ပေါ်တူဂီ ပြင်သစ် ခြေစစ်ပွဲအောင်

ပို့စ်တင်ချိန် - 11/21/2013 10:24:00 AM

ဆွီဒင်နဲ့ ပေါ်တူဂီအသင်းတို့ ခြေစစ်ပွဲမှာ အကြိတ်အနယ် ကန်နေစဉ်။
၂၀၁၄ ကမ္ဘာ့ဖလားခြေစစ်ပွဲတွေ မနေ့အင်္ဂါနေ့က ကစားခဲ့တာမှာ ဥရောပဇုန်မှာ ပြင်သစ်၊ ပေါ်တူဂီ၊ ဂရိ နဲ့ ခရိုအေးရှားတို့ ခြေစစ်ပွဲအောင်သွား ကြပြီ ဖြစ်ပါတယ်။ ဆွီဒင်နဲ့ ပေါ်တူဂီပွဲမှာ ပေါ်တူဂီက ၃ ဂိုး ၂ ဂိုးနဲ့ နိုင်သွားတာကြောင့် ပေါ်တူဂီဟာ ၂ ပွဲပေါင်း ၄ ဂိုး ၂ ဂိုးနဲ့ ခြေစစ်ပွဲအောင်သွားပါတယ်။ ပေါ်တူဂီအတွက် ဂိုးတွေကို ရိုနာလ်ဒိုကပဲ သွင်းသွားတာပါ။

ပြင်သစ်နဲ့ ယူကရိန်းပွဲမှာတော့ ပြင်သစ်က ၃ ဂိုး ဂိုးမရှိနဲ့ နိုင်တာကြောင့် ၂ ပွဲပေါင်း ၃ ဂိုး ၂ ဂိုးနဲ့ နိုင်ပြီး ခြေစစ်ပွဲ အောင်သွားခဲ့ပါတယ်။ ပြင်သစ်အတွက် ဂိုးတွေကို  ဆာခိုက ၂ ဂိုးနဲ့ ဘန်ဇီးမားက ၁ ဂိုး သွင်းခဲ့ပါတယ်။ ဒါ့အပြင် ခရိုအေးရှားကလည်း အိုက်စလန်ကို ၂ ဂိုး ဂိုးမရှိနဲ့ နိုင်ပြီး ခြေစစ်ပွဲအောင်သွားသလို၊ ရိုမေးနီးယားနဲ့ ဂရိ ပွဲကတော့ ၁ ဂိုးစီ သရေကျသွားတာကြောင့် ဂရိအသင်းက ၄ ဂိုး ၂ ဂိုးနဲ့ ခြေစစ်ပွဲ အောင်သွားပြီ ဖြစ်ပါတယ်။

နယူးဇီလန်နဲ့ မက္ကဆီကိုပွဲမှာတော့ မက္ကဆီကိုက ၄ ဂိုး ၂ ဂိုးနဲ့ နိုင်လိုက်တာကြောင့် ၂ ပွဲပေါင်း ၉ ဂိုး ၃ ဂိုးနဲ့ မက္ကဆီကိုအသင်း ခြေစစ်ပွဲအောင်သွားခဲ့ပါတယ်။ အာဖရိကဘက်မှာတော့ ဂါနာနဲ့ အယ်လ်ဂျီးရီးယားတို့လည်း ခြေစစ်ပွဲ အောင်သွားပါတယ်။

ဗွီအိုအေ (မြန်မာပိုင်း)