ဝိသမစီးပွားရှာသူများကြောင့် ရေချိုသားငါး၊ ပုစွန်များမျိုးပွားရှင်သန်ရေးနှင့် စားသုံးသူများအဆိပ်သင့်စေနိုင်

ပို့စ်တင်ချိန် - 11/11/2013 04:07:00 PM

ဘားအံ နိုဝင်ဘာ ၉
ကရင်ပြည်နယ် သံလွင်မြစ်ကြော တစ်လျှောက် အထူးသဖြင့် ဘားအံ မြို့နယ်တွင်း မြစ်ကြော၊ ချောင်း၊ တူးမြောင်းများ၊ အင်းအိုင်များတွင် နေ့ (သို့) ည အထူးသဖြင့် ညအချိန်အခါ များတွင် အသေးစား၊ အကြီးစား ကျဉ်စက်များ (ဘက်ထရီဖြင့် ရှော့ ရိုက်ခြင်း)၊ တစ်ဖက်နိုင်ငံထုတ် ပိုး သတ်ဆေးအပြင်းစား (ဓာတုဆေးဝါး)များ အသုံးပြု၍ သားငါး၊ ပုစွန်များကို ဖမ်းဆီးခြင်းဖြင့် စီးပွားရှာနေကြသည်။
ゞင်းတို့စီးပွားရှာရာတွင် အသုံး ပြုသည့် ကျဉ်စက်အသေးစားများသည် ရေပြင်အကျယ် ၂ပေ_၃ ပေ၊ ရေ အနက် ၂ ပေ _ ၃ ပေတွင်ရှိသော သားငါး၊ ပုစွန်တို့နှင့် ရေသတ္တဝါများကို သေကျေပျက်စီးစေနိုင်သည်။ ကျဉ်စက် အကြီးစားများမှာမူ ရေပြင်အကျယ် ငါးပေ၊ ခြောက်ပေပတ်လည်နှင့် ရေ အနက် ငါးပေ၊ ခြောက်ပေအနက် တွင်ရှိသော သားငါး၊ ပုစွန်နှင့် အခြား ရေသတ္တဝါများကို သေစေရုံသာမက လျှပ်စစ်စက်ကွင်းအတွင်း ရောက် ရှိသော လူနှင့်အခြားသတ္တဝါများ လုပ်ငန်းလုပ်ကိုင်ရင်း မတော်တဆ ပြုတ်ကျခဲ့လျှင် သေဆုံးနိုင် သည်အထိ အားပြင်းလှသည်။ ကျဉ်စက်ကြီးများဖြင့် စီးပွားရှာသူ များသည် သေကျေ၍ ရေပေါ်ပေါ် လာသော သားငါးအကောင်ကြီးများ ကိုသာ ခပ်ခွက်များဖြင့် ခပ်ယူသွား ကြပြီး ကျန်ရေသတ္တဝါငယ်လေးများ မှာ သေကျေပျက်စီးကျန်ရစ်ခဲ့ သည်။
လျှပ်စစ်ကျဉ်စက် ထိသော်လည်း မသေဘဲကျန်ရစ်ခဲ့သော သားငါး၊ ပုစွန်များမှာ ကျောရိုးကျိုးပြီးမသေမရှင် ဒုက္ခိတရေသတ္တဝါအဖြစ်သာ ရှင်သန် ခွင့်ရကြပြီး သားငါးပုစွန် အမများ မှာ သုံးနှစ်တိုင် ဥမဥနိုင်ခြင်းကြောင့် မျိုးဆက်ပြန့်ပွားမှု ကျဆင်းရခြင်း ကြောင့် စားနပ်ရိက္ခာဖူလုံမှုကိုပါ ထိခိုက်နစ်နာစေသည်။ အခြေခံ မိသားစုဝမ်းရေးရှာဖွေစားသောက်ရ သော တံငါသည်များ အခက်ကြုံ ရတော့သည်။ ထို့ပြင် တစ်ဖက်နိုင်ငံ ထုတ် ဓာတုပိုးသတ်ဆေးအပြင်းစား များဖြင့် သံလွင်မြစ်ရေပြင်ရေစီးဆင်းမှုအထက်ကမ်းခြေမှ ပေ ၂၀ ခန့် အကွာမှ ပိုးသတ်ဆေးများ ဖျန်းချလိုက် ခြင်းဖြင့် ရေပြင်ကိုက် ၂၀ဝ မှ ၃၀ဝ အထိ ရေစီးကြောင်းအတွင်း ပျံ့နှံ့ သွားပြီး ရေနေသားငါး၊ ပုစွန်ကြီးငယ် တို့မှာ ရေထဲတွင်မနေနိုင်တော့ဘဲ ကမ်းခြေရေစပ်သို့ ပြေးကပ်လာကြ တော့သည်။ သံလွင်မြစ်ကမ်းနံဘေး နေပြည်သူများမှာလည်း သောက်သုံး ရေအဖြစ် မြစ်ရေကိုသာ မှီခို အားထားကြသဖြင့် ချက်ချင်း အဆိပ်မသင့်သော်လည်း တဖြည်း ဖြည်းချင်း အဆိပ်သင့်သေဆုံးစေ နိုင်သည်။
ကျဉ်စက်ကြီးများ၊ ပိုးသတ်ဆေး အသုံးပြုစီးပွားရှာကြသူများကြောင့် သားငါးပုစွန်မျိုးသုဉ်းပျက်စီးစေနိုင် ခြင်း၊ စားနပ်ရိက္ခာကျဆင်းစေခြင်း၊ ဝမ်းစာရှာဖွေလုပ်ကိုင်ကြရသော အခြေခံပြည်သူများ၊ ရေလုပ်ငန်းဖြင့် မှီခိုအသက်မွေး ဝမ်းကျောင်းနေသူ များ ပိုမိုဆင်းရဲတွင်း နက်စေခြင်း များကြောင့် နိုင်ငံတော်၏ဆင်းရဲမှု လျှော့ချရေးစီမံချက်ကို ငါးလုပ်ငန်း ဦးစီးဌာနအနေဖြင့် တစ်ဖက် တစ်လမ်းက ပါဝင်ပံ့ပိုးနိုင်ရေးအတွက် ဝိသမစီးပွားရှာကြသူများအား ထိထိ ရောက်ရောက် အမြန်ဆုံးထိန်းသိမ်းနိုင် စေရေးအတွက် အသိပေးနှိုးဆော် ရေးသားဖော်ပြအပ်ပါသည်။
ထွန်းထွန်းထွေး(ဘားအံ)
The Mirror Daily