ကျန်းမာဖို့ ကြံရည်သောက်စို့
ပို့စ်တင်ချိန်
- 11/22/2013 08:16:00 PM
မြက်မျိုးနွယ်ဝင် ကြံပင်များသည် သဘာဝအလျောက်ပေါက်ရောက်လေ့ ရှိပြီး ၄င်း၏ဆေးစွမ်းအာနိသင်ထက်မြက် မှုကြောင့် ယခုအခါ ကမ္ဘာ့နိုင်ငံပေါင်း ၂ဝဝ ကျော်တွင် စီးပွားဖြစ်စိုက်ပျိုးလျက် ရှိသည်။ ယေဘုယျအားဖြင့် ကြံညို၊ ကြံနီ၊ ကြံဖြူဟူ၍ သုံးမျိုးရှိကာ ကြံဖြူ နှင့် ကြံနီတို့က အရသာပိုချိုပါသည်။ ကြံပင်ထဲတွင် လူသားတို့ ကျန်းမာရေးကို ကောင်းကျိုးပြုစေသော ဗီတာမင်နှင့် သတ္တုဓာတ်တို့ ကြွယ်ဝစွာ ပါရှိသည့်အပြင် အပင်များတွင်တွေ့ရခဲသော Phytonutrients တစ်မျိုးဖြစ်သည့် ကလိုရိုဖီးလ် ကိုလည်း တွေ့ရသည်။ ထို့ကြောင့် မြန်မာ့ ဆေးကျမ်းများတွင်သာမက နိုင်ငံတကာ ကျန်းမာရေးလမ်းညွှန် စာအုပ်များထဲတွင် ကြံရည်ကို 'အာဟာရပြည့်စူပါဖျော်ရည်' အဖြစ် တခမ်းတနားရေးသား ဖော်ပြထား ကြသည်။
Glycemic ဓာတ်ပါဝင်မှုနည်းပါး ခြင်းကြောင့် ကျန်းမာရေးနှင့်ညီညွတ်စေ သည်။ အအေးမိ၊ နှာစေးခြင်းနှင့် လည် ချောင်းနာခြင်းတို့ကို ထိထိရောက်ရောက် ကာကွယ်ပေးသည်။ သကြားဓာတ် ၁၅ ရာခိုင်နှုန်းပါရှိသော်လည်း သွေးထဲရှိ သကြားဓာတ်ကို မျှတစေသဖြင့် ဆီးချို ရောဂါသည်များ အကြောက်အရွံ့မရှိသုံး ဆောင်နိုင်ကြောင်း သြစတြေးလျ သုတေသီများက အကြံပြုထားကြသည်။ (သို့သော် Type-2 ဆီးချိုသမားများ အနည်းငယ်သာ သောက်သုံးသင့်သည်) Phytonutrients (ခေါ်) အဆင့်မြင့်ဓာတ်တိုး ဆန့်ကျင်ပစ္စည်းပါရှိခြင်းကြောင့် ကင်ဆာ ရောဂါများကို တိုက်ထုတ်ပေးသည်။ အထူးသဖြင့် သုက်ရည်ဂလင်းနှင့် ရင်သား ကင်ဆာများမဖြစ်လာအောင် တားမြစ် ပေးနိုင်စွမ်း ရှိသည်။
နေပူလောင်ခြင်းနှင့် ပင်ပန်းနွမ်း နယ်မှုများအတွက် အညိုရောင်ကြံရည်က ခန္ဓာကိုယ်ကို အချိန်တိုအတွင်းမှာပင် ရေဓာတ်အားဖြည့်ပေးနိုင်သည်။ြ<ွကက် သားများ၊ အစာအိမ်၊ ကျောက်ကပ်၊ နှလုံး၊ မျက်စိ၊ ဦးနှောက်နှင့် လိင်အင်္ဂါအစိတ် အပိုင်းများကို ခွန်အားဖြစ်စေသည်။ ကျောက်ကပ်ကို အားပေးပြီး ဆီးချုပ်၊ ဆီးအောင့်ခြင်းမှ ကာကွယ်ပေးသည်။ အပူရှပ်၍ ဖျားချင်ချင်ခံစားနေရသူများ အတွက် ကြံရည်က ကိုယ်တွင်းအပူ ငြိမ်းစေပြီး ပရိုတင်းအားဖြည့်ဓာတ်စာ အဖြစ် သုံးနိုင်သည်။ အမျိုးသားများ Spermatorrhoea (ခေါ်)သုက်ယိုရောဂါ နှင့် ဆီးကျိတ်ရောင်ခြင်းအတွက် အနီရောင် ကြံရည်ကို သံပရာရည် (သို့မဟုတ်) ချင်းရည် (သို့မဟုတ်) အုန်းရည်ဖြင့် ရောသောက်ပေးခြင်းဖြင့် ရောဂါသက်သာ လာစေသည်။
အဖြူရောင်ကြံရည်တွင် ရှောက် ရည် (သို့မဟုတ်) လိမ္မော်ရည်တို့ကို အနည်းငယ်ရောသောက်ပါက အာဟာရ ပြည့်ဝပြီး ပိန်သူကိုဝစေ၍ အသက်လည်း ရှည်စေသည်။ အသည်းရောင်အသား ဝါရောဂါသည်များကို အလျင်အမြန် အားပြန်ပြည့်စေသည်။ ကစီဓာတ်အလုံ အလောက်ပါရှိခြင်းကြောင့် အားပြည့် လန်းဆန်စေကာ သက်လုံကောင်းစေ သဖြင့် အားကစားသမားများနှင့် ကာယ လုပ်အားရှင်များအတွက် အထူးသင့် တော်၏။ အစာကြေစေပါသည်။ ထို့ပြင် ပိုတက်စီယမ်အမြောက်အမြားပါရှိခြင်း ကြောင့် ဝမ်းပျော့စေသည်။ ကိုယ်ခန္ဓာ အတွက် မကောင်းသောကိုလက်စထရော ကို ကျစေသည်။ ရက်သတ္တပတ်လျှင် သုံးခွက်မျှ ကြံရည်သောက်သုံးခြင်းဖြင့် အာရုံကြောအဖွဲ့အစည်းကိုအားကောင်း စေကာ မှတ်ဥာဏ်
စွမ်းအားတိုးတက် လာစေကြောင်း ဗြိတိသျှသုတေသီများက အကြံပြုထားသည်။
မှတ်ချက်။ ကြံဖြူပင်သည် ချွဲသလိပ်ထစေတတ်၍ အလွန်အကျွံ မသောက်သင့်ပါ။
ထို့ကြောင့် ယခုလို နွေပူပူရင်ပူပူတွင် အပူငြိမ်းသည်းခြေအေးစေသော ကြံရည် ကို သဘာဝ၏အာဟာရအဖြစ် သောက် သုံးပေးသင့်ပါကြောင်းနှင့် ကျန်းမာရေး အတွက် ကြံရည်သောက်ရန် အသင့်တော် ဆုံးအချိန်မှာ နေ့လယ်ပိုင်းဖြစ်ကြောင်း သတင်းကောင်းပါးလိုက်ရပါသည်။
(Ref: Dr JV Hebbar,an Ayurveda Doctor )
ပေါက်ပေါက် - The Union Daily
