ရန်ကုန်ကောလိပ်နှင့် ဂျပ်ဆင်ကောလိပ်တို့မှသည် ရန်ကုန်တက္ကသိုလ်ဆီသို့ ...

ပို့စ်တင်ချိန် - 11/12/2013 10:07:00 AM

ရန်ကုန်တက္ကသိုလ်သည် ရန်ကုန်ကောလိပ်နှင့် ဂျပ်ဆင်ကောလိပ်တို့အား အခြေခံ၍ ပေါ်ပေါက်လာခဲ့ခြင်း ဖြစ်သည်။

ရန်ကုန်ဟိုက်စကူးကျောင်း

ရန်ကုန်ကောလိပ်သည် ရန်ကုန်အစိုးရ ဟိုက်စကူးကျောင်း (Government High School)ကို မူတည်၍ စတင်ပေါ်ပေါက်လာခဲ့ခြင်း ဖြစ်ပါသည်။ ရန်ကုန်အစိုးရ ဟိုက်စကူးကျောင်းကို ကိုလိုနီခေတ် ၂ မတ် ၁၈၇၄ ကပင် စတင်ဖွင့်လှစ် ခဲ့ပါသည်။ ယင်းဟိုက်စကူး ကျောင်းမှ အထက်တန်း အဆင့်ကိုသာ အမြင့်ဆုံး သင်ယူနိုင်ကြသည်။ တက္ကသိုလ်ပညာ ဆက်လက် သင်ယူနိုင်ခြင်း မရှိပေ။

အစောပိုင်းကာလတွင် ကာလကတ္တားနှင့် မဒရပ်မြို့များသို့ သွားရောက်ကာ တက္ကသိုလ်ပညာ သင်ယူကြရ၏။ အက်(ဖ်)အေ (First Arts)စာမေးပွဲ ဖြေဆိုအောင်မြင် ကြပြီးနောက် ဘီအေဒီဂရီအတွက် ဆက်လက် ဖြေဆိုကြရ၏။ သို့ဖြစ်၍ ငွေကြေးချမ်းသာ သူများသာ တက္ကသိုလ် ပညာအတွက် အိန္ဒိယသို့ သွားရောက် ပညာသင်ယူ နိုင်ခဲ့ကြသည်။

ရန်ကုန်ကောလိပ် အဆင့်သို့

၁၈၈၁ ခုနှစ်တွင် ရန်ကုန်အစိုးရ ဟိုက်စကူးကျောင်းရှိ အထက်တန်းပြ ဆရာများက အခမဲ့အဖြစ် မိမိတို့ ကျောင်း၌ပင် ကာလကတ္တား တက္ကသိုလ်မှ ပြုလုပ်သော အက်(ဖ်)အေ စာမေးပွဲအတွက် သင်တန်းများ ပို့ချပေးခဲ့ကြသည်။ ၁၈၈၀-၈၁ ခုနှစ် သင်တန်းဖွင့်လှစ်စက ကျောင်းသားရှစ်ဦးသာ ရှိခဲ့ရာ နောက်နှစ်များတွင် တစ်စတစ်စ ပိုမိုများပြား လာခဲ့သည်။ ၁၈၈၃-၈၄ ခုနှစ်များတွင် ဘီအေဒီဂရီ စာမေးပွဲ ၀င်ရောက်ဖြေဆိုနိုင်ရန် သင်တန်းကို တိုးချဲ့ဖွင့်လှစ် နိုင်ခဲ့သည်။

ရန်ကုန်ဟိုက်စကူး ကျောင်းတွင် တက္ကသိုလ် ပညာများ စတင်သင်ကြား ပေးခဲ့ပြီး ကာလကတ္တား တက္ကသိုလ်ဝင် စာမေးပွဲများလည်း ဖြေဆိုလျက် ရှိပြီဖြစ်ရာ ရန်ကုန်အစိုးရ အထက်တန်းကျောင်းကို ၁ မတ် ၁၈၈၅ တွင် ကာလကတ္တား တက္ကသိုလ် လက်အောက်ခံ ပထမတန်း ဘီအေဒီဂရီ ကောလိပ်အဖြစ် အသိအမှတ် ပြုခဲ့ပါသည်။ ကောလိပ်အမည်ကိုလည်း ရန်ကုန်ကောလိပ် (Rangoon College) ဟု ခေါ်ဆိုကြသည်။

ကူရှင်ကျောင်း

ဂျပ်ဆင်ကောလိပ်ခေါ် ယုဒဿန်ကောလိပ်၏ အစမှာ ဘက်(ပ) တစ်ကောလိပ် (Baptist College) ကျောင်းဖြစ်ပါသည်။ ၁၈၇၂ ခုနှစ်တွင် အမေရိကန် နှစ်ခြင်းခရစ်ယာန်မစ်ရှင် အဖွဲ့က စတင်တည်ထောင်ခဲ့သော ကျောင်းဖြစ်သည်။ ယင်းကို ကျောင်းအုပ်ဆရာကြီး ဂျေအဲန်ကူရှင်(J N Cushing)(၁၈၉၄-၁၉၀၆) အား အစွဲပြု၍ နောက်ပိုင်း ကူရှင်အထက်တန်းကျောင်းဟု ခေါ်ဆိုခဲ့ကြသည်။ (ယခု အလုံအထက-၄ ဖြစ်ပါသည်။)

ဂျပ်ဆင်ကောလိပ်

ကူရှင်အထက်တန်းကျောင်းမှ ၁၈၉၄ ခုနှစ်တွင် ကောလိပ်ဌာနတစ်ခု စတင်ဖွင့်လှစ်ကာ အက်(ဖ်)အေ စာမေးပွဲများကို ကျင်းပပေးခဲ့သည်။ ထိုစဉ်က ကာလကတ္တား တက္ကသိုလ်နှင့် ချိတ်ဆက်ထားခြင်းဖြစ်၏။ ကျောင်းလခမှာ ကောလိပ်ကျောင်းသားများ အတွက် ငါးရူပီးဖြစ်ပြီး အထက်တန်း ကျောင်းသားများ အတွက်မူ လေးရူပီး ဖြစ်ပါသည်။

၁၈၉၄ ခုနှစ် မေလ ကောလိပ်စတင် ဖွင့်လှစ်ချိန်မှ သုံးနှစ်အတွင်း ကောလိပ်တက်သူ ကျောင်းသား ၂၃ ဦးရှိခဲ့ပြီး ၁၈၉၆ ခုနှစ်တွင် တစ်ဦး၊ ၁၈၉၇ ခုနှစ်တွင် သုံးဦး အက်(ဖ်)အေ စာမေးပွဲ အောင်မြင်ခဲ့သည်။ ၁၉၁၈ ခုနှစ်တွင် နှစ်ခြင်းခရစ်ယာန် သာသနာပြု ဒေါက်တာဂျပ်ဆင် (ဆရာယုဒဿန်)ကို ဂုဏ်ပြုသောအားဖြင့် ဂျပ်ဆင်ကောလိပ်ဟု အမည်ပြောင်းလဲ ခေါ်ဆိုခဲ့သည်။

၁၉၂၀ ပြည့်နှစ်တွင် တစုတစည်းတည်းသော တက္ကသိုလ်စနစ်ကို စတင်တည်ထောင်သောအခါ ဂျပ်ဆင်ကောလိပ်သည် ရန်ကုန်တက္ကသိုလ် (ထိုခေတ်အခေါ် ယူနီဗာစီတီကောလိပ်) နှင့် အပေါင်းပါ ဖြစ်လာခဲ့သည်။ ဂျပ်ဆင်ကောလိပ်တွင် ကရင်တိုင်းရင်းသား အများအပြား တက်ရောက် ကြသဖြင့် ကရင်ကျောင်းဟုလည်း ခေါ်ဆိုကြသည်။

ရန်ကုန်တက္ကသိုလ် အက်ဥပဒေ

ရန်ကုန်ကောလိပ်သည် ကာလကတ္တား လက်အောက်ခံ ဒီဂရီကောလိပ် အဖြစ်မှ ၆ ဒီဇင်ဘာ ၁၉၂၀ တွင် ယူနီဗာစီတီ အက်ဥပဒေကို အတည်ပြုကာ သီးခြားရပ်တည် လာခဲ့သည်။ ထိုစဉ်က ယူနီဗာစီတီ အက်ဥပဒေကို မကျေနပ် ကြသဖြင့် ရန်ကုန်ကောလိပ်နှင့် ဂျပ်ဆင်ကောလိပ်တို့မှ ကျောင်းသားကြီးများ ဦးဆောင်ကာ သပိတ်မှောက်ခဲ့ကြရာ ပထမကျောင်းသား သပိတ်ကြီး ပေါ်ပေါက်လာခဲ့သည်။ (သို့သော် နောက်ပိုင်း ဗြိတိသျှအစိုးရက လိုက်လျောမှုအချို့ ရှိခဲ့သဖြင့် သပိတ်ပြန်လှန်ကာ သပိတ်မှောက် ကျောင်းသားအချို့ ယူနီဗာစီတီသို့ ပြန်တက်ခဲ့ကြသည်။ အချို့က ဗဟန်း၌ တည်ထောင်ခဲ့သည့် အမျိုးသား ကောလိပ်သို့ တက်ရောက်ခဲ့ကြ၏)

ဖွင့်လှစ်စ ယူနီဗာစီတီကောလိပ်

ရန်ကုန်ယူနီဗာစီတီ ကောလိပ် ဖွင့်လှစ်စက သင်ကြားရေးအဖွဲ့ ၁၂ ဖွဲ့၊ ဌာန ၁၂ ခု ထားရှိခဲ့သည်။ သို့သော် ဌာနအသီးသီး၌ ပါမောက္ခ (ထိုခေတ်အခေါ် စာပို့ဆရာကြီး) များ ပြည့်စုံစွာ မခန့်နိုင်သေးသဖြင့် ခြောက်ဌာနသာ ဖွင့်လှစ်နိုင်ပါသေးသည်။ ယင်းခြောက်ဌာနနှင့် ပါမောက္ခများမှာ အင်္ဂလိပ်စာဌာန-မစ္စတာစလော့စ်၊ အရှေ့တိုင်းပညာဌာန- မစ္စတာဒူရွိုင်ဇယ်၊ သင်္ချာဌာန-မစ္စတာအိုဝင်၊ ဓာတုဗေဒဌာန-ဟန်းတား၊ ဒဿနိကဗေဒ ဌာန-ရော့ခ်၊ ဥပဒေ ပညာဌာန-ဦးမေအောင် တို့ ဖြစ်ကြသည်။ တက္ကသိုလ်ဝင်တန်း အောင်မြင်သူများ အနေဖြင့် ယူနီဗာစီတီကောလိပ် တက်ရောက်လိုပါက ဥပစာတန်းကို ဦးစွာတက်ရောက် ကြရသည်။ ဥပစာသိပ္ပံ၊ ဥပစာဝိဇ္ဇာတန်းကို နှစ်နှစ်တက်ရောက် ကြရခြင်းဖြစ်၏။ ထို့နောက် သိပ္ပံတန်း၊ ၀ိဇ္ဇာတန်းများတွင် နှစ်နှစ်ဆက်လက် ပညာဆည်းပူး ကြရကာ ဘွဲ့အသီးသီး ရရှိကြလေသည်။

ပထမဆုံး ဘွဲ့နှင်းသဘင်

ရန်ကုန်တက္ကသိုလ်၏ ပထမဆုံး ဘွဲ့နှင်းသဘင် အခမ်းအနားကို ၂၈ နိုဝင်ဘာ ၁၉၂၁ တွင် ရန်ကုန်မြို့ ဂျူဗလီဟော (ယခု စစ်သမိုင်းပြတိုက်နေရာ) ၌ စတင်ကျင်းပခဲ့သည်။ ထိုစဉ်က ယခုရန်ကုန် တက္ကသိုလ် နေရာမှ တက္ကသိုလ် အဆောက်အအုံများ မရှိသေးသကဲ့သို့ ဘွဲ့နှင်းသဘင် ခန်းမလည်း မရှိသေးပေ။ ပထမဆုံး ဘွဲ့နှင်းသဘင် အခမ်းအနားသို့ ရန်ကုန်တက္ကသိုလ် အဓိပတိ ဒုတိယဘုရင်ခံ ဆာရယ်ဂျီနယ်ကရက်ဒေါက် ကြီးမှူးလျက် ရန်ကုန်အုပ်ချုပ်ရေးဆိုင်ရာ အရေးပါသော ပုဂ္ဂိုလ်များ တက်ရောက်ခဲ့ကြသည်။ သို့သော် ထိုအချိန်ကာလအထိ ရန်ကုန်ယူနီဗာစီတီ ကျောင်းတိုက်ဟုသာ ခေါ်ဆိုလေ့ ရှိခဲ့ကြသည်။ လက်ရှိဘွဲ့နှင်းသဘင် ခန်းမကို ၂ ဒီဇင်ဘာ ၁၉၂၂ တွင် အုတ်မြစ်ချ တည်ဆောက်ခဲ့သည်။

အဆင့်အတန်းခွဲခြားမှု

ဤတွင် တက္ကသိုလ်ဝင်တန်း၌ ဂုဏ်ထူးဖြင့် အောင်မြင်ခဲ့ကြသူများ၊ အမှတ်ကောင်း သူများသည် ဥပစာတန်းကို နှစ်နှစ်မနေရဘဲ တစ်နှစ်တည်းပေါင်း၍ တက်ရသည်လည်း ရှိပါသည်။ ယင်းကျောင်းသားများကို အထူးကျောင်းသားများဟု ဆိုနိုင်ပါသည်။ သို့သော် ၁၉၂၅ ခုနှစ် မတ်လတွင် ကျင်းပခဲ့သည့် တက္ကသိုလ်ဝင်တန်း စာမေးပွဲမှစပြီး အောင်စာရင်းကို (က) (ခ) ခွဲလိုက်ရာ (က)ဖြင့် အောင်မြင်သူများ ရန်ကုန်ယူနီဗာစီတီ ကောလိပ်သို့ တိုက်ရိုက်တက်ရောက် နိုင်ကြသော်လည်း (ခ)ဖြင့် အောင်မြင်သူများမှာ တစ်နှစ် အကြိုသင်တန်း တက်ကြရသည်။ (ထိုအတန်းကို ဂွတန်းဟု အရပ်အခေါ်ဖြင့် ခေါ်ဆိုကြပါသည်။) ၀ိဇ္ဇာ၊ သိပ္ပံ ဂုဏ်ထူးတန်း တက်ရောက်ခွင့် ရရှိကြသူများမှာ ဥပစာတန်းပြီးလျှင် နောက်ထပ်သုံးနှစ် ဆက်လက်သင်ယူ ကြရသည်။

ရန်ကုန်တက္ကသိုလ်

ရန်ကုန်ယူနီဗာစီတီ ကောလိပ်သည် ရန်ကုန်ကောလိပ်နှင့် ဂျပ်ဆင်ကောလိပ်တို့၏ အပေါင်းပါအဖြစ် တည်ရှိခဲ့ပြီး နောက်ပိုင်း လက်ရှိရန်ကုန် တက္ကသိုလ် နေရာတွင် အဆောက်အအုံများ တည်ဆောက် ပြီးစီးသောအခါ ဂျပ်ဆင်ကောလိပ်မှာ ၀ိဇ္ဇာတန်း၊ ရန်ကုန်ကောလိပ်မှာ သိပ္ပံတန်းနေရာအဖြစ် ပြောင်းလဲသွားခဲ့သည်။ ရန်ကုန်ယူနီဗာစီတီ ကောလိပ်အား ၁၉၃၁ ခုနှစ်ခန့်တွင် ရန်ကုန်တက္ကသိုလ်ဟု အမည်ပြောင်းလဲ ခေါ်ဆိုခဲ့ကြသည်။ ထိုအချိန်တွင် သိပ္ပံခန်းမ၊ ၀ိဇ္ဇာခန်းမများ တည်ဆောက် ပြီးစီးခဲ့ပြီး ဖြစ်သည်။

ခေတ်အဆက်ဆက် အခြေအနေ

ထို့နောက် ရန်ကုန်တက္ကသိုလ်သည် ဒုတိယကမ္ဘာစစ် ဖြစ်ပွားစဉ် ၁၅ ဇန်န၀ါရီ ၁၉၄၂ တွင် ဘုရင်ခံ၏ အမိန့်ဖြင့် တရားဝင် ပိတ်သွားပါသည်။ သို့သော် နောက်တစ်လ နှစ်လအတွင်းတွင် ဂုဏ်ထူးတန်း ကျောင်းသားများအား မိမိတို့၏ ပါမောက္ခများရှိရာ မြို့များသို့ ဆက်သွယ်သွားရောက်ကာ ဖြေဆိုခွင့်ပြုခဲ့သည်။ ၁၉၄၄ ခုနှစ် ဧပြီလတွင် ရန်ကုန်တက္ကသိုလ်ကို ပြန်လည် ဖွင့်လှစ်ခဲ့သည်။ သို့သော် မူလနေရာမှာ စစ်ဘေးစစ်ဒဏ်ကြောင့် ပျက်စီးခဲ့ရသဖြင့် ယခုလသာ အထက(၂) နေရာ၌ ပြန်လည် ဖွင့်လှစ်ခဲ့ရခြင်းဖြစ်သည်။ နောက်ပိုင်းတွင်မှ မူလနေရာသို့ ပြန်လည်ပြောင်းရွှေ့ နိုင်ခဲ့ကာ ပါလီမန်ခေတ်တစ်လျှောက် ဆက်လက် ရှင်သန်ခဲ့သည်။

စစ်အစိုးရလက်ထက်

၂ မတ် ၁၉၆၂ တွင် တော်လှန်ရေး ကောင်စီက အာဏာသိမ်းခဲ့ပြီးနောက် ရန်ကုန်တက္ကသိုလ်၏ အခန်းကဏ္ဍမှာ တစ်စတစ်စ မှေးမှိန်သွားခဲ့၏။ ကျောင်းသားသမဂ္ဂ အဆောက်အအုံမှာလည်း ဖြိုခွင်းခံခဲ့ရသည်။ ယင်းနောက်ပိုင်း ကျောင်းသားများ ဦးဆောင်ပါဝင်ခဲ့သည့် အရေးတော်ပုံ ကာလများကို ကျော်ဖြတ်ကာ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း ကဲ့သို့သော မျိုးချစ်သူရဲကောင်းများ၊ အသိပညာရှင် အတတ်ပညာရှင်များကို မွေးထုတ်ပေးခဲ့ရာ ရန်ကုန်တက္ကသိုလ်ကြီး၏ အခန်းကဏ္ဍမှာ ကွယ်ပျောက် သွားတော့သည်။

ကျမ်းကိုး ၁။ ရန်ကုန်တက္ကသိုလ်စိန်ရတုစာစောင် (၁) (၂)

ရန်ကုန်ကောလိပ်
Eleven Media Group
Written by တင်နိုင်တိုး