စင်ကာပူက နှလုံးလှမီးဖိုချောင်

ပို့စ်တင်ချိန် - 11/04/2013 10:17:00 AM

စင်ကာပူနိုင်ငံသည် အရှေ့တောင်အာရှ ထိပ်တန်း နိုင်ငံတစ်နိုင်ငံ ဖြစ်သည်။ နိုင်ငံသေးသော်လည်း နည်းပညာ ဖွံ့ဖြိုးခြင်း၊ ကူးသန်းရောင်းဝယ်ရေး ကောင်းမွန်ခြင်း တို့ကြောင့် ပညာရှင်များ၊ လုပ်ငန်းရှင် များ နိုင်ငံခြားသား များစွာရှိနေကြသည်။ တိုးတက် ဖွံ့ဖြိုးမှုနည်းတူ အပြိုင်အဆိုင်လည်း အလွန်များသည်။ စင်ကာပူဟု ပြောလိုက်လျှင် တည်ထောင်သူ လီကွမ်ယုနှင့် သန့်ရှင်းသပ်ရပ်သော လမ်းများ၊ မိုးမျှော်တိုက်တာများသာ မြင်ယောင်မိပေလိမ့်မည်။ သို့သော် စင်ကာပူတွင် ထမင်းတစ်နပ်အတွက် ပင်ပန်းခက်ခဲစွာ ရုန်းကန် နေကြရသည့် မြို့ပြ နွမ်းပါးသူများစွာ ရှိနေသည်။

တိုက်လှေကားများ၊ ပန်းခြံ ခုံတန်းများတွင် နေထိုင်ကြသည့် အိမ်ခြေမဲ့ မြို့ပြ နွမ်းပါးသူ များစွာလည်း ရှိနေသည်။ သို့သော် စင်ကာပူမှ ကက်သလစ် ဘာသာဝင် လူတစ်စု တည်ထောင်ထားသည့် မီးဖိုချောင်လေး တစ်ခုကတော့ ထိုလူများစွာကို မမေ့ထားကြပေ။ Willing Hearts ဟု အမည်ရသည့် ယင်းအုပ်စုလေးကို စတင်တည်ထောင်သူက မစ္စတာတိုနီတေး ဖြစ်သည်။ နေ့စဉ် နွမ်းပါးသူ လူ ၂၅၀၀ လောက်အတွက် ထမင်းဟင်းများစွာကို ထောက်ပံ့ကူညီ ပေးခဲ့သည်မှာ ရှစ်နှစ်ခန့် ရှိပေပြီ။ ယင်းအဖွဲ့လေး စဖြစ်ခဲ့သည့်ပုံကို မစ္စတာတိုနီတေးက ရှင်းပြသည်။

စိတ်လှုပ်ရှားစရာ အလှည့်အပြောင်း တစ်ခုကြောင့်ဟု တိုနီတေးက ဆိုသည်။ ထိုနေ့က သူ့အိမ်သို့ လူတော်တော်များများ လာကြသည်။ သူသိသူတွေရော၊ မျက်မှန်းသာ တန်းမိသူတွေရော ပါသည်။ တိုနီတေး၏မိခင် နာရေးဖြစ်သည်။ နာရေးလာသူ တော်တော်များများက သူ့မိခင်တစ်နည်းမဟုတ် တစ်နည်း ကူညီခဲ့ဖူးသူများသာ ဖြစ်နေသည်ကို အံ့သြတကြီး သိလိုက်ရသည်။ သူ့မိခင်၏ သူတစ်ပါးအပေါ် ကူညီချင်စိတ်ကို သူသိလိုက်ရတော့ ရင်ထဲကို ထိရှမိသွားသည်။ သို့သော် လူတွေကို ဘယ်လို ကူညီရမည် ဆိုသည်ကိုမူ မသိခဲ့ပေ။

၂၀၀၃ ခုနှစ်၏ တစ်ရက်တွင် သူမျှော်လင့်သော ကူညီခွင့် ရရှိခဲ့သည်။ ကွန်ဗင့် သီလရှင်ကျောင်းမှ စစ္စတာ အဲလိဇဘက်က သူ့ကို ပေါင်မုန့် အနည်းငယ် ပေးသည်။ ‘ဒါလေးတွေ လျှောက်ဝေပေး’ ဟု ပြောသည်။ တိုနီက သူ့ဇနီး မေရီကိုလည်း သူနဲ့လိုက်ခဲ့ရန် ပြောသည်။ သို့သော် ဘယ်သွားရမှန်းမသိ။ ဘူကစ်မာရာ ပတ်ဝန်းကျင်ဒေသမှာ အကူအညီ လိုအပ်နေသော ရွှေ့ပြောင်း လုပ်သားများ ရှိသည်ဟု သီလရှင်တစ်ပါးက ပြောသဖြင့် ထိုနေရာသို့ သွားကြသည်။ ဟင်းသီးဟင်းရွက်တွေပါ ယူသွားသည်။
ဘူကစ်ရပ်ရွာမှာ သွားပြီးတော့ ပေါင်မုန့်နှင့် ဟင်းသီးဟင်းရွက် တို့ကို သွားပေးသည်။ ထိုအရပ်တွင် နေသည့် လူ ၅၀ လောက်က ဝမ်းပန်းတသာ လက်ခံကြတာကို ကြည့်ပြီး လိုအပ်နေသူများကို ထိထိရောက်ရောက် ကူညီပေးနိုင်ရန် ကြိုးစားမည်ဟု ဆုံးဖြတ်လိုက်ပေသည်။

နောက်တိုနီနှင့် မေရီတို့၏ အိမ်အနီးတွင် ကွန်ဒိုအသစ် လာဆောက်ရာ အလုပ်သမား များစွာလည်း ပါလာသည်။ အိမ်ကိုသူတို့ ရေလာတောင်း သောက်ကြသည်။ ပင်ပင်ပန်းပန်း လုပ်ကြရသည့် ထိုအလုပ်သမားများ စားရသောက်ရတော့ သိပ်မကောင်းသည့် နေ့လယ်စာ ဖြစ်နေခြင်းကို မြင်ရသည့်အခါ လင်မယားနှစ်ယောက် စိတ်မကောင်းကြ။ ထို့ကြောင့်သူတို့ကို ထမင်းချက်ကျွေးရန် ဆုံးဖြတ်လိုက်ကြရာမှ Willing Hearts အဖွဲ့ စထောင်ဖြစ်လာသည်။

သူတို့ ဘုရားရှိခိုးကျောင်း စိန့်မိုက်ကယ်မှ လူကိုးဦး စုပေါင်းကာ အဖွဲ့အစည်းလေးတစ်ရပ် ထူထောင်ကြခြင်း ဖြစ်သည်။ Willing Hearts သည် လိုအပ်နေသူများကို အတတ်နိုင်ဆုံး ကူညီပေးကြသည်။ အဓိကကတော့ အာဟာရ ဖြစ်သည်။ ကက်သလစ် ဘာသာဝင်များ စုစည်းထားသည့် အဖွဲ့ဖြစ်သော်လည်း ဘာသာလူမျိုး မခွဲခြားဘဲ ကူညီပေးသည်။
“အဖွဲ့ရဲ့ အဓိက ရည်ရွယ်ချက်ကတော့ ကျွန်တော်တို့ ပတ်ဝန်းကျင်မှာရှိတဲ့ ဆာလောင်နေသူတွေကို ကုစားပေးဖို့ပါ” ဟု အသက် ၆၀ ကျော်နေပြီ ဖြစ်သည့် စီးပွားရေးသမားဟောင်းကြီး တိုနီတေးက ဆိုသည်။

နွမ်းပါးသူ သက်ကြီးရွယ်အိုများ၊ ကလေးတစ်ယောက်နှင့် ရုန်းကန်နေရသည့် Single မိဘများနှင့် အလုပ်အကိုင် အဆင်မပြေ အခက်တွေ့နေသော စင်ကာပူရောက် အလုပ်သမားများကို ထမင်းပို့ပေးနေသည်ဟု သူကပြောပြသည်။

စဖွဲ့ခါစက ပေါင်မုန့်နှင့် ဟင်းသီးဟင်းရွက်များသာ ပေးနိုင်ခဲ့သော်လည်း ယခုဆိုလျှင် နေ့စဉ် ပျော်ပျော် ပါးပါး ချက်ပြုတ်ကြပြီး ထမင်းဘူးများ လိုက်လံ ပို့ပေးနိုင်သွားသည်။
သူ့လိုပင် ပင်စင်စား မိတ်ဆွေများနှင့်အတူ မစ္စတာတေးက ပျော်ပျော်ပါးပါးကြီးကို အချိန်ပြည့် စေတနာ့ဝန်ထမ်း တာဝန် ထမ်းဆောင်နေသည်။

လူတွေ အများကြီးကို နေ့စဉ် ထမင်းတွေ ဟင်းတွေ ထောက်ပံ့ ပေးနေတာ ပိုက်ဆံ ဘယ်ကရသလဲလို့ မစ္စတာတိုနီကို မေးကြည့်သည့်အခါ ၎င်းကမိတ်ဆွေများ အချင်းချင်း လှူကြ၊ ထည့်ဝင်ကြတာနဲ့ လုပ်နေတာဟု ပြန်ဖြေသည်။ ဗုဒ္ဓဘာသာ ဘုရားကျောင်း တစ်ကျောင်းက တိုနီတေးတို့ Willing Hearts ကို ဆန်ပုံမှန် လှူပေးသည်။ ထမင်းဘူးတွေ လိုက်ပို့ပေးဖို့ ဗင်ကားများလည်း လှူပေးထားသည်။ ဘာသာမတူသော်လည်း ပရဟိတကို ပူးပေါင်း လုပ်ဆောင်ကြခြင်းမှာ အားကျဖွယ် ဖြစ်သည်။

Willing Hearts အဖွဲ့ကို ဝင်လိုလျှင် တစ်နှစ် အဖွဲ့ဝင်ကြေး စင်ကာပူဒေါ်လာ ၂၅ ဒေါ်လာ သွင်းရသည်။ အဖွဲ့မဝင်လိုဘဲ သီးသန့် လှူလိုကလည်း လှူနိုင်သည်။ အချိန်ပိုင်း စေတနာ့ဝန်ထမ်းနှင့် အချိန်ပြည့် စေတနာ့ဝန်ထမ်းဆိုပြီး ခွဲထားသည်။

အသက် ၄၀ အရွယ် မစ်စ်ဂို့သ်သည် အချိန်ပြည့် စေတနာ့ဝန်ထမ်း ဖြစ်ပြီး တစ်ပတ်လျှင် ခြောက်ရက် တာဝန်ထမ်းဆောင် ပေးသည်။ “ဟိုပြေးဒီပြေးနဲ့ အရူးလိုပဲရှင့်။ ဒါပေမဲ့ ပျော်စရာ ကောင်းပါတယ်” ဟု သူမက မှတ်ချက်ပြုသည်။

ကိုယ့်ဘဝရဲ့ အလုပ်တာဝန်များကို အနားယူလိုက်ချိန်မှာ အများအတွက် ပျော်ပျော်ပါးပါး အစေခံနိုင် သည်ကို စင်ကာပူက မစ္စတာတိုနီနှင့် အဖွဲ့က ဦးဆောင် လုပ်ပြနိုင်ခဲ့ပြီ ဖြစ်သည်။ သူတို့အဖွဲ့ကို စင်ကာပူသမ္မတ ကိုယ်တိုင်က ပေးအပ်သည့် ပရဟိတဆုလည်း ချီးမြှင့်ခံရသည်။ ဘာသာတရား၊ လူမျိုး မခွဲခြားဘဲ ပူးပေါင်းစုရုံး လုပ်ဆောင်နိုင်သည့် အလှတရားကိုလည်း ပီပြင်စေသည်။

မီးဖိုချောင် ခန်းမကြီးတွင် လူပေါင်းများစွာအတွက် မမောနိုင်မပန်းနိုင် ပျော်ရွှင်စွာ ချက်ပြုတ်ပေးနေ ကြသူများသည် ပိုက်ဆံ မရသော်လည်း သူတို့ရင်ထဲမှာ ရရှိနေသည့် ပီတိပျော်ရွှင်မှုက တိုင်းတာ၍ရသော ငွေကြေး ဥစ္စာများထက် အဖိုးအနဂ္ဃ ထိုက်ပေလိမ့်သည်။

သန့်ဇင်စိုး
The Voice Weekly