ဘင်္ဂလာဒေခ်ျ့ ရွှေးကောက်ပွဲ ဇန္န၀ါရီ ၅ ရက်နေ့ ပြုလုပ်ရန်ကျေညာ၊ အတိုက်အခံ ၄၈ နာရီ သပိတ်နှင့်အတူ လူနှစ်ဦး သေဆုံး

ပို့စ်တင်ချိန် - 11/26/2013 06:42:00 PM

(နိရဉ္စရာ- ၂၆ နိုဝင်္ဘာ ၂၀၁၃)

မြန်မာ အိမ်နီးချင်း ဘင်္ဂလာဒေခ်ျ့ နိုင်ငံတွင် ရွှေးကောက်ပွဲ ကျင်းပမည့် အစီအစဉ်နှင့် ပတ်သက်ပြီး လက်ရှိ အာဏာရပါတီနှင့် အတိုက်ခံ ပါတီတို့ အကြား သဘောထား အကြီးအကျယ် ကွဲလွဲနေချိန်တွင် ရွှေးကောက်ပွဲ ကော်မရှင်က နောက်လာမည့် ဇန္န၀ါရီလ (၅) ရက်နေ့တွင်  ရွှေးကောက်ပွဲကို ပြုလုပ်ရန် ယမန်နေ့က ကျေညာသည်။

ထိုသို့ ကျေညာပြီးနောက် ချက်ချင်း အတိုက်အခံ ပါတီ ဘီအန်အိုင်ပီမှ ၎င်းရွှေးကောက်ပွဲ အစီအစဉ်ကို သပိတ်မှောက်ရန် (၄၈) နာရီကြာ အထွေထွေ သပိတ်ခေါ်ယူလိုက်ရာ ဘီအန်ပီ ပါတီ ထောက်ခံသူများက လုံခြုံရေး တပ်ဖွဲ့ဝင်များကို တိုက်ခိုက်မူများနှင့် အတူ လမ်းပေါ်တွင်သွားလာနေသော ကားများကို မီးရှို့တိုက်ခိုက်ခြင်း၊ လက်လုပ်ဗုံးများဖြင့် ဖေါက်ခွဲ တိုက်ခိုက်ခြင်း၊ လမ်းများကို ပိတ်ဆို့ခြင်းများ ပြုလုပ်ကြရာ အနည်းဆုံး လူ (၂) ဦး သေဆုံးသွားကြောင်း သတင်း ရရှိသည်။

၎င်းတိုက်ခိုက်မူများမှာ ယမန်နေ့ ညနေပိုင်းက ဖြစ်ပွားခဲ့ပြီး သေဆုံးသွားသူ နှစ်ဦးမှာ ဒက္ကားမြို့နှင့် ကော်မီလာမြို့တို့မှ ဖြစ်ကြသည်။ ယခုအခါ ဒက္ကားမြို့တော် အပါအ၀င် ခရိုင်မြို့များတွင် လုံခြုံရေး တပ်ဖွဲ့ဝင်များကို ဖြန့်ကျက် ချထားလိုက်ပြီဟု သိရသည်။

သို့သော်လည်း အတိုက်အခံ ပါတီ၏ အထွေထွေ သပိတ်ကြောင့် ယခုအခါ သယ်ယူပို့ဆောင်ရေး လုပ်ငန်းများ အားလုံး ရပ်တန့် သွားခဲ့ပြီး ကျောင်းများ၊ ဈေးဆိုင်များ၊ စက်ရုံ အလုပ်ရုံများကို ပိတ်ထားလိုက်ရပြီ ဖြစ်သည်။

ဘင်္ဂလာဒေခ်ျ့ နိုင်ငံတွင် လက်ရှိ အစိုးရပါတီ အ၀ါမီလိဂ်မှ နောက်လာမည့် ရွှေးကောက်ပွဲကို နိုင်ငံရေး ပါတီအားလုံးမှ ကိုယ်စားလှယ်များဖြင့် ဖွဲ့စည်းထားသော အစိုးရ လက်အောက်တွင် ပြုလုပ်ရန် စီစဉ်နေပြီး အတိုက်အခံ ပါတီ ဘင်္ဂလာဒေခ်ျ့ အမျိုးသား ပါတီ (ဘီအန်ပီ) ကမူ ကြားဖြတ် အစိုးရ လက်အောက်တွင် ပြုလုပ်ရန် တောင်းဆိုနေကာ လက်ရှိ အစိုးရကို နုတ်ထွက်ရန် တောင်းဆိုနေသည်။

ယခင်က ဘင်္ဂလာဒေခ်ျ့ နိုင်ငံ၏ ရွှေးကောက်ပွဲများကို ကြားဖြတ် အစိုးရ လက်အောက်တွင်သာ ကျင်းပ ခဲ့သော်လည်း  ယခုအစိုးရ မတက်မီ ၂၀၀၆ ခုနှစ်က ရွှေးကောက်ပွဲ ပြုလုပ်ရန် တက်လာသော ကြားဖြတ် အစိုးရသည် ရွှေးကောက်ပွဲကို မပြုလုပ်ဘဲ စစ်တပ်နောက်ခံဖြင့် နိုင်ငံရေး ခေါင်းဆောင်များကို ဖမ်းဆီးခြင်း၊ လာဘ်ပေး လာဘ်ယူမူ ပြုလုပ်သူများကို ထောင်ချခြင်းများပြုလုပ်ရာ ယခု ၀န်ကြီးချုပ် ဖြစ်နေသူ ရှိတ်ဟာဆီးနာနှင့် ယခု အတိုက်အခံ ဖြစ်နေသူ ခါလစ်ဒါဇီယာတို့ကိုပါ ဖမ်းဆီးပြီး အကျယ်ချုပ်ဖြင့် ချုပ်နှောင်ထားခဲ့သည်။

ဘင်္ဂင်္လာဒေခ်ျ့ ဖွဲ့စည်းပုံအရ ရွှေးကောက်ပွဲ ပြုလုပ်ရန် တက်လာသော ကြားဖြတ် အစိုးရသည် (၆) လအတွင်း ရွှေးကောက်ပွဲ ပြုလုပ်ပေးရမည်ဟု ပါရှိသော်လည်း ၂၀၀၆ ခုနှစ်က တက်လာသော ကြားဖြတ် အစိုးရသည် (၆) လအတွင်း ရွှေးကောက်ပွဲ ကျင်းပ ပြုလုပ်ပေးခြင်း မရှိဘဲ (၂ ) နှစ် ကျော်ထိ အာဏာကို ဆက်လက် ယူခဲ့ကာ ထိုအချိန် အတွင်း လာဒ်ပေး လာဒ်ယူမူ ပြုလုပ်သူ နိုင်ငံရေး သမားများ၊ ထိပ်ပိုင်း အစိုးရ အရာရှိများကို ပြင်းပြင်းထန်ထန် နှိမ်နှင်း နှိပ်ကွက်ခဲ့သည်။

၎င်းကြားဖြတ် အစိုးရသည် (၂) နှစ် နီးပါး ဘင်္ဂလာဒေခ်ျ့အား အုပ်ချုပ်ခဲ့ပြီး ၂၀၀၈ ခုနှစ်တွင် ရွှေးကောက်ပွဲ ကျင်းပပေးခဲ့ရာ လက်ရှိ အ၀ါမီလိဂ်ပါတီ ဦးဆောင်သော ၁၄ ပါတီ မဟာမိတ်ညွှန့်ပေါင်း အနိုင်ရရှိသွားခဲ့သည်။

ယင်းနောက်ပိုင်း လက်ရှိ အစိုးရမှ ပါလီမန်တွင် ကြားဖြတ် အစိုးရ စနစ်ကို ဖျက်သိမ်းပြီး ပါတီ ပေါင်းစုံမှ ကိုယ်စားလှယ်များ ပါဝင်သော အစိုးရအဖွဲ့ဖြင့် ရွှေးကောက်ပွဲပြုလုပ်မည့် စနစ်ကို အစားထိုးခဲ့သည်။

သို့သော်လည်း ဘီအန်ပီ ဦးဆောင်သော (၁၈) ပါတီ မဟာမိတ် အတိုက်အခံ အဖွဲ့မှ လက်ရှိ အစိုးရ၏ အစီအစဉ်ကို လက်မခံဘဲ ရွှေးကောက်ပွဲကို ကြားဖြတ် အစိုးရ လက်အောက်တွင် ပြုလုပ်ရန် တောင်းဆိုနေပြီး သက်တမ်းကုန်နေပြီ ဖြစ်သော လက်ရှိ အစိုးရကို ချွင်းချက်မရှိ နုတ်ထွက်ရန် တောင်းဆိုနေသည်။ သူတို့ အပြောအရ လက်ရှိ အစိုးရ နုတ်မထွက်ဘဲ ရွှေးကောက်ပွဲ ပြုလုပ်ပါက ၎င်းရွှေးကောက်ပွဲမှာ တရားမျှတ သော ရွှေးကောက်ပွဲ ဖြစ်လာမည် မဟုတ်ကြောင်း အတိုက်အခံ ပါတီက ပြောဆိုထားသည်။

ထိုသို့ အတိုက်အခံတို့  တောင်းဆိုနေချိန်တွင် ရွှေးကောက်ပွဲ ပြုလုပ်ရန် အချိန်ဇယားကို ရွှေးကောက်ပွဲ ကော်မရှင်က ကျေညာလိုက်ရာ အတိုက်အခံ ပါတီအား မကျေနပ်မူများနှင့် အတူ ဒေါသဖြစ်စေခဲ့ပြီး ယခုကဲ့သို့ အထွေထွေ သပိတ်နှင့် အတူ ဆူပူမူများ ပေါ်ပေါက်လာခြင်း ဖြစ်သည်။

ဘင်္ဂလာဒေခ်ျ့ နိုင်ငံ၏ နိုင်ငံရေး အခြေအနေမှာ လောလောဆယ်တွင် အထူး မတည်ငြိမ်မူများ ပေါ်ပေါက်နေပြီး တိုက်ခိုက် ဆူပူမူများလည်း မကြာခဏ ပေါ်ပေါက်နေသဖြင့် အတိုက်အခံ ဘီအန်ပီမှ ခေါင်းဆောင် အများအပြားကို လက်ရှိ အစိုးရမှ ဖမ်းဆီးထားပြီး ထောင်ထဲကို ပို့ထားသည်။

နောက်လာမည့် ရွှေးကောက်ပွဲတွင် ဘင်္ဂလာဒေခ်ျ့နိုင်ငံတွင် မဲပေးနိုင်သူ အရေအတွက်မှာ ၉၁၉၆၆၂၉၀ ယောက်ရှိပြီး မဲရုံပေါင်း ၃၈၀၀၀ တွင် မဲပေးကြမည်ဟု ရွှေးကောက်ပွဲ ကော်မရှင်က ကျေညာထားသည်။

narinjara burmese news