အီဂျစ်နိုင်ငံဆိုင်ရာ တူရကီသံအမတ်ကြီးကို အီဂျစ်နိုင်ငံမှနှင်ထုတ်

ပို့စ်တင်ချိန် - 11/25/2013 01:35:00 PM

AFP|ကိုင်ရို၊ နိုဝင်ဘာ ၂၄

အီဂျစ်နိုင်ငံဆိုင်ရာ တူရကီသံအမတ်ကြီးအား အီဂျစ်နိုင်ငံမှ နှင်ထုတ်လိုက်ကြောင်း အီဂျစ်နိုင်ငံက စနေ နေ့ကပြောကြားခဲ့ပြီး အီဂျစ်နိုင်ငံမတည်မငြိမ်ဖြစ်အောင် ပြုလုပ်နေသည့်အဖွဲ့အစည်းများကို တူရကီနိုင်ငံ ကအားပေးအားမြှောက်ပြုနေသည်ဟု စွပ်စွဲကာနှင်ထုတ်လိုက်ခြင်းဖြစ်သည်ဟု နိုဝင်ဘာ ၂၄ ရက်က အေအက်ဖ်ပီ သတင်းဌာနမှ ဖော်ပြထားသည်။

အီဂျစ်နိုင်ငံ၏ဖြုတ်ချခံထားရသော သမ္မတမိုဟာမက်မော်စီ၏ မွတ်စလင်ညီအစ်ကိုတော်များအဖွဲ့အား ကျောထောက်နောက်ခံပေးနေကြောင်း ရည်ညွန်းလိုက်ခြင်း ဖြစ်သည်။

ဖြုတ်ချခံထားရသော အီဂျစ်သမ္မတမော်စီလက်ထက်က အီဂျစ်နှင့် ဆက်ဆံရေးအထူးကောင်းမွန်ခဲ့သည့် တူရကီနိုင်ငံကလည်း တုံ့ပြန်သည့်အနေဖြင့် တူရကီနိုင်ငံဆိုင်ရာအီဂျစ်သံအမတ်ကြီးအား တူရကီနိုင်ငံ တွင်ဆက်လက်ထားရှိတော့မည် မဟုတ်ကြောင်း ကြေညာခဲ့သည်။

“ဒီလိုအခြေအနေကြောင့် ကျွန်တော်တို့ ၀မ်းနည်းရပါတယ်” ဟု တူရကီနိုင်ငံခြားရေးဝန်ကြီးက ကြေညာ ချက်တစ်စောင်ထဲတွင် ဆိုခဲ့သည်။

အီဂျစ်တွင်မော်စီအားအာဏာမှဖြုတ်ချကာ အာဏာသိမ်းခဲ့သည့်အဖြစ်အပျက်အား အပြင်းထန်ဆုံး ဝေဖန်ခဲ့ကြသည့် နိုင်ငံများထဲတွင် တူရကီလည်းပါဝင်ခဲ့ကာ ထိုအဖြစ်အား “လက်ခံဖွယ်ရာမရှိသော အာဏာသိမ်းမှု” ဟု တူရကီက ဝေဖန်ခဲ့သည်။ မော်စီအားအာဏာပြန်လည် အပ်နှင်းရေးအတွက် အီဂျစ်တွင် ဆန္ဒပြမှုများပြုလုပ်နေကြသည့် မွတ်စလင်ညီအစ်ကိုများအဖွဲ့မှာ တူရကီဝန်ကြီးချုပ် အာဒိုဂန်၏ AK ပါတီနှင့် ရင်း နှီးနီးစပ်သော ဆက်ဆံရေးရှိသည်။

“တူရကီဟာ အီဂျစ်နိုင်ငံထဲမှာ မတည်မငြိမ်ဖြစ်အောင်ဖန်တီးဖို့ ကြိုးစားနေတဲ့အဖွဲ့အစည်းတွေရဲ့ အစည်း အဝေးတွေကို ကူညီခဲ့ပြီးတော့အီဂျစ်နိုင်ငံရဲ့ အကျိုးစီးပွားတွေကိုဆန့်ကျင်တဲ့သဘောထားတွေ ဖြစ်လာ အောင်လွှမ်းမိုးလုပ်ဆောင်ဖို့ ကြိုးစားနေပါတယ်”ဟု တူရကီသံအမတ်ကြီးအား အီဂျစ်မှနှင်ထုတ်ခဲ့ရ သည့်အကြောင်းရင်းကို အီဂျစ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ Badr Abdelatty က ရှင်းပြ ခဲ့သည်။

သံအမတ်ကြီးများအား အပြန်အလှန်နှင်ထုတ်ခဲ့ကြသည့်ကိစ္စနှင့် ပတ်သက်၍ တူရကီသမ္မတ အက်ဘ်ဒူ လာဂူလ် (Abdullah Gul) က “နှစ်နိုင်ငံ ဆက်ဆံရေးဟာလမ်းကြောင်းမှန်ပေါ်ကို ပြန်ရောက်လိမ့်မယ် လို့ကျွန်တော် မျှော်လင့်ပါတယ်” ဟု တူရကီအစိုးရပိုင်TRT ရုပ်မြင်သံကြားသတင်းဌာနမှတစ်ဆင့် ပြောကြားခဲ့သည်။
Mizzima - News in Burmese