့် ဒေသခံလူထုအား လုံခြုံရေးအဖွဲ့မှ တားဆီးခဲ့မှုကြောင့် တင်လှူပူဇော်မည့် အစီစဉ်ပျက်ပြယ်ကာ စိန်ဖူးတော်အား အင်ကြင်းတောင် သပိတ်စခန်းသို့ ပင့်ဆောင်ခဲ့ရကြောင်း သိရသည်။
ယင်းမာပင်ခရိုင် ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်းအတွင်းရှိ လယ်တီဆရာတော်ဘုရားကြီး သီတင်းသုံးနေထိုင်ခဲ့သော တောင်ကြားကျောင်းဟောင်းမှ စေတီတော်အား စိန်ဖူးတော်အသစ် တင်လှူပူဇော်ရန် သံဃာတော်များနှင့် ဒေသခံ ရွာသူရွာသားများက နိုဝင်ဘာ ၂၉ရက် နံနက် ၉ နာရီအချိန်က တုံရွာမှတစ်ဆင့် ညောင်ပင်ကြီး-ဆားလင်းကြီးလမ်းအတိုင်း စေတီတော်ရှိရာသို့ ထွက်ရှိလာခဲ့ကြရာ ရွှေလှေတံတားအရောက်တွင် လုံခြုံရေး ရဲတပ်ဖွဲ့ဝင်များနှင့် အုပ်ချုပ်ရေးပိုင်ဆိုင်ရာ တာဝန်ရှိ ပုဂ္ဂိုလ်များက တာဆီးပိတ်ပင်ခဲ့ကြသည်။
"ဗုဒ္ဓဘာသာ ထုံးတမ်းအစဉ်အလာအရ စိန်ဖူးတော်တစ်ခုတည်း တင်လို့မရပါဘူး။ ထီးတော်တွေ၊ စိန်ဖူးတော်တွေကို လူကြီးတွေကို အဆင့်ဆင့်တင်ပြပြီး တန်ခိုးကြီးဘုရားတွေမှာ ရင်ငွေ့တော် ခိုလှုံပြီးတော့မှ ဆရာတော် သံဃာတော်တွေရဲ့ ဦးဆောင်မှုနဲ့ သြ၀ါဒခံယူပြီး တင်ရပါတယ်။ ချက်ချင်းကြီး စိန်ဖူးတော် တင်တာမျိုးမရှိပါဘူး။ ဗုဒ္ဓဘာသာက ဒီလောက်လွယ်တာမျိုး မဖြစ်စေချင်လို့ အခုလိုတားမြစ်တာ ဖြစ်ပါတယ်"ဟု ဆားလင်းကြီးမြို့နယ် အုပ်ချုပ်ရေးမှူး ဦးကျော်သောင်းက ပြောကြားခဲ့သည်။
"ဦဇင်းတို့အနေနဲ့ သိမ်နဲ့စေတီ မပျက်စီးခင်လေးမှာ ဒါယကာ၊ ဒါယိကာမတွေနဲ့ အတူသွားရောက်ပြီး စိန်ဖူးတော်တင်လှူ ပူဇော်ချင်တဲ့ သဘောပဲရှိပါတယ်။ ဘုရားမှာလည်း လောလောဆယ် အက်ကွဲနေပြီ။ အခုလို ဘာသာ၊ သာသနာရေးလုပ်တဲ့ ကိစ္စကို အတားအဆီးတွေနဲ့ပိတ်ပြီး မလုပ်ဖို့ပြောတဲ့အပေါ်မှာတော့ စိတ်မကောင်းမပါဘူး"ဟု မုံရွာမြို့ ချမ်းသာကြီးကျောင်းတိုက်မှ ဆရာတော်က မိန့်ကြားပါသည်။
စိန်ဖူးတော်တင်လှူရေး အဖွဲ့ဖြစ်သည့် ဒေသခံများသည် ရွှေလှေတံတားထိပ်သို့ နံနက် ၁၀ နာရီအချိန်ခန့်တွင် ရောက်ရှိခဲ့ရာ ယင်းကဲ့သို့ တားဆီးခဲ့ခြင်းကြောင့် သက်ဆိုင်ရာ အုပ်ချုပ်ရေးအဖွဲများနှင့် အပြန်အလှန် ပြောဆိုခဲ့ ညှိနှိုင်းခဲ့သော်လည်း စိန်ဖူးတော်တင်လှူ ပူဇော်မည့် အစီစဉ်အား လက်မခံခဲ့ခြင်းကြောင့် ၁၀နာရီ ၃၀မိနစ် အချိန်ခန့်တွင် ညောင်ပင်ကြီး-ဆားလင်းကြီး လမ်းအတိုင်း ပြန်လည်ထွက်ခွာခဲ့ကြပြီး စိန်ဖူးတော်အား အင်ကြင်းတောင် သပိတ်စခန်းသို့ ပင့်ဆောင်ခဲ့ကြသည်။ စိန်ဖူးတော်တင်လှူရေး အစီစဉ်အား မိုးကြိုးပြင်တောင်ရွာ၊ မြောက်ရွာ၊ အလယ်ရွာ၊ ဆည်တည်း၊ ဇီးတော၊လယ်တီ၊ ကျောက်ဖြူတိုင်၊ တုံကျေးရွာအုပ်စုရှိ ကျေးရွာ ၅ရွာမှ ဒေသခံစုစုပေါင်း ၂၅၀ ၀န်းကျင်ခန့် ပါဝင်ခဲ့ကြကြောင်း သိရသည်။
Eleven Media Group
