မူးယစ်ဆေးဝါး ဖမ်းဆီးရာတွင် ရဲအရာရှိအား ဒေသခံ ရွာသား လူအယောက်(၃၀)ကျော်မှ ၀ိုင်းဝန်းပိတ်ဆို့၍ ရိုက်နှက်
ပို့စ်တင်ချိန်
- 11/28/2013 02:15:00 PM
သတင်း၊ ကိုတိုးကြီး
နိုဝင်ဘာ ၂၈
စစ်ကိုင်းတိုင်း၊ ကသာခရိုင်၊ ပင်လယ်ဘူးမြို့နယ် နောင်မူးကျေးရွာတွင် မူးယစ်ဆေးဝါး သတင်းများအရ မူးယစ်တပ်ဖွဲ့စု(၈) မုံရွာ လက်အောက်ခံ ကသာလှုပ်ရှားတပ်ဖွဲ့မှ ယခုလ ၂၅ ရက်နေ့ မနက် ၁၁ နာရီခွဲက ကျေးရွာအတွင်း ၀င်ရောက်ဖမ်းဆီးခဲ့ ရာ ဒေသခံ ရွာသား လူအယောက်(၃၀)ကျော်မှ ဖမ်းဆီးရဲအရာရှိအား ၀ိုင်းဝန်းပိတ်ဆို့ ရိုက်နှက်ခဲ့ကြောင်း တိုင်းဒေသကြီး အစိုးရ ရုံအဖွဲ့မှ ယနေ့တွင် ပြောကြားလိုက်သည်။
အဆိုပါ နောင်မူးကျေးရွာနေ မမြိုင် အသက် (၂၆)နှစ်၊ ဖခင်အမည် ဦးရောင်ထူး၏ နေအိမ်သို့ ၀င်ရောက်ပြီး မူးယစ်ဆေးဝါး သတင်းများ အရ ဒုရဲအုပ် ကျော်စိုးနိုင် နှင့်အတူ ရဲတပ်ဖွဲ့ဝင် ငါးဦးတို့သည် အင်းတော်မြို့နယ်၊ အောင်မေတ္တာရပ် ကွက်နေ ဦးကျော်ဆန်းတင့်၊ ကောလင်းမြို့နယ်၊ အောင်သီရိရပ်ကွက်နေ ဦးဇော်မင်းထိုက်၊ နှင့် နောင်မူးကျေးရွာအုပ် ချုပ်ရေးမှူး ဦးသန်းဌေး ဆိုသူတို့အား ဖမ်းဆီးသက်သေအဖြစ်ခေါ်ဆောင် ပူးပေါင်း၍ ၀င်ရောက် ဖမ်းဆီးခဲ့ခြင်းဖြစ်သည်ကြောင်း သိရ သည်။
မူးယစ်ဆေးဝါး ဖမ်းဆီးရေးအဖွဲ့သည် ထိုသို့ ရှာဖွေစစ်ဆေးနေချိန်တွင် အဆိုပါ နေအိမ်အတွင်းရှိ မသန်းသန်ညွှန့် ဆိုသူ အမျိုးသမီးတစ်ဦးမှ ၀တ်ဆင်ထားသည့် သျှားရောင်အင်္ကျီ၏ ယာဘက်အိတ်ကပ်အောက်ဘက် အတွင်းမှ ပနယ်ဆလင်ထိုး ဆေးပုလင်း(၁၀)လုံးဖြင့် ဘိန်းဖြူးမှုန့်များအား ထည့်သွင်းထားသည်ကို ရှာဖွေတွေ့ရှိခဲ့ရပြီး ဆက်လက်၍ စီစစ်ရာ အပြာ ရောင်ပလပ်စတစ် ကပ်ခွာအိတ်အတွင်းမှ WY စာတမ်းပါ စိတ်ကြွရှုးသွပ်ဆေးပြား (၃၀)ပြားအား ဆက်လက်၍ သိမ်းဆီးရ ရှိခဲ့ကြောင်း မျက်မြင်သက်သေတစ်ဦးမှ ပြောသည်။
ထိုအချိန်၌ အဆိုပါနေအိမ်သို့ တစ်ရွာတည်းနေ ကိုသိန်းဇော်လင်းဆိုသူ ၀င်ရောက်လာသဖြင့် ၎င်းဝတ်ဆင်လာသော အနွေး အင်္ကျီအား ဖမ်းဆီးရေးအဖွဲ့မှ သက်သေများရှေ့တွင် ရှာဖွေစစ်ဆေးခဲ့ရာ ထိုသူထံမှ ဘိန်းစိမ်း(၃၀) ကျပ်သား ထပ်မံသိမ်းဆီး ရရှိခဲ့သည့်အတွက် ရဲလုပ်ငန်းစဉ်များအတိုင်း မူးယစ်ဆေးဝါးများအား ရှာဖွေပုံစံရေးသွင်းနေချိန်တွင် ဒေသခံ ရွာသား (၃၀) ဦး မှ ဒုတ်၊ ဓား၊ လောက်လေးခွများကိုင်ဆောင်ကာ ဖမ်းဆီးရေးအဖွဲ့အား ၀ိုင်းဝန်ပိတ်ဆို့၍ စတင်တိုက်ခိုက်ခဲ့ပြီး ဖမ်းဆီးထားသော မူးယစ်ဆေးဝါးတရားခံများကို ထိုလူအုပ်ကြီးမှ လုယူထွက်ပြေးသွားခဲ့ကြောင်း နောင်မူးကျေးရွာနေ ဒေသခံပြည်သူတစ်ဦးမှ ပြောသည်။
ထိုသို့ ရွာသားများမှ ၀ိုင်းဝန်းပိတ်ဆို့ တိုက်ခိုက်ပြီး မူးယစ်တရားခံများကိုလုယူထွက်ပြေးခဲ့သည့်အတွက် ဒုရဲအုပ် ကျော်စိုးနိုင်၏ ဦးခေါင်း ယာဘက်တွင် (၁)လက္မခန့် ပေါက်ပြဲဒဏ်ရာ၊ ဦးခေါင်းထိပ်တည့်တည့်နေရာတွင် (၁)လက္မခွဲခန့် ပေါက်ပြဲဒဏ်ရာများရရှိခဲ့သည့်အတွက် ပင်လယ်ဘူးမြို့ နယ်၊ မိကျောင်းကန် တိုက်နယ်ဆေးရုံတွင် အရေးပေါ်ဆေးကုသခဲ့ ရကြောင်း ၎င်း တိုက်နယ်ဆေးရုံရှိ အရေးပေါ် လူဌာနမှ အတည်ပြု ပြောကြားခဲ့သည်။
“ ပြည်သူကို ဗဟိုလ်ပြုတဲ့ ရဲလုပ်ငန်းတွေဖြစ်တာကြောင့် ရွာသားတွေရဲ့ တိုက်ခိုက်မှုကို လက်နက်သုံးပြီး ဖြေရှင်းတာမျိုး မပြုလုပ်ခဲ့ပါဘူး ..။ ဥပဒေအတိုင်းဘဲ ဖြေရှင်းဆောင်ရွက်ခဲ့တာပါ ..” ဟု အဆိုပါ ဖမ်းဆီးရေးအဖွဲ့မှ ရဲတပ်ဖွဲ့ဝင်တစ်ဦးက ပြောသည်။
မူးယစ်ဆေးဝါးများသည် လူသားတို့၏ ဘ၀ကို အညွှန့်တုံးစေနိုင်သည့်အတွက် ကမ္ဘာ့လူသားတစ်ရပ်လုံးမှ ဘုံရန်သူအဖြစ် သတ်မှတ်၍ တိုက်ဖျက်လျက်ရှိကြောင်း သိရသည်။ ယနေ့ကမ္ဘာတွင် မူးယစ်ဆေးစွဲ လူငယ်တစ်ယောက် သေဆုံးသွားရခြင်း သည် ကမ္ဘာ့လူသားများအတွက် နှမျှောဘွယ်ရာ အကြောင်းမရှိသော်လည်း လူသားအားလုံး၏ ဘုံရန်သူဖြစ်သော မူးယစ် ဆေးဝါးများအား ဖော်ထုတ်ဖမ်းဆီးလျက်ရှိသော ရဲတပ်ဖွဲ့ဝင်တစ်ဦး ထိခိုက်ဒဏ်ရာရရှိခဲ့ခြင်းသည် လူသားအားလုံးအတွက် အထူးဝမ်းနည်းကြေးကွဲဘွယ်ရာဖြစ်ကြောင်း မြန်မာနိုင်ငံ မူးယစ်ဆေးဝါးများ ဆန့်ကျင်ရေးအဖွဲ့ ( MANA)အဖွဲ့ မုံရွာမှ အဆိုပါ ဖြစ်စဉ်နှင့်ပတ်သက်၍ တုန့်ပြန်ပြောကြားခဲ့သည်။
ကိုတိုး ချင်းတွင်း (facebook)
