ခိုက်ရန်ဖြစ်ပွားမှုများနှင့် လုယက်မှုများ ဖြစ်ပွားနေသည့် အင်းလျားနှင့် မြကျွန်းသာ ကန်ပေါင်တို့တွင် ည ၁၂ နာရီ နောက်ပိုင်း လာရောက်ခွင့် မပြုတော့

ပို့စ်တင်ချိန် - 11/29/2013 03:44:00 PM

အောက်တိုဘာ ၃၀ ရက် ညပိုင်းက အင်းလျား ကန်ပေါင်တွင် လုံခြုံရေး ဆောင်ရွက်နေသော ရဲတပ်ဖွဲ့ဝင်များနှင့် လာရောက် အပန်းဖြေနေသူများ (ဓာတ်ပုံ-ဥာဏ်ဝင်းရှိန်)

ရန်ကုန်တိုင်း ဒေသကြီးအတွင်း လှိုင်မြို့နယ်နှင့် ကမာရွတ်မြို့နယ်ရှိ အင်းလျားကန်ပေါင်နှင့် မရမ်းကုန်း မြို့နယ်ရှိ မြကျွန်းသာ ကန်ပေါင်တို့တွင် ခိုက်ရန်ဖြစ်ပွားမှုများနှင့် လုယက်မှုများ မကြာခဏ ဖြစ်ပွားနေကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ စုံစမ်းသိရှိရသည်။

အဆိုပါကဲ့သို့ ခိုက်ရန်ဖြစ်ပွားမှုများနှင့် လုယက်မှု ဖြစ်စဉ်များကြောင့် ယင်းအနားယူ အပန်းဖြေနိုင်သည့် ကန်ပေါင်နှစ်ခုတွင် ည ၁၂ နာရီ နောက်ပိုင်း လာရောက်ခွင့် မပြုတော့ကြောင်း သိရှိရသည်။

ရန်ကုန်တိုင်း ဒေသကြီး အနောက်ပိုင်း ခရိုင်ရဲတပ်ဖွဲ့မှူးရုံးမှ တပ်ဖွဲ့မှူး ဒုတိယရဲမှူးကြီး ၀င်းကြည်က ''အဲဒီအင်းလျား ကန်ဘောင်နဲ့ မြကျွန်းသာ ကန်ပေါင်မှာ လုယက်မှုတွေ၊ အချင်းချင်း ရန်ဖြစ်မှုတွေ ဖြစ်ပွားနေတယ်။ ဒါကြောင့် ထပ်မံပြီး မဖြစ်ပွားစေဖို့ အတွက် ည ၁၂ နာရီကျော်ရင် လာရောက်ခွင့် မပြုတော့ပါဘူး။ ည ၁၂ နာရီ ရောက်တာနဲ့ ရဲတပ်ဖွဲ့ဝင်တွေ ရပ်ကွက်အုပ်ချုပ်ရေးပိုင်းက တာဝန်ရှိသူတွေနဲ့ စည်ပင်သာယာက ၀န်ထမ်းတွေ ပူးပေါင်းပြီးတော့ သတိပေးမှုတွေ ပြုလုပ်တယ်။ အခုလည်း လာရောက်ခွင့် မပြုဘူး ဆိုတာကို ပညာပေးမှုတွေ လုပ်ဆောင် နေပါတယ်'' ဟု နိုဝင်ဘာ ၂၈ ရက် နံနက်ပိုင်းတွင် ပြောကြားသည်။

အဆိုပါ အင်းလျားကန်ပေါင်နှင့် မြကျွန်းသာ ကန်ပေါင်တို့တွင် လစဉ် လုယက်မှုနှင့် ခိုက်ရန်ဖြစ်ပွားမှုဖြစ်စဉ် အရေအတွက် ၁၅ မှုဝန်းကျင် ဖြစ်ပွားနေကြောင်း သိရှိရသည်။

ဆက်လက်၍ ''အဓိက ဒီလိုည ၁၂ နာရီ ကျော်ရင် တက်ရောက်ခွင့် မပြုရတဲ့ အကြောင်းရင်းကတော့ မလိုလားအပ်တဲ့ မှုခင်းဖြစ်စဉ်တွေ ဆုံးရှုံးမှုတွေ မဖြစ်စေဖို့အတွက် ဆောင်ရွက်ရခြင်း ဖြစ်ပါတယ်'' ဒုတိယရဲမှူးကြီး ၀င်းကြည်က ပြောကြားခဲ့သည်။

အင်းလျားကန်ပေါင်တွင် ဖြစ်ပွားခဲ့သော ဖြစ်စဉ်များအနက် အုပ်စုဖွဲ့ရိုက်နှက်မှု ဖြစ်စဉ်တစ်ခုမှာ ၂၀၁၂ ခုနှစ်၊ အောက်တိုဘာ ၁ ရက် ည ၁၂ နာရီအချိန်တွင် လုံခြုံရေးဝန်ထမ်း တစ်ဦးက ည ၉ နာရီ ကျော်သွားသဖြင့် လာရောက် လည်ပတ်နေသူများကို ပြန်ခိုင်းရာ မကျေနပ်သူ လူငယ်အုပ်စု တစ်ဖွဲ့က ဆိုင်ကယ်များဖြင့် အုပ်စုဖွဲ့ ပြန်လည် ရောက်ရှိလာပြီး အဆိုပါဝန်ထမ်းနှင့် ကန်ပေါင်ပေါ်ရှိ ဆိုင်စောင့် ၀န်ထမ်းအချို့ကို ၀ိုင်းဝန်းရိုက်နှက် ခဲ့ကြောင်း သိရသည်။ ဖြစ်စဉ်မှ ကျူးလွန်သူများကို ဖမ်းဆီးခဲ့ကာ တရားဥပဒေနှင့်အညီ အရေးယူခဲ့ကြောင်း သိရှိရသည်။

အဆိုပါ ဖြစ်စဉ်ဖြစ်ပွား ပြီးနောက် အင်လျားကန်ပေါင်ပေါ်တွင် ဒီမိုကရေစီ စနစ်နှင့်အညီ ပိတ်ချိန်ကို သတ်မှတ်ချိန် မရှိတော့ဘဲ လွတ်လပ်စွာ နေထိုင်ခွင့် ပြုခဲ့သည်။

ယင်းနောက်ပိုင်းတွင် အဆိုပါ အင်းလျားကန်ပေါင်၌ လူငယ်များအုပ်စုဖွဲ့ သောက်စားပြီးနောက် ရမ်းကားခြင်းများ၊ အချင်းချင်း ခိုက်ရန်ဖြစ်ပွားမှုများ၊ လုယက်မှုများ၊ ခါးပိုက်နှိုက် ခံရမှုများ၊ ခိုးမှုဖြစ်စဉ်များ၊ ကန်ပေါင်ပေါ်ရှိ ပစ္စည်းများ ဖျက်ဆီးခံရမှုနှင့် ခြိမ်းခြောက်ငွေ တောင်းခံရမှုများ မကြာခဏ ဖြစ်ပွားလာခဲ့ကြောင်း သိရသည်။

Eleven Media Group